سعيد بن واحش
05-09-2005, 04:56 AM
الله يمسيكم بالخير ياهل سمان الهرج
شرف لي اني اشارك بينكم في هذا المنتدى .. واتمنى اني القى القبول بينكم وان قصيدي يلقى جزء بسيط من رضاكم
واشكر اخوي ابراهيم بن مريع على الدعوة واعتذر منه ايضا على التاخير
وعسى القصيدة هذي تكون شافعه لي عنده وعندكم
ماني بمزيون .. مير الله زيني=بسلوبي ولساني وافعالي ويديني
يضربني السيف .. ولا الرمح يطعني=لو حاجتي دونها قص الشراييني
ماعني وعنها .. ولا عنها وعني =يالله على الضيم والشدة تقويني
ان كان ما خاب في عدل الزمن ظني=فالله من الخير والمعروف يرضيني
يعطيني الله مما شاء ويمنّي=الملك لله .. رزاقي ومعطيني
ولا البشر بين : يمدحني .. ويلعني=اللي يدانيني .. واللي ما يدانيني
امشي على الشوك وانا اشوف متعني=لولا الهدف كان ما شيٍ يعنيني
العقل يمنعني مير القلب يشحني =هذاك يزهمني وهذا يناديني
وانا يكفيني من مجد الزمان اني =اقسى على الضيم من قيد الاسيريني
واني ليا شانت اخلاق الملا كني=حلم اليتاما على همز اللئيميني
الصعب للصعب .. والهنات للهني =والجود للاجودي .. والدمع للعيني
والبن والله لولا الحمس والدنّي=ما كان يشهى له قروم العريبيني
لولا الكدر كان ما يطري لي اغني=ولولا الغنا ما دروّا الناس وش فيني
ولْكان ما صفق الجمهور من فني =ولا كانت ابياتي بين الناس تطريني
اعرف طريقي واسير الدرب متونّي =الشمس تصبحني والنجمة تباريني
والساق من واخز الاشواك ما ونّي=والقلب من ضيم الايام يرثيني
الحال حوّال .. وداجي الليل لا جنّي=قامت همومي معي مثل النديميني
هذا يحمّسني .. وهذا يوهنّي =ومن قبل لا تصبح السمار ساريني
ما صبّر النفس من همٍ يطاحنّي =الا ثلاثٍ على الشدة تخاويني
ان الله الخالق اعطاني وعاوني =وان الزمن لازم يعوّد يراضيني
وان صاحبي بارق العينين والسنّي=وان جارت ايامي والله ما يخليني
ايحس بي .. كنه الا قطعة مني =ويبكي معي كنه .. الا موقي وعيني
ما اقول الا عليّه عنّه وعنّي =وجعل ما فيه من غمٍ يجي فيني
يطري علي واذكره واقول متغني :=(الميت اموت به .. والحي يحييني)
واتخيل اني معه والموج متثني=والقمرا من فوقنا والوجد كاسيني
وانه يغني لي ابياتي ويراهني=اني محرفها عن بعض المضاميني
واقول له اسمع التالي يا فاتني=وان كان حرفت لك بيتٍ فداعيني
(ماني بمزيون مير الله زيّني=حببني لخلي .. ولا ماهو من زيني)
ويقول لي البيت هذا سامعه كني=(بسلوبي ولساني وافعالي ويديني) ؟!
واضحك معه في خيالي واقعد امنّي=نفسي بما لا تطوله لو تمنيني
الله يدفعني عنه .. وعنه يطعني=والله يثبت علي العقل والديني
وسلامتكم
شرف لي اني اشارك بينكم في هذا المنتدى .. واتمنى اني القى القبول بينكم وان قصيدي يلقى جزء بسيط من رضاكم
واشكر اخوي ابراهيم بن مريع على الدعوة واعتذر منه ايضا على التاخير
وعسى القصيدة هذي تكون شافعه لي عنده وعندكم
ماني بمزيون .. مير الله زيني=بسلوبي ولساني وافعالي ويديني
يضربني السيف .. ولا الرمح يطعني=لو حاجتي دونها قص الشراييني
ماعني وعنها .. ولا عنها وعني =يالله على الضيم والشدة تقويني
ان كان ما خاب في عدل الزمن ظني=فالله من الخير والمعروف يرضيني
يعطيني الله مما شاء ويمنّي=الملك لله .. رزاقي ومعطيني
ولا البشر بين : يمدحني .. ويلعني=اللي يدانيني .. واللي ما يدانيني
امشي على الشوك وانا اشوف متعني=لولا الهدف كان ما شيٍ يعنيني
العقل يمنعني مير القلب يشحني =هذاك يزهمني وهذا يناديني
وانا يكفيني من مجد الزمان اني =اقسى على الضيم من قيد الاسيريني
واني ليا شانت اخلاق الملا كني=حلم اليتاما على همز اللئيميني
الصعب للصعب .. والهنات للهني =والجود للاجودي .. والدمع للعيني
والبن والله لولا الحمس والدنّي=ما كان يشهى له قروم العريبيني
لولا الكدر كان ما يطري لي اغني=ولولا الغنا ما دروّا الناس وش فيني
ولْكان ما صفق الجمهور من فني =ولا كانت ابياتي بين الناس تطريني
اعرف طريقي واسير الدرب متونّي =الشمس تصبحني والنجمة تباريني
والساق من واخز الاشواك ما ونّي=والقلب من ضيم الايام يرثيني
الحال حوّال .. وداجي الليل لا جنّي=قامت همومي معي مثل النديميني
هذا يحمّسني .. وهذا يوهنّي =ومن قبل لا تصبح السمار ساريني
ما صبّر النفس من همٍ يطاحنّي =الا ثلاثٍ على الشدة تخاويني
ان الله الخالق اعطاني وعاوني =وان الزمن لازم يعوّد يراضيني
وان صاحبي بارق العينين والسنّي=وان جارت ايامي والله ما يخليني
ايحس بي .. كنه الا قطعة مني =ويبكي معي كنه .. الا موقي وعيني
ما اقول الا عليّه عنّه وعنّي =وجعل ما فيه من غمٍ يجي فيني
يطري علي واذكره واقول متغني :=(الميت اموت به .. والحي يحييني)
واتخيل اني معه والموج متثني=والقمرا من فوقنا والوجد كاسيني
وانه يغني لي ابياتي ويراهني=اني محرفها عن بعض المضاميني
واقول له اسمع التالي يا فاتني=وان كان حرفت لك بيتٍ فداعيني
(ماني بمزيون مير الله زيّني=حببني لخلي .. ولا ماهو من زيني)
ويقول لي البيت هذا سامعه كني=(بسلوبي ولساني وافعالي ويديني) ؟!
واضحك معه في خيالي واقعد امنّي=نفسي بما لا تطوله لو تمنيني
الله يدفعني عنه .. وعنه يطعني=والله يثبت علي العقل والديني
وسلامتكم