واكـبـر مـديــرٍِ فـيــه تـسـمـع صفـيـقـه

[مهنا السعدي]

أعزائي اعضاء منتدى سمان الهرج

وصلتني هذه القصيده على بريدي من الشاعر المعروف(زيد الحسناوي)

القصيده ليست ( لزيد) ولكنه لم يذكر أسم الشاعر.

حبيت أطلعكم عليها.

يالـلـي عـلـى الـمـرواح قـدكــم مشـافـيـق
.....................‏فـــوق الـعـديـم الـلــي تـلامــع بـريـقـه

مــن فـــوق صـالــونٍ فـيــوزه مطـابـيـق
.....................‏مافـتّـشـوه اهــــل الـعـقــول الطّـفـيـقـه

ومــا قلّـبـوه اهــل الـــورش بالمـطـاريـق
......................‏ومــا لـفّـقـوه اهـــل الـمـعـارض لفـيـقـه

ومــا عِــرْض فـالـصـالات لاهــل التّوافـيـق
......................‏الـلـي تـــدوّر فـيــه كـســب و وفـيـقـه

صــوت الـقـزوز تـقـول جـــرّة طـواريــق
.....................‏عــذراً عـلــى شـوفــة غـلاهــا شفـيـقـه

وبْــدق سـلـفـه كـــن قـطــف الزّمـالـيـق
......................‏بـيـن اصبـعـيـن صـغـيّـرٍ فـــي حـديـقـه

حـافــه خـبـيـرٍ مـــا تـجـيـه التّـعـاويـق
........................‏مـتْـزهّـلٍ بـــه لـيــن يـكْـمـل طـبـيـقـه

نـسـل الـقـروم اهــل الـوجـيـه الممـاحـيـق
........................‏فِـنْـس الخـشـوم اهـــل الـعـيـون الغلـيـقـه

سلـيـل عـــود ومـــن سـلايــل مطـالـيـق
......................‏الـكـيــف بــيــره والـدّيـانــه مـحـيـقـه

فـاللـيـل يسـهـر بـيـن شـــرْب وغـرانـيـق
......................‏مـايــشــرب الا بـالـسّـحــال الـعـتـيـقـه

والـصـبـح يـســرح حــافــظٍ للـمـواثـيـق
......................‏مــا قــد تـأخـر عـــن دوامـــه دقـيـقـه

يـســرح ولا لـــدّ الـنـظــر للمـطـافـيـق
..................‏حتى اكْـتـمـل شـغـلـه علـى احـسـن طـريـقـه

سـاعـة خَـلَـص والمصـنـع ايـضـجّ تصفـيـق
.......................‏واكـبـر مـديــرٍِ فـيــه تـسـمـع صفـيـقـه


والشـيـك بيميـنـه عـلـيـه الـــف تـصـديـق
.......................‏ملـيـااار يـــنّ الـلــي عـطــووه ويفـيـقـه

ثــم استـقـال وقـــال بـاعـيـش ترويـيـيـق
......................‏وانـــا الوحيـدالـلـي وصـلــت الحـقـيـقـه


حقـيـقـة الفـكـسـار صـنـعــه وتـطـبـيـق
......................‏مـوديــل نـــادر والـصـنـاعـه عـريـقــه


أبـيــض شطـرطـونـات حُـمْــرٍ مـلاصـيـق
......................‏عــلــى جـنـوبــه والـمـرايــا فـهـيـقـه

لِـدْبــار ريــــمٍ ذيّــــروووه التـفـافـيـق
......................‏واقـبـالـه اقــبــال الـسّـبــاع الـمـويـقـه


عــــدّوه لــلــي حـبـهــا بالـمـعـالـيـق
......................‏فـالقـلـب غــادٍ لـــه غـصــونٍ وريـقــه


حــب الـشـرف طـيــرٍ يـتــلّ المسـابـيـق
.....................‏حــب النّـقـا مــا فـيـه غـــشّ وسـريـقـه


عـقـب البـطـا عـنـهـا وعـقــب التـفـاريـق
........................‏وبفـراقـهـا قـلـبــي تــطــارخ شـهـيـقـه


والـلـيـل لا مِــنْــه ابــتــدا بالـغـواسـيـق
....................‏قـلـبـي حطـيـمـه زاد واســـرع خـفـيـقـه


واونّ ونّـــه واغْـشِــي شـــوي وآفــيــق
...................‏وياخـوفـتـي مـــن غـشـيــةٍ دون فـيـقــه


فيـا وجْـد حالـي وجـد مـن طِـرْح ثــم سـيـق
.....................‏فـالمـعـركـه خـلّــوه ربــعــه وسـيـقــه


كسـيـر ســـاق وبـــه جـــروحٍ مفـاتـيـق
.....................‏وطـــاح بـيـديــن الــرجــال الحـمـيـقـه


عـلـى مشـاهـدهـا عـلــى فـكــة الـريــق

..................‏ يــا كــود تـبـرى بــي جـــروحٍ عمـيـقـه


هــي شــفّ بـالــي دون كـــل المخـالـيـق
...................‏وبـاقـي الخـلايـق جعـلـهـم فـــي حـريـقـه

[ابراهيم بن مريع]

الله يبيض وجهك يابو عبدالله دنيا وآخره

علومك كلها غانمة واختياراتك كلها جزلة

والقصيدة حسب ماسمعت إنها للشاعر عبدالرحمن الدعرمي وهو من شعراء منطقة بيشة

وزيد الحسناوي الشاهد الله إنه غالي

وبإذن الله بأكلمه اليوم تلفون لأجل يسجل معنا بإذن الله


تقبل تقدير واحترام أخوك

[مهنا السعدي]

أنشالله يابومريع

أبو محمد أيام قليله وهو في (سمان الهرج)

[محمد بن جفين]

ابو عبدالله
بيض الله وجهك

اختيار جزل وعادتك ماتصيد الا السمين يالحر
تحياتي

[مسفر بن مظف]

مرحبا يابوعبدالله


وحيه وحي ماجاب


لاهنت على النقل

[خالد الحارثي]

ابو عبدالله


الله يجزاك خير


تعبت وجبت الجزل

وصح لسان شاعرها وعلي اللزوم

لواني محل عبداللطيف جميل لاصرف لمرير الحبيل ولشاعر هذه القصيده كل واحد vxr على قصايدهم

دمت بخير