فتل ونقض ..

[عوض الشريفي]

السلام عليكم ورحمة الله وبركاته

سوف انقل لكم واختار مما احفظه من محاورات " الفتل والنقض" لمجموعه

من الشعراء لنرى قوة اللفظ والمعنى وسرعة البديه لدى بعض الشعراء الكبار

واليكم بعض من هذه الابيات الجميله..



الجبرتي قائلاً للمسعودي رحمهم الله :
أنته سوات الحيّه اللي وازيه في بطن غـور=ترقد بغير فراش - مير انحاش ياحوت البحر

رد عبد الله المسعودي :
انته كما السيّاره اللي عاكست خط المـرور=يسوقها الحشّاش - مير انحاش ياحوت البحر

×××××



وقال محمد ابن تويم
ترى هذي الديره يسمّونها ام سباع=وفيها سباعٍ تاكل الذيب سرحاني

ورد المسعودي الله يرحمه
انا جيتها في الصيف ماجيت في المرباع=وش تقول جيت السبع و السبع ماجاني




محمد بن جرشان البقمي :
مادام ابن عواد بالملعبة حاضر وموجود=خيل خيالٍ يصبح الصبح سامرةٍ بروقـه

الرد من صياف :
مادام ابن عواد موجود ضلع طويق ممدود=يوجعك لو يطيح فوقك ولو تطيـح فوقـه



وقال عبدالله المسعودي رحمة الله عليه
ماني بجيب الفصاحه غير عند الفصيح "=" امشي مع الناس واعطيهـا قوانينهـا

مطلق الثبيتي الله يرحمه..
بعض المعاني تعنيني وانا مستريح "=" وام الموازين لا تصغي موازينها


قال محمد بن تويم..
ابنطح براسي راس مستور=واخليه ادق مـن الطحينـا

مستور. العصيمي...
الا يامحمد منت مجبور=تنبه قلـوب الغافلينـا




مستور العصيمي :
من قشر حضك يالحريبي ماتشوف الا بعين=والعين الاخرى من زمانٍ فات معمي نونها

صياف الحربي :
عيني لها نضره ونضرتها مشيبة الجنين=وانته عيونك يوم ترفعها تطيح اجفونها




مطلق الثبيتي

ياراعي الشله اللي عن عيال الخير معزوله=بعد سويتها فينا يبي لك حـرب وجهـادي

شليويح المطيري

انا لي شلةٍ في دربهـا ماهـي بمشلولـه=بعدها يالثبيتـي لاتحـرك كـورة النـادي


مطلق الثبيتي

ابوكم ماتسنع وامكم قشـرى ومهبولـه=ليا ميزتها من قشرها ماعـاد تـزدادي

شليويح المطيري
انا امي صاحيه وامك من الايام مشغوله=ولاتسمع كلام امك نهار تصيح وتنـادي

[عوض الشريفي]

وقال سلطان الهاجري
الليل يامستور مادون الحلوق الا اليدين=لولاك ماطلعت سكينـي ولا حديتهـا

ورد مستور العصيمي
سكينك اللي قلتها دوّر لها كبشٍ سمين=ياليتها تشبعك من ذيل الطلي ياليتهـا



الـــــــزلامـــــــي
إتجه للغرب وأحـوال العـرب مستـوره =ماقـراه الغامـدي علـم بـه الزهرانـي

شليويح الـــمـــطـــيــــري
إتجه للغرب وإقر اللـي علـى السبـوره =ثـم دور للطبيـب مـداوي المرضانـي



محمد الـــســـنـــانـــي
هل الطايف عرب منهم تسلسل يوسف الحاجاج =نشرله في بلاد الرافدين ابيـات مشهـوره
الــــــزلامــــــي
طردنا يوسف الحجاج وانته تبغـي المنهـاج =بعد ساعه يبي يضحك عليك مشجع الكـوره




الفتل من محمد الجبرتي :
وش عاد باقي ياعبد الله تهيض هات الأمثال=شريت إلك الموتر اللي ما شراه أبوي ليـه
أنا أشهد إني ربيتك لين صرت اليوم رجال=واليوم صرتوا رجال ولا لكم شرهه عليـه

الرد من ولده عبد الله محمد الجبرتي :
الله يخليك ليه ثـم أرد اريـال بريـال=لو كان ماني بمحصي كل ما سويت فيه
وأنته شريته لنفسك وإلا أنا ماغير جمال=بالصبح أوديك مكة والعصر يم الضبيه

[عوض الشريفي]

هذه محاوره من اجمل المحاورات

فتل ونقض بين شعراء كبار



الثبيتى,

عد همال السحاب اللى تحن رعودة=مرحبا فى حلة يكرم بها الظيفانى
شفت ابن جرشان فى دربة يطش شنودة=كل ماودة يحك الزند فا الصوانى

بن جرشان,

عد همال السحاب وحسبة معدودة=مرحبا ترحيبة يرضى بها الزعلانى
انت دايم كل علم باللسان ترودة=مير لاتخطى على السلطان يالسلطانى

التبيتى,

انت لك بين القبايل خطة محدود=ياثمر ورد الهدا يادوش ياريحانى
لاتسير بالقدم فى سكة مسدودة=وانتة اعور عين مدرى من حدى العميانى

بن جرشان,

ماعلى خلاف مادام الثقة موجوه=واللة اعلم بالقلوب اسمع كلام السانى
"""""""""""""""""""""""""""""""""""""""غير موجود

الثبيتى,

الكلام اللى باجيبة حاضرين شهودة=اثر راعى حضن لا مسلم ولانصرانى
انت مدفاع من البارح غرق بارودة=زهبتة ثارت ومرت كلها دخانى

بن جرشان,

لاتجيب شهود من ظابط حرض وجنودة=والحذر تطرى حضن ياراعى الريعانى
مدفعى يقدح زنادة وانشد المنشودة=مير من يخطى طريقة قول لة غلطانى

الثبيتى,

من حفر قبر هلالى لين طلع عودة=يدخل القبر القديم ويلبس الاكفانى
من قرب للسمن حتى انة دهن عجرودة=يشربة ويروح مع غامد ومع زهرانى

ابن جرشان,

من حفر لة حفرة تكسر صلاب زنودة=وانت لاجيت الحسا قلنالك البحرانى
انت شايف بالعيون اللى يحرك عودة=مير تزعل لا شتمنا جدك القحطانى

الثبيتى,

ماعلى من اليتيم اليا لمست خدودة=الياتاما مالهم غير العصا من دانى
البعير اللى لقيت الشوك تحت بدوده=كيف تصبر تحت نقز الشوك وانت عمانى

ابن جرشان,

اكثر العربان مثلك فالبلد محسودة=وانت ظنى لو تموت بدون طق جنانى
والبعير اللى تقولة واردن ساموده=ماعلية ولابلش بمعالج الحشيانى

محمد بن جرشان البقمي والشاعر مطلق الثبيتي

[عوض الشريفي]

مستور العصيمي
سلامي سلامي طير النوم=عن العين والقلب الرقـودي
شليويـح حالـو دونـه القـوم=يحسبون ابومطلق سعودي


شليويح المطيري
هلا مرحبا ترحيب ملزوم=تحيـه لعربيـن الـجـدودي =
صقور الجزيره تبعد الحوم=تشرق وترجـع للحـدودي






مـحـمــد ابـــــن جــرشـــان
انا شايفك راسك فالسما من يوم جيت عصير=لكن اعرف من انتة قبل تنشب في مناشبهـا

صــــيــــاف الــحـــربـــي
انا راسي طويل وروس خلق اللة لها تدبيـر=والا ياكـم لحيـة نابتـة قصيـت شاربهـا






محمد بن جرشان
الا يالفـــــــــــــــــارس اللي ناقلاًِ شلــــــــــــــــــفاه مايعــــــــــتاز =تكــــــــــــب الحلو واتريد المراره واسر ياسـاري

مستور.
مــــخاليبي تعـــشي يامـــحمد مــــع طـــيور الــــــــــــــــــــــــــباز=واعرفك فــــــــيك غدر وفيك باره واسر ياساري









مطلق بـن حميـد الثبيتـي رحمـه الله :
.الحريبي ينفض اللحية ويطوي في معمه=طار قلبه من شليويح المطيري والزلامي
والبعير اللي يشيل الحمل عود يرضع امه=عقب قالوا شامخ النيبان مركوز السنامي


صياف بن عواد الحربي شافاه الله:
.الحريبي يوم غنا حطكم فـي راس كمـه=ثم خلاكم عجينه كـن مافيكـم عضامـي
والجمل يمشي على دربه وعلمك ما يهمه=من هديره قمت من نومك وحرمت المنامي

[عوض الشريفي]

صياف الحربي
عسى طير شلوى عقب عصفور وفروخ=فقـد وحـده والثانيـة مــا فقـدهـا
ترى جالب الجوخ على راعـي الجـوخ=يبـا يرمـي الجـوخ وتقعـد وحدهـا

فلاح القرقـاح
كفيل الزمـان يهدمـه العـش والكـوخ=واظـن الليالـي البيـض هـذا وعدهـا
ياعود ابيتلشتـوا بيـن شبـان وشيـوخ=والاخرى تجيـك اشـد وامـر وادهـا






الزلامي
شفت ذرية حليمه يوم جوكم سارحينا=ان حيت بغبنه وان مت منته للرحامي

ابن شايق
دورو لشيوخكم وان نسيتوا مانسينا= انت مانتب حامي بيض الحباري والنعامي



ولي تكمله مع باقي الشعراء باذن الله

[طيب الفال]

الاخ / عوض الشريفي
بيض الله وجهك والله لا يهينك مشاركه مبدعه ومفيده من شاعر كبير ومبدع
الف شكر وبانتظار ابداعك ومعلوماتك الجيده .

[مسفر بن مظف]

ألف شكر لك يابو جار الله

لاهنت ياغالي

ولاضاع تعبك

أخوك

[عوض الشريفي]

حبيّب العازمي
أن كان ربي يبا يغنيك فأنت أغتنيـت=ياراعي الهضبه اللي عـوايٍ ذيبهـا
صدام ماعادها من عقب غزو الكويت=ماغار بغداد يصبحها ويمسـي بهـا

مصلح الحارثي
من مال جدك وبوك العازمي ماعطيت=الا فعول الرجال اللـي تثـاري بهـا
صدام ماعاد عنده فالمخازن (فليـت)=يمه نمـور الجبـل مـدة مخاليبهـا







حـــــــــــــبـــــــــــــيـــــــــــــب
ترى العاقل اللي يعرف النقص والـزود=قبل مايعـرف الـدار يعرفـه دروبـه
بذلنا على وضح النقـاء كـل مجهـود=لكـن انـت لابـدك تلقـي صعـوبـه

بــــــــــــــــــن شـــــــــايــــــــــق
ترى العاقل اللي ياخـذ الحـق بشهـود=ونفسك على الطرقه مهيـب مغصوبـه
ليا صـار فالميـدان حـاوي ومـردود=انا اصل العرب واصلي يعرف العروبه

[عبدالرحمن بن بديع]

بيض الله وجهك يالشريفي


والله موضوع مهم وموضوع شيق ولاتكفيني زيارته يوميآ


بازوه بالساعات

ارجوا ينظم الموضوع بدون ردود

واريد منك محاورة 0مطلق وصياف

الللي يقول000000 البعير اللي يشيل الحمل عود يرضع امه 0000كامله

ومحاورة الزلامي وبن شايق 000 اللي يقول 000 الزلامي شاعر شايب وله حق علينا 000كامله


والله لايهينك يالشريفي

[عوض الشريفي]

فتل ونقض

هديه للاخ عبدالرحمن بن بديع وحسب طلبه




قال مطلق:-
الحريبي ينفض اللحية ويطوي في معمه=طار عقلـه من شليويـح المطيري والزلامي

البعير اللي يشيل الحمل عود يرضع امه=بعد قالـوا شامخ النيبـان مردوم السنامـي



صياف:-

الحريبي يوم غنى حطكم في راس كمـه=ثم خلاكـم عجينـه كن مافيكـم عظامـي

الجمل يمشي عل الدرب وكلامك ما يهمه=من هديـره قمت من نومك وحرمت المنامي



مطلق :-

الزمان اللي ستـر حالك وحالي لاتذمـه=والحرم من دونه المسعـى وبيبان السلامي

انت داب كل ما حرك شدوقه سال سمـه=والله انا مانـذوق السم يا لداب التهامــي



صياف:-

انت ذيب تكره البارود لو انك تشمــه=ما تحب النور الابيض ما تحب الا الظلامي

الطعام اللي ليا شفته على صدرك تضمه =لا تقول انه حـلال ولا تقول انـه حرامـي



مطلق:-
علموا صياف لايتبع خفيف الظل عمـه =دام انـا وياه فالمذهـب وفالطرقـه ليامـي

قله انا ما نبااللي بننا نقال نمـــــه=بعد عـود بيعـة بين القبايـل ما يسامــي



صياف:-
انت اشوفك كل ما تسرح تضوي لك مطمه=تحسد المسلم على دينه ليا صلى وصامي
لا يزعلك الكلام اللي عسى ربي يتمــه=ثم بـده مستريـح بلا شـراب ولا طعامي



مطلق:-
كل شي في طريقك يابيض الشارب تخمه=لين ضيعت الفشـق والبندقيه والحزامــي
ان نثرت القش ياصياف ماتقدر تلمه =وان قربت من العرب ميسمك جوف النار حامي



صياف:-
لو بيتـركلـك على باب الخزينه رحت يمه=وان نظرلك نظرة حمراء تعديت النظامي

المسافر ما يطب البحر ليـن انه يطمــه=يذكر الله في بلد مكـه ويلبس له حرامـي



مطلق:-
انت مانت مستشار ولاانت ريس مجلس امه=انت غصن الحنظله مالك زهور ولا نوامي

جيت عند الحسو ضامي مير ماللحسو جمه=ماخبل اللي يحسب ان الحسو يروي كل ضامي



صياف:-
لو يحطوك العرب ريس قضاء مافيك ذمه=يوم تضحك لي بسن ويوم تزعل من كلامي

لاتنـزلك الدروب العوج وانت براس قمـه=ثم لو اتمـوت ماقلنـا لعلـه للـرحامـي



مطلق:-
والله انك تعرف النقاش صواغ الازمـه=هات ياصياف خشمك كان تبغي له زمامـي

ماخبل اللي يرسلونك يالحريبي في مهمه=وانت في رجلك سلاسل وانت في راسك خطامي



صياف:-
ثوبك الابيض تغير يوم طولت الاكمـه=مير ليتك تصبغه بالسـدر وعروق البشامــي

[عوض الشريفي]

بين الشاعرين
بن شايق القحطاني ورشيد الزلامي


بن شايق
ياماعازيب الوفاء ونتم دعيتونـا وجينـا=قبل مردود البرا يا زين مـردود السلامـي

الزلامي شاعر(ن) شايب وله حق(ن) علينا=والحقيقه كل خلـق الله يحبـون الزلامـي


رشيد الزلامي
مرحبـا والله يحيكـم وحنـا حاظرينـا=وانتبه للكلمه اللي لاحـلال ولاحرامـي

اثر في قلبك محبه من زمـان ولادرينـا=شوفلك واحد سنينك يتجهبك شرق شامي

ابن شايق


الرجـال الطيبينـي يقـدرون الطيبينـا=خلنا نلعب ونكسب خبرتك خمسين عامي

لاتناظر فوق وتعـد الليالـي والسنينـا=الحرامي يحسب ان من قابله مثله حرامي

الزلامي

شد حيلك ودحـم الشعاربالجنـب المتينـا=والهدف في راس ظلع(ن)مايصيبه كل رامي

والله انا مالقينا صورتك في حـرب سينـا=مير هذا الوقت جبت البندقيـه والحزامـي


ابن شايق


عيت الشاره تطيح اليـا رميتوهـا رمينـا=الطمع بيني وبينك فالـردوف وفالسنامـي

ونت لك صوره على شاطي بحر هادي ومينا=لاتلحقنـا المـلام ولانلحـقـك المـلامـي

الزلامي


ودنا يسـرون ظيفـان الكرامـه مكرمينـا=ون بغيت اكوي كويت و ميسمي فالنار حامي

عقـب ذاك الوقـت اظنـا لانبيـك ولاتبنـا=رحت مرواح الغراب الـي تقفـاه العسامـي

ابن شايق


ان رضيتوا مازعلنا ون زعلتو مارضينا=لاتخلينا نشيل الروس ونقص العظامي

فيك ثنتينن سوا والثالثه وحده وفينـا=نحمد الله ظحكت الدنيا لنا والحظ قامي


الزلامي


ياعيال العود مادون الحلـوق الا اليدينـا=مير حنا يوم شفنا العود في خشمه عرامي

من قرارت نجد سقناكم وجيتـو مقبلينـا=مادرا جنب الحصاه الا تـردون السلامـي

ابن شايق


لونعد الفعل الاول كم خذيتوا كم خذينـا=ياحليمه جوك خلان الأشده والمسامـي

يوم حولنا عليكم من يسار ومن يمينـا=رحت من نجد العذيه يالحجازي والتهامي


الزلامي


شفت ذريت حليمه يوم جوكم سارحينا=ان حييت بغبنها ون مت مانته لارحامي

ان فعلتو شي في ذاك الزمان مسامحينا=انتبه هذا كلام المعركه ماهـو كلامـي

ابن شايق

دورو لشيخوكم وليـا نسيتـو مانسينـا=انت مانته حامين بيض الحباري والنعامي

ان خجلتو وستحيتوا ماخجلنا وستحينـا=اسمحو لي باتكلـم ياعزيين المقامي

الزلامي
الصحيح انا نسينا مـن حنـا فاقدينـا=تاخذ الراعي وناخذ فيه حامين الجهامي

ياله اغفر ذنبنا ان كان حنا مسرفينـا=والخطيه يوم عرظنا القحاطين المظامي


ابن شايق

كان شيخك راعين عندك شيوخك ظايعينا=انته صاحي بالسيع واحيان ياخذك المنامي

اشتكيتوا لـالشريف ويعلم الله ماشكينـاون ظمينا يالزلامي كان وردنـا الحيامـي

الزلامي


ياولد شايق ترى الله سامحك دنيا ودينا=ثايرن دمك من الماظي ومثلك مايلامي

[عوض الشريفي]

حبيب
ياصاحبي مستور يوم انت بدوي سنّك كبيـر =قدّم لنـا نبـذة بسيطـة عـن حيـاة الباديـة
أحسن ركوب الطايرة والباخرة والا البعيـر =والا ركوب الموتر اللـي مشيتـه متحاديـة

مستور
البادية والحاضرة سوى سوى تنعـم بخيـر =اخذ السوالف هادية مـا دام الاجـوا هاديـة
لوّ البعير يطير كان احسن لكنّـه مـا يطيـر =سفينة الصحرا وميراث(ن) مـن الاجداديـة

حبيب
الناس طلعت للقمر وانتـه محلّـك تستديـر =أصبحت مثل الكورة اللي عند بـاب الناديـة
اختار فالأمرين والموضوع الاول والاخيـر =اتشاهـد التلفـاز ولا تستـمـع للـراديـة

مستور
أنا زرعت البر واحصد بر ليش احصد شعير =واخذت للحرة من التاجر رسـن وشداديـة
اليا بغيت اختار اخذت الطيبة مهمـا يصيـر =واهل الفتايل وش تقـول وقدحهـا بزناديـة

[محمد بن جفين]

ابو جار الله
انت حر ولا تصيد الا سمين
بيض الله وجهك على جهودك الجباره

[خالد الحارثي]

ابو جارالله


اختياراتك تنم عن ذوق محترف


دمت بخير وشكرا لاختيارك

[أبو فهد]

السلام عليكم

كالعادة يا بوجار الله

لا تأتي الا بالغالي والثمين

بارك الله فيك وكثر الله من امثالك

[عوض الشريفي]

السواط
أناسواة الكبتن الطيار=ون طرت أجيب ألك الاماريه

صياف
منته مقصر والعلوم كثار = طيار مير الارض مخفيه


****

مطلق الثبيتي رحمه الله:

الحريبي لو لقاله واحد(ن) يقطع لسانـه=ماتغزل في بنات الهند سمحات الخدودي


صياف الحربي:
اعتيبه قولوا لمطلق يمرح في مكانه=مايدافع عن بنات الهند ياغير الهنودي

***


صياف الحربي
ياشليويح صك الباب عن كل ريحه =قبل تشتب نار(ن)مايغلق حطبها

يفرح الضيف يوم يطيح راس الذبيحه = وان شبع من لحمها ماالتفت في عصبها



شليويح المطيري
لونصحت العرب ماتستمع للنصيحه=كل سلعه يسنع دربها اللي جلبها

وانت ياشعيل تبرك لوفوق الصفيحه =يوم بعض الجمال تخاف تجرح ركبها

***


صياف

الجبرتي مع العربان ثاير غبـاره=كل ماواق في راس الجبل سد ريعه

الجبرتي
الجبرتي مع العربان سايق حماره=لوّ قالوا تبيع العير والله ما أبيعه

[عوض الشريفي]

محمد السناني :


طال عمرك وأنت وقت اللزوم تسد نوب = ليت عام أربع مية نستطيع نجدده


الرد من صياف :

خل عام أربع مية يستريح بلاذنوب =وكان ما عندك دراهم عليك أقصدة


***


قال الشاعر محمد الشمالي

إن كان ماحطيت في علباك مشعاب أسلمي= ماني عشير أم الكفوف اللي تدق خضابها


فرد عليه الشعر سلطان الهاجري
إن كان ماحطيت مشعابك تحت راس قدمي= ماني عشير الطيبين اللي تعز أصحابها


***



الجبرتي :

الخط ميل مع ديار سليم يوم الحظ قام = واليوم ديرة حرب يامبروك يعوي ذيبها
لا كن تعالوا عندنا ياصاحبي وابنو خيام =بس الحجر والطوب والأسمنت لا تبني بها

الرد من مبروك أبو ناب :

حنا كسبنا الأولات اللي لها ستين عام = تدري بها ولى ليا ذا الحين ماتدري بها
والخط ماهو خطكم تخطيط مرحوم العظام =واليوم تمشي به على خبث الدروب وطيبها


***



الجبرتي :

أخرجي يالخارجية وادخلي يالداخلية = يالبناخي لايجيك الخوف من بطن الأماني
كل مارحتوا وجيتوا قلت أنا ولد أسلمية =روح يازعزوع دور لك بعد زعزوع ثاني

الرد من بكر الحضرمي :

مانقول الا الكلام اللي على تقوى ونية =واحليلك واحليلك يالعميل الشقلباني
أن جحدتونا حجدناكم وذمتنا برية=حقنا ماضاع مابين العرب والترجماني


***


احمد الناصر
الغشامة والجهل بالرجال أكبر مصيبة = والعمى ماقالوا انه يبشر بالهلالي

الرد من سلطان الهاجري :

الغشامة والجهل مشكلة في عود شيبه = والولد يمديه يفهم ليا جاء له مجالي

***

[عوض الشريفي]

الشاعر محمد بن ثايب


بدع ورد




البدع



قال بن ثايب الواثق من خطاه يمشي ماعليـه
لا تضيقون ذا الليلة فقد قدامها عشـر معانـا
ما شكينا وشكينـا كماكـم وهـذا مستحـال
وش على الخطر المتواثقة من كلام الشامتيـن
نضرب البوص والمزمار واللي يدقون الربابة
لا تخليني امشـط لحيتـي ويتفتـل شاربـي
وش يزعلك لا قلنا وقالوا اهل ابها والجنينـه
لعنة الله على الشيطان في صبح ولا في عشي






الشقر



يعرف الشهم مثلك كل ماله ويعـرف ماعليـه
فأن قعدنا نحاسبكـم فـوالله يـا كثـر المعانـا
مثل ما قيل لا شافيت حال ولا نومسـت حـال
لا كلا من اليمن تمر ترا قد كلا من الشام تيـن
هقوة الله على من حل وادي الردا ولا ربـا بـه
وأنت ينشار بك في بعض الأشياء ولا ينشار بي
نسحق الذود والخفـان دون المجنـه والجنينـه
أقتدا خوك بيده فأن شرا شـي ولا بـاع شـي




البدع



بسم الله أبدأ فأنهي الهزوع
سلام يافضاضة الجمـوع
وأنا وراكم طمرت الحصان
لولا هديري ماشراني عمي
يبغانـي افاجـي ثمانيـة





الشقر



والله ان اعصب الروس وان ازوع
ولا نغـادر روضـة الجـمـوع
وقفاتنـا مـاهـي بتنحـصـان
مهـلاك يـارب العلـم والعمـي
ميـر استثيـب ويــا ثمانـيـه




البدع


أولا فالمعرفـة بالغـة والثقـة متبـادلـه
ثانيا فالطوارف مايرزم عليها الا عـوادي
ثالثا ويش بخست البحر ياوارده واشارعه
رابعا ماخبرته يفلق المكربات يكون موسى
خامسا ماخبرته يلحم في الحديد الا الحديـد
لا تخلي الذياب الفرس ماعاد شفت الحيمات
والعرب لاتخلي مرحبا لقي حاتم من يذلـه
قالها الله وقلها من معه قالـة ياقـف لهـا





الشقر


لا يطول الدهر ما قلت احيني له ولا مت بادله
أعقل البازل الهدار ذا لاهدر من فـرع وادي
قامت البل تشاول كل حـي يـدور شارعـه
نافدا من عطى بالراس ماشل سيف وشل موس
أنتم منا وحن منكـم ويانعـم ياغـم الحديـد
الله الحي والدايم وغيره لو ابطى حـي مـات
ادري ان الدهر دوار واين المعـزه مالمذلـه
حب راس اليتيـم ويعتمـد فانخهـا ياقفلهـا

[سحمي الهاجري]

السلام عليكم ورحمة الله وبركاته

أخي الشريفي

الله لايهينك على ماقدمت من محاورات جميله وقويه جداً في المعاني والفتل والنقض

وبيض الله وجهك على حسن الأختيار

تقبل أطيب التحيه والتقدير

أخوكـ/ سـحـ الهاجري ـمـي

[عادل المسيلي]

جهود تشكر عليها يا عوض
مشكور ماقصرت
أنتقاء مميز يالشريفي
تحياتي

[فهاد الأكلبي]

الاخ الغالي
عوض الشريفي
بيض الله و جهك
جهود تشكر عليها
ومشكور ماقصرت



اخوك

[عبدالله بن شايع الزهيري]

بيض الله وجهك يالشريفي


جهدك واضح وموضوعك قيّم وعلومك كلها غانمه


لاعدمناك يالكفو


الله يحفظك

[سعيد الأحمري]

بيض الله وجهك يالشريفي

جهد يستحق الوقوف عنده

[عايض بن ذروه]

أرحب يابوجارالله .....




موضوع متعوب عليه ....




لاهنت ياغالي والله يعافيك على جهودك الواضحة .....

[عبدالله المنصوري]

تسلم ياعوض على هالموضوع الرائع



تحيتي وتقديري لك



أخوك

[ناصر الرياحي]

لا هنت


والله يعطيك الف عافيه


مودتي

[ابراهيم بن مريع]

أرحب يابوجارالله

موضوع متعوب عليه

لاهنت ياغالي والله يعافيك على جهودك الواضحة

[خالد الحارثي]

تسجيل شكر اخر


يابو جار الله


جهود تشكر عليها


بيض الله وجهك



لاهنت يالغالي