الشريفي والطارش بدون ردود . [الأرشيف] - منـتـديـات ســمـان الـهـرج ©

ابراهيم بن مريع

20-08-2006, 07:42 AM

محاورة من العيار الثقيل بين شاعرين الكل يشهد لهم بجزالة الأبيات وقوة الفتل والنقض

الشريفي
اصحابنا غابوا ولا ندري عن اسباب الغياب=سلام ياغالين والدنيا كفى الله شرها
الصيف قفى والسوالف جالها 20 باب=سنين تطوي سنين والدنيا كفى الله شرها
حسن بن عبدالرحمن
يامرحبا بالشايب اللي يلبس ثياب الشباب=يلعب على الحبلين والدنيا كفى الله شرها
فتحت بيبان السوالف وابشر ابشر بالجواب=ياعمدة الفاضين والدنيا كفى الله شرها
الشريفي
دام البقا ياللي خذيتوها على جال الشعـاب=وانا سهير العين والدنيـا كفـى الله شرهـا
واليوم جيتوا يالبجادي والذهب جوف العياب=ياحظكم يا اثنين والدنيـا كفـى الله شرهـا
حسن بن عبدالرحمن
طول السنه وحنا نذوق الهم واصناف العذاب=وش فايدة شهرين والدنيا كفـى الله شرهـا
تحمدوا ياهل المصانع لا نفتش في الجراب=شفنا من المسكين والدنيا كفـى الله شرهـا
الشريفي
ياحيلة الله جيل مايفهم بدايـات الكتـاب=يصبح خلي ايدين والدنيا كفى الله شرها
اثرك ليا جيت المدينه لاتـذل ولاتهـاب=حسن واخوه حسين والدنيا كفى الله شرها
حسن بن عبدالرحمن
ياحيلة الله ذا جزانا يالشريفي والثـواب=تقولها ذالحين والدنيـا كفـى الله شرهـا
حنا نربي جيل يابن الناس مانرعى دواب=اكفى الزمان الشين والدنيا كفى الله شرها
الشريفي
بين الليالي الماضيه واليوم يالغالي حجاب=بين القسا واللين والدنيا كفى الله شرهـا
جربت فالدنيا وهذا الراس مما شفت شاب=والله يعز الدين والدنيا كفـى الله شرهـا
حسن بن عبدالرحمن
هذي سنين العولمة تخلف موازيـن الحسـاب=وبحكمها ماشيـن والدنيـا كفـى الله شرهـا
ماكل من خاض التجارب يالشريفي في صواب=اكيد بيـن البيـن والدنيـا كفـى الله شرهـا
الشريفي
مادام ياذيـب الغنـم وقعـت مابيـن الذيـاب=افهم كلامي زيـن والدنيـا كفـى الله شرهـا
لا لا تحرف في القوانين ولاتروغ امن الصواب=الجفن فوق العيـن والدنيـا كفـى الله شرهـا
حسن بن عبدالرحمن
حنا على منهاج واضح وانت مـن ودى وجـاب=وين انت رايح ويـن والدنيـا كفـى الله شرهـا
ياللي عكست السير دامك فوق ضرس وتحت ناب=فاصبر على اللحيين والدنيـا كفـى الله شرهـا
الشريفي
وديت علم ابيض وجبت اعلوم تحماها الرقاب=ماني على قلبين والدنيـا كفـى الله شرهـا
اثرك لايا طال المناقش يالبجـادي سـم داب=تزحف على الجنبين والدنيا كفى الله شرهـا
حسن بن عبدالرحمن
ماقلت شي انتوا من اللي في اللقا توفي النصاب=بامشي مع الدربين والدنيـا كفـى الله شرهـا
لكن ليا طـال المناقـش فالبجـادي مايهـاب=السيف له حديـن والدنيـا كفـى الله شرهـا

عوض الشريفي

24-08-2006, 02:54 AM

لاهنت لاهنت يابو مريع

نتمنى ان نقدم كل مايمتع الاخوه الاعضاء والزوار

حسن بن عبدالرحمن

26-08-2006, 01:19 PM

كل الشكر لك يابو مريع

على المجهود الدائم

مسفر بن مظف

04-09-2006, 09:50 PM

لاهنت يابو مريع على جهدك والحقيقة محاورة من أجمل ماتم في هذا المنتدى

الشكر موفور لأصحاب الشأن

عادل المسيلي

05-09-2006, 09:07 AM

لأهنت يابو مريع على هذا الجهد
والشعار يستاهلون

مشكور ماقصرة

فهاد الأكلبي

05-09-2006, 02:44 PM

شعارنا الغالين

لاهنتوا على الجزاله

وبيض الله وجيهكم

ومحاورتكم وافيه يالوافين

اخوكم

عبدالله بن غفره العاطفي

07-09-2006, 12:02 AM

لاهنت يابو مريع

وبيض الله وجهك على الأختصار والمجهود الرائع

وصحت ألسنت الشعار

محاورة جميله وتستحق القراءة

تحياتي

محمد بن جفين

08-09-2006, 07:53 AM

ابو مريع بيض الله وجهك
وصح الله لسان شعرائنا الكبار
ابو جار الله وابو عبدالرحمن