طاروق يالربع والطارف سديد [الأرشيف] - منـتـديـات ســمـان الـهـرج ©

خالد الحارثي

15-09-2006, 10:20 PM

سلام الله ورحمته وبركاته على الجميع

قاف عسى ان يغفر بعض من الغياب

حاضر بحاضر نبيها نار وين الشجيع = دام السوالف تجي مطواع لاسيادها
الصاحب الي تشوف خطاه مع كل ريع= قله ترى ان الفهود تصيد صيادها

مسفر بن مظف

15-09-2006, 11:12 PM

أرحب يابو سلطان

وحيه وما جاب

ولا أبطى بالسيل إلا كبره

طاروق جميل وبدع تحدي لايليق إلا بخالد الحارثي

وأنا في صفك من الآن يابو سلطان
ـــــــــــــــــــــــــــــ تم التثبيت ـــــــــــــــــــــــــــــ

خالد الحارثي

15-09-2006, 11:37 PM

حبيب قلبي يامسفر

ترى انا ماكنت خيف غير منك تكون بصف الغير

ومادمت معي الله يعين

بنشوف وش بيسوي ابراهيم بن مريع وبصف مين رايح يكون

اسعد الله وقتك وعساك على القوه

أبو زياد

16-09-2006, 01:29 AM

وانا في صفك ياخالد

بدعة تحدي

بغيت اطمر لكن حسيت انك تدور على احد

ما اقول الا الله يعنيه

متابع لك وتحياتي

عوض الشريفي

16-09-2006, 03:46 PM

ارحب ياخالد

واتشرف بالمحاوره معك واستلم طال عمرك

انا ليا جيت وسط السوق باشري وابيع=واعرف مصادر جلايبها وميرادها
قود السوالف وخلك فالطريق السريع=فرصه مع الحارثي ياطيب ميعادها

ابراهيم بن مريع

16-09-2006, 03:59 PM

الله الله الله يابو جارالله رد مفحم عليك واياهم يابو جارالله وارقد من الصف

:p

عادل المسيلي

17-09-2006, 04:57 AM

الله الله ياخالد

فصفك يابن العم ولا يهون ابو جارالله
وبراهيم معليك منه
انكفي ونوفي يابو سلطان

خالد الحارثي

19-09-2006, 03:16 AM

لااله الا الله

ارحبو تراحيب المطر

الشاعر عوض الشريفي

ارحب يابو جارالله

لي الشرف بالاستفاده من علم بحجمك

استلم لاهنت

ياهابط السوق حذرا سمنكم لايميع =مابين موت الحروف وبين ميلادها
دامك خذيت المحاما دون راس اللكيع=وشقصة ام الكباير ضاقو اولادها

.

خالد الحارثي

19-09-2006, 03:18 AM

هلا وغلا يابو زياد

ارحب

حقك بالباقي

وان شاء الله الجايات خير من الرايحات

دمت بخير وعافيه

خالد الحارثي

19-09-2006, 03:20 AM

ياطيبك طيباه يابو مريع

دايم ضدي الا اذا كان العلوم يم بني واهب

ارحب وانت بصف ابو جارالله كنك بصفي

خالد الحارثي

19-09-2006, 03:21 AM

ونعم ملايين ياعادل

من اهل الحمية

وتكفى صف ابراهيم لايرتاح

شكرا لموازرتك

عوض الشريفي

19-09-2006, 09:20 AM

ارحب ياخالد الحارثي

وانت من الشعراء الاكفاء والله يعين

فالسوق تلقى الشريفي في المكان الرفيع=واصحى تعاند رجال يصعب عنادها
انته طلبت السديد وجيت باكفي الجميع= ريّح وخل العرب ترتاح في بلادها

خالد الحارثي

19-09-2006, 04:48 PM

ماعليك زود يابو جار الله

تلميذ مع استاذ

استلم لاهنت

نعمين والي يدور للعلى مايضيع=انشد عن الحرب فارسها وجلادها
دامك كفيت الجميع ابشر ولالك شفيع=الله ياكم صيدة تذبح بميرادها

.

عوض الشريفي

27-09-2006, 01:49 PM

الشكر الوافي للجميع

والله لايهينكم كلكم

واخص بالشكر الاخ الغالي الشاعر خالد الحارثي

المنتدى تعرض لخلل فني ولم يسمح لنا بتكملة المشوار

ولكن ان شاء الله ان شاء الله لنا لقاء قريب جدا واكرب حزامك من ذلحين:)

وتقبل الله من الجميع الصيام والقيام

أبو فهد

28-09-2006, 12:35 AM

حضور متأخر ...

لاثنين من الغالين القريبين الى القلب

صحت السنتكم والله يجمعنا بكم على طاعته

ابو فهد

محمد بن جفين

10-10-2006, 03:27 PM

ابو سلطان
ابو جارالله
صح الله السنتكم
وافين وافين ومبدعين

واعذروني على التاخير