مسفر بن مظف
16-09-2006, 08:40 PM
الواهبي
**
ياسمان الهرج حنا ودنا نكشـف حقايـق=تاجر التجار بو حمزه نبي نكشف رصيده
يارجال المنتدى في المنتدى شبت حرايق=بين واحد من بني واهب وواحد من عبيده
العبيدي
**
مانبي غير الحقيقه هاتها والبـال رايـق=وتاجر التجار مايعطيك من كفٍ زهيـده
وانت لا شبيتها فاصبر عليها لـو دقايـق=وان صبرت نقول يامقوى عزومك يالوليده
الواهبي
**
اخبر ن السوق طايح والشرا ماهوب لايق=بس انا ماني مخلي معك من مالك شريده
والبلد سوقه ضعيف ومامع اصحابه وثايق=والتجارا العالميه جابت اشـروط جديـدة
العبيدي
**
أبك أنا ماني بجمعها على غش وسرايق=مانفيد الا الذهب يوم ان مثلك ما يفيـده
كل سوقٍ له دروب وله سلوم وله طرايق=مايسب السوق غير اللي قعد على الحديده
الواهبي
**
الذهب عندي ولا عندك منه غير الشلايق=ومن يقاوي واحد اقوى منه لازم تكسر ايده
شايف ن السوق مايصلح وبضعاته لفايـق=بس انا تاجر وبعض الناس مني مستفيـده
العبيدي
**
مشكلتك اليا حكينا الصدق تزعل واتضايق=وان تصبرنا وجاملناك طوّلـت النشيـده
وانت من جيز الكثير اللي يشلون البطايق=تاجر وتجرتك مابين الصواير والشديـده
الواهبي
**
انت دون القمه اتسوي على دربي عوايق=كلما اكشف لك مكيده قمت تبني لك مكيده
وانا تاجر واكثر التجار في جنبي علايق=وراس مالي ماتنقص مستواه ولا تزيـده
العبيدي
**
اترك القمة لاهلهـا لاتقـوم ولا توايـق=بينك وبين القمم لفـات ودروب عنيـده
سلعتك ياالاجودي ماتنفرض على الخلايق =وراس مالك لابغيت الصدق ماكلٍ يريـده
**
ياسمان الهرج حنا ودنا نكشـف حقايـق=تاجر التجار بو حمزه نبي نكشف رصيده
يارجال المنتدى في المنتدى شبت حرايق=بين واحد من بني واهب وواحد من عبيده
العبيدي
**
مانبي غير الحقيقه هاتها والبـال رايـق=وتاجر التجار مايعطيك من كفٍ زهيـده
وانت لا شبيتها فاصبر عليها لـو دقايـق=وان صبرت نقول يامقوى عزومك يالوليده
الواهبي
**
اخبر ن السوق طايح والشرا ماهوب لايق=بس انا ماني مخلي معك من مالك شريده
والبلد سوقه ضعيف ومامع اصحابه وثايق=والتجارا العالميه جابت اشـروط جديـدة
العبيدي
**
أبك أنا ماني بجمعها على غش وسرايق=مانفيد الا الذهب يوم ان مثلك ما يفيـده
كل سوقٍ له دروب وله سلوم وله طرايق=مايسب السوق غير اللي قعد على الحديده
الواهبي
**
الذهب عندي ولا عندك منه غير الشلايق=ومن يقاوي واحد اقوى منه لازم تكسر ايده
شايف ن السوق مايصلح وبضعاته لفايـق=بس انا تاجر وبعض الناس مني مستفيـده
العبيدي
**
مشكلتك اليا حكينا الصدق تزعل واتضايق=وان تصبرنا وجاملناك طوّلـت النشيـده
وانت من جيز الكثير اللي يشلون البطايق=تاجر وتجرتك مابين الصواير والشديـده
الواهبي
**
انت دون القمه اتسوي على دربي عوايق=كلما اكشف لك مكيده قمت تبني لك مكيده
وانا تاجر واكثر التجار في جنبي علايق=وراس مالي ماتنقص مستواه ولا تزيـده
العبيدي
**
اترك القمة لاهلهـا لاتقـوم ولا توايـق=بينك وبين القمم لفـات ودروب عنيـده
سلعتك ياالاجودي ماتنفرض على الخلايق =وراس مالك لابغيت الصدق ماكلٍ يريـده