مبارك علي الكيرعاني
26-09-2005, 08:52 PM
بسم الله الرحمن الرحيم
السلام عليكم ورحمة الله وبركاته ، وبعد :
بداية : أشكر الأخ / إبراهيم بن مريع على هذا الموقع الأكثر من رائع ، متمنياً له التقدم والنجاح الدائم .
كنت أحاول أن اشارك من بداية إنطلاقة هذا المنتدى ، وكان الشوق يحدوني لذلك ، ولكن ظروف الوقت ، لم تسعفني
وقدر الله أن تكون أول مشاركاتي بهذه المرثية في عمي الفقيد الغالي / مبارك أحمد بن وعلة القحطاني .
رحمه الله رحمة واسعة ، وأسكنه فسيح جنانه ، وألهمنا الصبر والسلوان في مصابنا الجلل ، إنا لله وإنا إليه راجعون .
يالله ياللي عباده تشفق لصومه =تلطف بحالِ عناها تو ما جاها
الآجال بيد الولي تكتب ومحتومه =كم حلة هادم اللذات بكاها
والله ماشره على قلبي ولا لومه =ولا لوم عين لعمي سبلت ماها
ويش لون بالومها لاشافت رسومه =وعلومه الطيبة لا ما تحاكاها
الشايب اللي يصلي الليل ويقومه =لعل روحه جنان الخلد مأواها
يا ليت للموت ماريات مفهومه =وتسلم هل الطيب منها واتعداها
الله يجبر مصاب عياله وقومه =في فجعة الشايب اللي محتملناها
من أول لابته بالحيل مخدومه =وأهل المطاليب ما ترجع بلياها
وأهل السلف لأصبحت للمال ملزومه =يطري على أهل العدم لا خلي مخباها
اللي وجوده ينسي الوقت ورخومه =لما هدر لجة الحشوان برغاها
عز القبيلة خذاه الموت بكمومه =راح وتركنا بدار شانت حلاها
عز الله إن حظ ربعي كثرة ثلومه =لا والله إلا سنون الذيب شفناها
والشر لسرج خيوله غارت سهومه =يفطر بناس وناسٍ ايتعشاها
عقبه ثقتنا في بعض الناس معدومه =إلا شقيقه جملها لا وضعناها
وقت السعد كل ماله طاحت نجومه =ومصيبتي لا تهون ولا أقدر أنساها
هني عين يجيها النوم وتنومه =ما حاربت لذة النوم وتعاداها
وهني كبد غُفل ما هي ما سومه =ما مرها جور دنيانا ولا أذاها
والعبد يصبر لحكم الله ومقسومه =إن قبلها طيب وإلا غصب يرضاها
لاشك ربعي بعد ما صار مكلومه =وأيامنا الله يخارجنا من أتلاها
لكن عوضنا محله الله يدومه =الشايب اللي حقوق الكل يرعاها
الشيخ ابن وعلة اللي تعرف علومه =اللي ليا ثقلت القالة تبناها
شيخ لنا جعل ربي يبطي بيومه =شيوخنا اللي عسى الرديان تفداها
اللي بهم نبدي المشراف ونرومه =ونقهر ظروف الليالي ونتحداها
واستغفر الله ولا به نفس معصومه =عسى لساني من الزلات يحماها
دمتم في حفظ الله ورعايته .
أخوكم / أبو مشعل .
السلام عليكم ورحمة الله وبركاته ، وبعد :
بداية : أشكر الأخ / إبراهيم بن مريع على هذا الموقع الأكثر من رائع ، متمنياً له التقدم والنجاح الدائم .
كنت أحاول أن اشارك من بداية إنطلاقة هذا المنتدى ، وكان الشوق يحدوني لذلك ، ولكن ظروف الوقت ، لم تسعفني
وقدر الله أن تكون أول مشاركاتي بهذه المرثية في عمي الفقيد الغالي / مبارك أحمد بن وعلة القحطاني .
رحمه الله رحمة واسعة ، وأسكنه فسيح جنانه ، وألهمنا الصبر والسلوان في مصابنا الجلل ، إنا لله وإنا إليه راجعون .
يالله ياللي عباده تشفق لصومه =تلطف بحالِ عناها تو ما جاها
الآجال بيد الولي تكتب ومحتومه =كم حلة هادم اللذات بكاها
والله ماشره على قلبي ولا لومه =ولا لوم عين لعمي سبلت ماها
ويش لون بالومها لاشافت رسومه =وعلومه الطيبة لا ما تحاكاها
الشايب اللي يصلي الليل ويقومه =لعل روحه جنان الخلد مأواها
يا ليت للموت ماريات مفهومه =وتسلم هل الطيب منها واتعداها
الله يجبر مصاب عياله وقومه =في فجعة الشايب اللي محتملناها
من أول لابته بالحيل مخدومه =وأهل المطاليب ما ترجع بلياها
وأهل السلف لأصبحت للمال ملزومه =يطري على أهل العدم لا خلي مخباها
اللي وجوده ينسي الوقت ورخومه =لما هدر لجة الحشوان برغاها
عز القبيلة خذاه الموت بكمومه =راح وتركنا بدار شانت حلاها
عز الله إن حظ ربعي كثرة ثلومه =لا والله إلا سنون الذيب شفناها
والشر لسرج خيوله غارت سهومه =يفطر بناس وناسٍ ايتعشاها
عقبه ثقتنا في بعض الناس معدومه =إلا شقيقه جملها لا وضعناها
وقت السعد كل ماله طاحت نجومه =ومصيبتي لا تهون ولا أقدر أنساها
هني عين يجيها النوم وتنومه =ما حاربت لذة النوم وتعاداها
وهني كبد غُفل ما هي ما سومه =ما مرها جور دنيانا ولا أذاها
والعبد يصبر لحكم الله ومقسومه =إن قبلها طيب وإلا غصب يرضاها
لاشك ربعي بعد ما صار مكلومه =وأيامنا الله يخارجنا من أتلاها
لكن عوضنا محله الله يدومه =الشايب اللي حقوق الكل يرعاها
الشيخ ابن وعلة اللي تعرف علومه =اللي ليا ثقلت القالة تبناها
شيخ لنا جعل ربي يبطي بيومه =شيوخنا اللي عسى الرديان تفداها
اللي بهم نبدي المشراف ونرومه =ونقهر ظروف الليالي ونتحداها
واستغفر الله ولا به نفس معصومه =عسى لساني من الزلات يحماها
دمتم في حفظ الله ورعايته .
أخوكم / أبو مشعل .