فالح الشلوي
05-10-2005, 08:55 PM
السلام عليكم ورحمة الله وبركاته
فالبداية أحب أهني القائمين على هذا الصرح الشامخ وإن شاء الله يكون منبر شعري يصل صوته لكل متذوق
ويكون نقطة انطلاق لكل قلم واعد
وأحب أشكر أخوي الغالي راكان بن محمد على الدعوه اللي تشرفت فيها وهذي عوايد ابو محمد
مايعزم ولا يتواجد إلى فالمكان الطيب بكل من فيه
ولكم مصافحتي الأولى لعلها تجد الأستحسان والقبول لدى قلوبكم النقيه
صلوا على النبــي ...
يالله يامـنـزل تـبـارك وياسـيـن = ياعـالـم ٍ بنفوسـنـا وش وراهــا
يامثبت المسلم على العـرف والديـن = ومبصـر ٍ عيـن ٍ وعيـنٍ عمـاهـا
يارب انا عبدك ومخلوق مـن طيـن = اعيش لي دنيـا ولا اعـرف مداهـا
دنيـا تغيّـر بالكـتـاب العنـاويـن = قمنـا نخلـط اطيابهـا مـع رداهـا
كلن يسير وسير مـدري علـى ويـن = وكلـن يــدّور غـايـة ٍ مالقـاهـا
دنيا عجيبـه تخلـط الزيـن بالشيـن = دنيـا تسـاوى رجالهـا مـع نساهـا
واللي يسير بوجـه واللـي بوجهيـن = نـاس ٍ تلحـق بعضهـا فـي قفاهـا
حتـى تـدس السـم مثـل الثعابيـن = اللـي تلاقـي بالفريـسـه هنـاهـا
واللي مابين النـاس بالشـر واشيـن = تاكـل مـن لحـوم البشـر ماكفاهـا
والموت كل المـوت فعـل القريبيـن = نـاس ٍ تحـط سمومهـا بأقربـاهـا
ولا رجــال متبّـعـه للنسـاويـن = مثل الكدايـش لا ضـوت يـم ماهـا
ولا تعـدد نـاس ضمـن الموالـيـن = ناس ٍ علـى الزلـه خبيـث ٍ لغاهـا
وذنوب تثقـل بالحسـاب الموازيـن = لحـول ياربـي وش اللـي حداهـا
ورجال عند الدين والعـرف غاديـن = طالـت ملابسهـا وقصـرت لحاهـا
تشوفهـم بالشـر بالحيـل عجلـيـن = ولا عـن المسجـد تقاصـر خطاهـا
ونـاس ٍ تعـد حسابهـا بالملايـيـن = وناس ٍ تبقـي للعشـاء مـن غداهـا
واحد ٍ شقاوي يلحـق الديـن بالديـن = ويزيد فـي نفسـه وروحـه عناهـا
وأحد ٍ تونس بيـن الاضـلاع سكيـن = واليـا لحقـتـه عـلـة ٍ ماشكـاهـا
صرنا نشوف الارض تدبي شياطيـن = ماعاد نعرف صبحهـا مـن مساهـا
حتى البوّم قامت تخـاوي الشياهيـن = اليـن ضيعنـا اسمهـا مـع نـداهـا
وين الخوي اللي على العسر والليـن = اللـي ليـا شـاف الخطايـا محاهـا
اليا فزع لك قلـت ذا وسـط حطيـن = والخيـل تحـت يديـه يلعـن ثواهـا
ماهوب واحد لا فـزع قـال بعديـن = مثل العجـوز اللـي تصفـق يداهـا
وشي ٍ نشوفـه بالعـراق و فلسطيـن = الأم تدمـع عينهـا مــن ضنـاهـا
واستبسلـت فينـا رمـاح المعاديـن = ولا سمعنـا صـوت واحـد نهاهـا
مـن بعـد قـوة ياعربنـا ضعيفيـن = نتبـع ورى الكفـار نبغـى رضاهـا
في وقت يتعب فيـه طـرد المقفيـن = ويتعب صروح اللـي بيوتـه بناهـا
((واحد معا واحد يساوي له اثنيـن)) = هـذي عرفناهـا وعشـنـا عـلاهـا
بس الحساب بيختلـف عنـد غاويـن = يعني بتحسـب حسبـة فـي هواهـا
((واحد معا واحد يسـاوي ثلاثيـن)) = هي تنحسب كيـذا ولا أحـدٍ قراهـا
هـذي جريمـه منكـره يامجانـيـن = يالعنبـو الحسبـه ومنهـو جنـاهـا
لحـول ياربـي تـرانـا مساكـيـن = كلـن لقـا لـه بـلـوة ٍ وأبتـلاهـا
هـذي بـوادر وقتنـا بعـام الألفيـن = تكفـون مانبغـى نـوقـف معـاهـا
الفرق شاسع بيـن ماضـي وذلحيـن = حتى العـرب قامـت تخلـي حياهـا
معصوم عن هرجي هل العرف والدين = اللـي نعيـش اوقاتنـا فـي رجاهـا
ناس ٍ على عسف القويـات ضاريـن = ويديهـم اللـي ماحـد ٍ قـد ثنـاهـا
عاداتهـم بالطيـب وافيـن وافـيـن = وفعولهـم تبقـى ويبقـى صـداهـا
هذي خلاصـة وقتنـا بيـن قوسيـن = نبغـى حيـاة الـذل تعلـن فنـاهـا
مع اختلاف الطّرق تبقـى المضاميـن = والنفس ماتاخذ سـوى مـن جزاهـا
دنيـا بهـا كـل المخاليـق ماشيـن = كـل ٍ بعديـه مـع دروب ٍ عـداهـا
هذا كلامٍ جا على البـال فـي حيـن = اعلوم فـي راسـي واخايـل سناهـا
لان الزمن يمشـي وخطواتـه سنيـن = واعمارنـا قامـت تتابـع خطـاهـا
وأجسادنا منزالها فـي ثـرى الطيـن = حتـى تنـادى أروحنـا مـن ثراهـا
ناقـف امـام الله والخلـق عـاريـن = وأفعالنـا بالصحـف كـل ٍ يـراهـا
ويبدا الحساب اللي يجي دون دربيـن = وكل ٍ يشـوف الآخـرة وش عطاهـا
امـا نعيـش العمـر كلـه سعيديـن = ولا نكـون بنـار حامـي لضـااهـا
وحنا بحكم مدبـر الكـون راضيـن = اللي رفـع سبـع ٍ وسبـع ٍ وطاهـا
أطلبـك يـا ربـي بتسعـه وتسعيـن = نفـس ٍ تضيـع بالطريـق تهـداهـا
يـا الله يـا منـزل تبـارك وياسيـن = يـا عالـم ٍ بنفوسنـا وش وراهــا
وختامهـا ذكـر النبـي يامصلـيـن = عد البـروق اللـي لمحنـا ضياهـا
وسلامتكم ,,,
,
,
فالح الشلوي
فالبداية أحب أهني القائمين على هذا الصرح الشامخ وإن شاء الله يكون منبر شعري يصل صوته لكل متذوق
ويكون نقطة انطلاق لكل قلم واعد
وأحب أشكر أخوي الغالي راكان بن محمد على الدعوه اللي تشرفت فيها وهذي عوايد ابو محمد
مايعزم ولا يتواجد إلى فالمكان الطيب بكل من فيه
ولكم مصافحتي الأولى لعلها تجد الأستحسان والقبول لدى قلوبكم النقيه
صلوا على النبــي ...
يالله يامـنـزل تـبـارك وياسـيـن = ياعـالـم ٍ بنفوسـنـا وش وراهــا
يامثبت المسلم على العـرف والديـن = ومبصـر ٍ عيـن ٍ وعيـنٍ عمـاهـا
يارب انا عبدك ومخلوق مـن طيـن = اعيش لي دنيـا ولا اعـرف مداهـا
دنيـا تغيّـر بالكـتـاب العنـاويـن = قمنـا نخلـط اطيابهـا مـع رداهـا
كلن يسير وسير مـدري علـى ويـن = وكلـن يــدّور غـايـة ٍ مالقـاهـا
دنيا عجيبـه تخلـط الزيـن بالشيـن = دنيـا تسـاوى رجالهـا مـع نساهـا
واللي يسير بوجـه واللـي بوجهيـن = نـاس ٍ تلحـق بعضهـا فـي قفاهـا
حتـى تـدس السـم مثـل الثعابيـن = اللـي تلاقـي بالفريـسـه هنـاهـا
واللي مابين النـاس بالشـر واشيـن = تاكـل مـن لحـوم البشـر ماكفاهـا
والموت كل المـوت فعـل القريبيـن = نـاس ٍ تحـط سمومهـا بأقربـاهـا
ولا رجــال متبّـعـه للنسـاويـن = مثل الكدايـش لا ضـوت يـم ماهـا
ولا تعـدد نـاس ضمـن الموالـيـن = ناس ٍ علـى الزلـه خبيـث ٍ لغاهـا
وذنوب تثقـل بالحسـاب الموازيـن = لحـول ياربـي وش اللـي حداهـا
ورجال عند الدين والعـرف غاديـن = طالـت ملابسهـا وقصـرت لحاهـا
تشوفهـم بالشـر بالحيـل عجلـيـن = ولا عـن المسجـد تقاصـر خطاهـا
ونـاس ٍ تعـد حسابهـا بالملايـيـن = وناس ٍ تبقـي للعشـاء مـن غداهـا
واحد ٍ شقاوي يلحـق الديـن بالديـن = ويزيد فـي نفسـه وروحـه عناهـا
وأحد ٍ تونس بيـن الاضـلاع سكيـن = واليـا لحقـتـه عـلـة ٍ ماشكـاهـا
صرنا نشوف الارض تدبي شياطيـن = ماعاد نعرف صبحهـا مـن مساهـا
حتى البوّم قامت تخـاوي الشياهيـن = اليـن ضيعنـا اسمهـا مـع نـداهـا
وين الخوي اللي على العسر والليـن = اللـي ليـا شـاف الخطايـا محاهـا
اليا فزع لك قلـت ذا وسـط حطيـن = والخيـل تحـت يديـه يلعـن ثواهـا
ماهوب واحد لا فـزع قـال بعديـن = مثل العجـوز اللـي تصفـق يداهـا
وشي ٍ نشوفـه بالعـراق و فلسطيـن = الأم تدمـع عينهـا مــن ضنـاهـا
واستبسلـت فينـا رمـاح المعاديـن = ولا سمعنـا صـوت واحـد نهاهـا
مـن بعـد قـوة ياعربنـا ضعيفيـن = نتبـع ورى الكفـار نبغـى رضاهـا
في وقت يتعب فيـه طـرد المقفيـن = ويتعب صروح اللـي بيوتـه بناهـا
((واحد معا واحد يساوي له اثنيـن)) = هـذي عرفناهـا وعشـنـا عـلاهـا
بس الحساب بيختلـف عنـد غاويـن = يعني بتحسـب حسبـة فـي هواهـا
((واحد معا واحد يسـاوي ثلاثيـن)) = هي تنحسب كيـذا ولا أحـدٍ قراهـا
هـذي جريمـه منكـره يامجانـيـن = يالعنبـو الحسبـه ومنهـو جنـاهـا
لحـول ياربـي تـرانـا مساكـيـن = كلـن لقـا لـه بـلـوة ٍ وأبتـلاهـا
هـذي بـوادر وقتنـا بعـام الألفيـن = تكفـون مانبغـى نـوقـف معـاهـا
الفرق شاسع بيـن ماضـي وذلحيـن = حتى العـرب قامـت تخلـي حياهـا
معصوم عن هرجي هل العرف والدين = اللـي نعيـش اوقاتنـا فـي رجاهـا
ناس ٍ على عسف القويـات ضاريـن = ويديهـم اللـي ماحـد ٍ قـد ثنـاهـا
عاداتهـم بالطيـب وافيـن وافـيـن = وفعولهـم تبقـى ويبقـى صـداهـا
هذي خلاصـة وقتنـا بيـن قوسيـن = نبغـى حيـاة الـذل تعلـن فنـاهـا
مع اختلاف الطّرق تبقـى المضاميـن = والنفس ماتاخذ سـوى مـن جزاهـا
دنيـا بهـا كـل المخاليـق ماشيـن = كـل ٍ بعديـه مـع دروب ٍ عـداهـا
هذا كلامٍ جا على البـال فـي حيـن = اعلوم فـي راسـي واخايـل سناهـا
لان الزمن يمشـي وخطواتـه سنيـن = واعمارنـا قامـت تتابـع خطـاهـا
وأجسادنا منزالها فـي ثـرى الطيـن = حتـى تنـادى أروحنـا مـن ثراهـا
ناقـف امـام الله والخلـق عـاريـن = وأفعالنـا بالصحـف كـل ٍ يـراهـا
ويبدا الحساب اللي يجي دون دربيـن = وكل ٍ يشـوف الآخـرة وش عطاهـا
امـا نعيـش العمـر كلـه سعيديـن = ولا نكـون بنـار حامـي لضـااهـا
وحنا بحكم مدبـر الكـون راضيـن = اللي رفـع سبـع ٍ وسبـع ٍ وطاهـا
أطلبـك يـا ربـي بتسعـه وتسعيـن = نفـس ٍ تضيـع بالطريـق تهـداهـا
يـا الله يـا منـزل تبـارك وياسيـن = يـا عالـم ٍ بنفوسنـا وش وراهــا
وختامهـا ذكـر النبـي يامصلـيـن = عد البـروق اللـي لمحنـا ضياهـا
وسلامتكم ,,,
,
,
فالح الشلوي