الشاعر الكبير مطلق الثبيتي رحمه الله .. نبذه شخصيه

[عوض الشريفي]

http://www.otaibah.net/m/image.php?u=6322&





الشاعر الكبير الاسطورة مطلق الثبيتي نبذه شخصيه

--------------------------------------------------------------------------------

الشاعر/ مطلق بن حميد بن احمد بن عنيزان الثبيتي يرحمه الله

الشاعر الفذ ورائد شعراء المحاوره وصاحب اكبر نقلة نوعيه في

تاريخ المحاوره سوف نحاول قدر جهدنا الحديث عن سيرته

ـــــــ

فهو من مواليد

منطقة الطائف عام 1359هـ1940م وتحديدا السيل الكبير

ـــــــ

دراسته


أ) تخرج من كلية الشريعه والدراسات الاسلاميه بمكه

المكرمه عام1385هـ

ب)ابتعث الى بريطانبا وحصل على شهادة الماجستير من جامعة

مانشستر

وموضوع رسالته(التجديد والتقليد في الشعر العربي الحجازي

المعاصر)

المناصب التي تقلدها
ـــــــــــــــــــ
1)عضو هيئة التدريس بكلية الشريعه بجامعة ام القرى

2)سكرتير مجلة الداره الي تصدر عن دارة الملك عبد العزيز

بالرياض0

3)الملحق التعليمي بسفارة المملكه العربيه السعوديه بالسودان

4)رئيس قسم البحوث والترجمه وقسم تطوير المناهج بوزارة

التعليم العالي

اصداراته للمكتبه العربيه
ـــــــــــــــــــــــ

1)ديوان قصائدومحاورات شعبيه 0000شعرنبطي


2)ديوان جراح الامس

3) المغتره سوف يطرح في للاسواق اعداد ابنه المقدم /


فيصل وطبع على نفقة صاحب السمو الملكي الامير فيصل بن خالد


4) ثلاثة كتب مختلفه سوف ترى النور قريبا


5)ديوان اندلسيات0شعر فصيح

وفاتــــــه
ــــــــــــ

انتقل الى رحمة الله بعد مرض لم يمهله طويلا في الولايات المتحده

الامريكيه ودفن بمكه المكرمه في الرابع من شهر ربيع الاول عام

1416هـ

رحم الله مطلق الثبيتي واسكنه فسيح جناته

من روايع مطلق الثبيتي رحمه الله:-



غنيت من زين الطـــــواريق طاروق=قاف ليا قلته تنشــــط طروقه

لعيون غرو يشطح الشوق من فوق =يا جعل ضدات الـدهر ماتعوقه

اللي ليا منه تمخطر مع الســـــوق =يعمى بعينه كـل عين سروقه

ماهو بمن برقا ولا هو بمــن روق =يشـــدى لغصن لينات عروقه

طب لقلب من هوى البيض محروق =والسعد قدامه وتحــته وفوقه


محاوره بين عمالقة الشعر مطلق الثبيتي وعبدالله المسعودي رحمهم الله:-




المسعودي:ـ

هلا مرحبا يامسهلا واكثر التــــــرحيب=وانا من هل الديرة ولاني بها منكور

أباخذ علوم الطرقي اللي يجي ويغيب= لعله بعد عيش الـــــبداوة طلع دكتور

مطلق:ـ
يدوم البقاء ياذيب ياللي زهمت الذيب=عيونك كهارب نور والوجه فوقه نور

تدور الليال وتابع المقفيـــــات يشيب=وفاح البحر ياصاحبي واغرق البابور

المسعودي:ـ
ابا انشدك ياللي دارس الطب والتطبيب=أخير الدهر ولا هل الوادي المخضور
يقول البديوي جاء على شبرة التلبيب= واخذ لقمة جرت وكـــرت مع الحنجور

مطلق:ـ
أخير الدهر للي مصخن وفاضي جيب= ونبت الحياء للي يرد الورود صدور
انا ماعرف القصة ولاني بعـــالم غيب=وانا عارف الجنة مرابي بنات الحور

المسعودي:ـ
طلبت الله اللي طالبه ماهقيت يخيب= مادام انه ادخل راعي الجيب والزبزور
علامك تلد العين ياراعي التـــهذيب= وانا لو يطول الليل ماقلتلــــك معذور

مطلق:ـ
ترا الرزق ماله لانظـــــام ولا ترتيب= الأرزاق زهبــة مدفع(ن) كل صبح يثور



**********



هذه المحاورة جرت بين الشاعرين مطلق الثبيتي رحمه الله وصياف

الحربي بحضور صاحب السمو الملكي الأمير سلمان بن عبد العزيز يحفظه الله





صياف/


ياسلام الله ودار العز مرفوع علمها=عقب شعشع نورها والظلم حال العدل دونه



الثبيتي لو اقول اقسم عيونك ماقسمها=والتفت فيه بنظرة حسد ويطير عيونه

مطلق/



يحفظ الله الجزيرة والشجاع اللي حكمها=مثل قصر ثابت السيسان واخوانه حصونه



صاحبي صياف ينهبها وياكلها بدمها=ليتها ماتاصل الحنجور تنشب في سنونه

صياف/


المطية ماتقاود غير مع رجل خطمها=لو يضيع خطامها من طردها كثرت غبونه



انت اشوفك تفرس الصيدة وتاكل من لحمها= والخوي لاضيع القانون قاموا يشمتونه



مطلق/


المطية خلها في الدرب لاتكتم نسمها=واحترص من غضبة الجمال لايضربك شونه



كل حية سمها في بطنها سديت فمها= وان لقيت الوعل ابو قرنين اطقه في قرونه



صياف/


اكثر العربان يلزمها وكنه مالزمها=ثم راح من الزعل يمشي ويقطع من ردونه



انت مثل العقرب اللي تخلع الناس بوحمها=مار جاها قاريُ شاطر دهنها من دهونه

مطلق/



ماعليه من عجوزك كان ماضوت غنمها=وان زعل صياف جعل اللي وراه يحول دونه




امس يبني عشته في الضلع واليوم يهدمها=والهبايب ماتهبه والطراقي مايجونه



صياف/


الله انه ينصر السنة ويظلم من ظلمها= والعرب مايطحنون الحب لين يفتشونه



لو تشوف العشة اللي صاحب الخبرة حزمها=فوق ضلع كل ماطاح المطر تثمر غصونه




مطلق/


الآشارة فآخر الشارع بصدامه صدمها=الونيت اللي قديم وكل يوم يوظبونه




المنايا ياوسيع العرف مايخطي سهمها=مارخلك صالح النية وعمك لاتخونه




صياف/



القلوب العمي خل الذيب ياكل من شحمها=والونيت اللي يسوقه صاحبه لاتقربونه





ليت بقعاء تلمس الرمضاء وتاكل من قدمها=وانت يابو راس راسك ماتغير عن متونه




مطلق/




العيون اللي تهل دموعها منهو لطمها=لو عرفته كان خليت الجماعة يحبسونه



المطية يوم ريض مشيها محد( ن ) نهمها=لو نهمها كان تاصل مطرح (ن)ماتاصلونه



يتبع

[عوض الشريفي]

محاوراته مع صديقه الشاعر الكبير شليويح بن شلاح المطيري





مــــطــــلــــق:

يا المطيري جيتنـا ثـم فرقـت الجماعـه= قمت ترسل فالسواليف لين ادوخت راسـي

لو تريّض لي وتسمع علومي ربـع ساعـه= كان ابعطيك الذهب صايغه بفصوص ماسي


شــلـــيـــويـــح:


المطيري مـا يخـون الأمانـه والوداعـه =لا تغيرك الروابـع وخـل القلـب راسـي

لو يجوع الذيب فالبر مـا ياكـل ذراعـه= بيننـا رفقـه وعلـمٍ نقيسـه بالقيـاسـي


* مـــطــــلــــق:

كل ما لديّت فيّـه يصيـب القلـب راعـه =وأثر خشمك هضبةٍ ما يواسيهـا المواسـي

جيشكم ما عاد نعرف هجومه مـن دفاعـه= كل جنديٍ يـدوس لـه دربٍ مـا يداسـي


* شــلــيـــويـــح:


يا ثبيتي ليت عندك عـن الحمـى مناعـه= الطعـام اللـي تلـوّث يبيـن بالتبـاسـي

المذيع اللـي يسولـف بنشـرات الاذاعـه= مرتكي له جوف غرفه ولا عنده كراسـي


* مـــطــــلــــق:

ترضع الخلفه لحالك وطغتـك الرضاعـه= باتت الأجواد واما أنت جاي لك حساسـي

كل هندي فوق شط البحر بانـي شراعـه= صار شاطر مثلكم فالصـرام وفالدياسـي


* شــلــيـــويـــح:



درّها في جوف بطنك ولا عقبك طماعـه= تشرب الطاسه لحالك وحاديـك الحماسـي

وأنت رجلٍ شافعي مير ضيعـت الشفاعـه= لو قلنا ناسي الدين وأنك مـا انـت ناسـي


* مـــطــــلــــق:

مانبي يا قوم من سوقكـم شريـه وباعـه= لو بسطنا بالذهب عندكـم يرجـع نحاسـي

يالخزاعي طيع شوري وعود مع خزاعـه= قبل تصحي بك عيونٍ مطاولهـا النعاسـي




وهنا محاوره اخرى



مطلق الثبيتي

سلام الله على من جابنا ذكره ومرسوله=عدد نو المزون اللي لها نوٍ ورعادي

شليويح المطيري يوم شفته غرني زوله=واثره الشجره اللي عرقها سابح مع الوادي


شليويح بن شلاح

هلا يامرحبا ترحيب نبدي فيه ونقوله=نيابة عن مطير الحاظره و آلاد عبادي

شليويح المطيري ماشيٍ فالدرب بنعوله=ولا احط القدم حافي لعل الدرب ينقادي


مطلق الثبيتي

الا يازينها لو تصبح البيبان مقفوله=وتمسي يالمطيري من ورا البصره وبغدادي

ياراعي الشله اللي عن عيال الخير معزوله=بعد سويتها فينا يبي لك حرب وجهادي


شلويح بن شلاح

عرفت الغازكم والغازكم من عصر محلوله=كلامك فالمسجل لاتشغل موجة الرادي

انا لي شلةٍ في دربها ماهي بمشلوله=بعدها يالثبيتي لاتحرك كورة النادي


مطلق

ابربي حراميٍ يشيل التمر بحثوله=نما من عادته مايسرق الا تمر الاجوادي

ابوكم ماتسنع وامكم قشرى ومهبوله=ليا ميزتها من قشرها ماعاد تزدادي


شليويح

علام الحضرمي قدام جيرانه كفا فوله=يعقّب دلته ويجيب للضيفان برادي

انا امي صاحيه وامك من الايام مشغوله=ولاتسمع كلام امك نهار تصيح وتنادي


مطلق

زعل راعي الونيت وضاع له عشرين صاموله=ويوم انه زعل واليا الفرامل سلكها غادي

حبال الخير بين الناس ممدوده وموصوله=ولاتقدر تغيرها ليا شفت القمر بادي


شليويح

اقص الجره اللي من زمان العام مدهوله=واثر طبع الحرامي يختلف عن طبع الاجوادي

انا خابرك تثني كان نار الحرب مشعوله=لكن اليوم عان القوم لك في كل مرصادي


مطلق

رموشك يالمطيري من دموع العام مبلوله=نبا نشبعك في شعبان ونجمدك في جمادي

ليا شفنا الغناوي كل يوم يقل محصوله=قطعنا عنه نسناس الهوى والشرب والزادي


شليويح

ليا حمرت عينك عندنا بالكحل مكحوله=وانا بشب ناري كان شفت القدر ماجادي

انا ماني بشعره من عجينة خبل منسوله=انا دكتورها حتى نداوي كل الاكبادي


مطلق

الا ياموترٍ حطوا له الشاصين مدبوله=لكنه لامشى في الدرب من ممشاه متحادي

انا اعرف القلوب اللي من الاوهام مدخوله=اجيب إلها الدواء مير الدواء والطب مافادي


شليويح

انا بنشدك عن هاك الونيت إصحيح منهوله=بعد ماحوّل السواق ركبه غض الانهادي

وانا ماني بماشي غير مع سكه ومدهوله=كنك قص دربك يالعتيبي وانصح الغادي


مطلق

شليويح المطيري مدوخ العربان بطبوله=وياليته مع الغزي وجنب عزيز البادي

والا يازين زول الشيخ والذرعان مفتوله=لكنه يطوف ويستعي فالشعب وجيادي


شليويح

تغيّر صاحبي يوم السواري وقعت حوله=سلامه يالثبيتي وابشر انك واصل المادي

ليا زعل الثبيتي من زمان العام قولوا له=نبا نكسيه من سوق الرجال ثيابٍ جدادي



يتبع

[حسن بن عبدالرحمن]

جهد كبير وواضح تشكر عليه كل الشكر يابو جار الله

وانت والله مهتم بالتوثيق لشعراء الرد وخاصة القدامى

ولديك معلومات كاملة ووافية

استفدنا منك

ورحم الله مطلق الثبيتي

[خالد الحارثي]

رحم الله مطلق الثبيتي راعي الباكور


وحفظك الله يابو جار الله



جهد تشكر عليه


بيض الله وجهك ولاحرمنا من تواجدك وعطائك




.

[خالد الحمراني]

رحم الله مطلق الثبيتي بواسع رحمته


وبيض الله وجهك يالشريفي



جهد تشكر عليه


رعاك الله ولاحرمنا من تواجدك وعطائك

[محمد بن جفين]

ابو جارالله
الله يبيض وجهك
على جهودك في خدمة الموروث
والبحث عن النادر النفيس


تحياتي لك يالقرم

[فيصل الحارثي]

جهد رائع يااستاذ عوض وبيض الله وجهك
ورحم الله ابا فيصل

[تركي بن خنيصر]

جهد كبير وواضح تشكر عليه كل الشكر يابو جار الله


بيض الله وووجهك يالقرررررم ومن زمن نبحث عن مثل هالمعلووماات القيمه عن المرحوووم

استفدنا منك

ورحم الله
مطلق الثبيتي

[عيضه العيسي]

الاخ القدير:عوض الشريفي

تسلم يمناك ولاعدمناك على نقلك الجميل وجهدك الملموس

والله يرحم مطلق الثبيتي ويتغمدروحه بالجنه ..

بالنسبه لديوان المغتره نزل الاسواق قبل اربع سنوات

ويوجدلديه نسخه منه ..

اكررشكري لك اخي عوض ودمت بخير

وعااافيه ..

[عيضه العيسي]

أختار سمحات الدروب النظيفة = أللي غسلها رايح المزن برشاش
يمشونها قوم النفوس الشريفة = أللي ضمايرهم نقية كما الشاش
بيوتهم مثل القصور المنيفة = ماهي لطير البوم غيران وأعشاش
وإحلالهم للضيف دايم مريفة = لو رجلهم يسرح ويضوي على ماش
والرجل منهم مايخلي رديفة = إن مات غيره مات وإن عاش له عاش
وإن مات منهم رجل عقب خليفة = يطعن نحور القوم ويرد الأدباش
يعرف هدف روحه ويعرف وليفه = مايعرف الخونه ولاهو بغشاش
وإليا رزقه الله بعذراُ عفيفة = يحطها مابين نونه والأرماش
ماهو على الخفراات يستل سيفه = ولاطالعوفيه الرياجيل ينحاش
حلو النبا سمح المحيا لضيفه = ويصير له خادم مسخر وفراُش
وإن مد مامدية يمينه قصيفة = مدة يمينه تبهر الخبل واللآش
وليا هرج تلقى علومه طريفه = ماهو لهفوات المناعير منقاش
وإن شبت النيران ماهو بليفه = في ساعة الكربة سواري ورشاش
سدة بعيد ولاحد يلحق غريفة = ماهو لعرض مكرم العرض نهاش
الشوك في جنبه سواة القطيفه = إن كان مله بيت مامون وفراش
مايرتكي فوق الخبول الضعيفه = اللي ليا حركتها قدرها طاش
وصحيفته ياطيبها من صحيفة = إلها مع العقال كاتب ونقاش
حاز المراجل والمراجل كليفة = ألا على إللي كل مارامها هاش
وإن شاف له في جانب القوم خيفة = تلقاه للخيفه مهاجم وبطاش
الصدق والمعروف والطيب كيفه = يغبش لها مع طلعة الفجر مغباش
للحمل ماتلقى جنوبه ضعيفة = حوله بروق تبهر العين وإفلاش
يصبر على جرحه ويمسح نزيفه = طبه بشبه خير من طب الأحباش
ولاهو كما سبع سنونه ضعيفه = دايم يلحسها وللعظم عراش
وإن شاف له في غيبة الناس شيفه = ماهو بخبل لأخضر العود قراش
دنياه لن صارت ذلول عسيفه = طوع عليها كل عاصي ونفاش
وإن كان قفت ماعليها حسيفة = ماهو ورا هوج المعاصير قشاش
وإن جاع ماوقع كما طير جيفه = وإن عري مايلبس سماليل وإخياش
وإن جا نهار كل قرم يعيفه = ماهو ليا ثارت على القوم رماش
الكذب يعروف بين الأجواد زيفه = والصدق مثل السيف صاطي وحشاش

[سعد البقمي]

أخوي : عوض الشريفي

أنت مبدع

ولديك ذائقه شعريه رفيعه

وشكرا

تقبل مروري

[مهدي الحميداني]

بسم الله الرحمن الرحيم
هذه محاوره جرت بين مطلق وخلف في ليلة من ليالي المغتره


الثبيتي


ودي احمل بعير الناس حمله والوساقه=قبل بن هذال لايبني على الاصنام قبه
بل راسه لين في راسه تعلمنا الحلاقه= واحد ماهو بدراي نمدحه والا نسبه

خلف

انت ودك بس ماتقدر لها مافيك طاقه=الجمل من دونه الجمال يسعى تحت ربه
ابك انا ماني بيامطلق لكم قطاع ساقه=كل جرحٍٍ عندناطبه وعندك ويش طيه

الثبيتي


جيت اروز الظبي ولين الظبي ياخف ساقه=قرنه اعوج مير ساقه يالعتيبي فيه صبه
والله انك ما تحصل لك مع انطراقه=ريعنا مسدود والجمر الحمر قدمك نشبه
خلف


الظبي لاطاح ذيب وارضع من ديس ناقه=بالمخادع والحياله يدخلك في جوف عبه
ريعكم مفتوح والسارق يدور له سراقه=وان عطيت البحر اعدل بك على عشرين غبه

مطلق


يا خلف عدل رفيقك لاتغلطه الحماقه=درسه كتب البخاري لين يعرف دين ربه
انفتح في جدركم يا اصحابنا عشرين طاقه=لاتقولون الهبايب في وطنا ما تهبه

خلف


كيف اعدل عود محني له مقاضيبً دقاقه=وصل اصله من غصونه نقطة سوداء وحبه
دارنا محفوظ مانرمي على سطحه علاقه=محتمينه بام خمس ويعلم الله ما تطبه
الثبيتي


واحد عيا يفارقني وانا باغي فراقه=كيف ابا اشري له عباة وبشت وثيابً وجبه
العراقي مايعيش بخير لو فارق عراقه=مار رده في بلاده واكرهه مثلي وحبه
خلف


كان في جيبك فلوس وتعشق الفزعه عشاقه=لبسه من لبسك اللي تلبسه واحذر تسبه
صدر مطلق خابره ضيق واضيق له خناقه= قاضبه قضب العمى شاته واكبه كيف اكبه

الثبيتي


جيت ابا اداوي الجروح ولالكم في الطب فاقه=لو اخيط الجرح فيكم ينفتح من عقب غبه
لو حمست البن فالمحماس دوخني حراقه= كل بن ينحرق عند النشاما ما نصبه

خلف

الجروح الها على الجراح لفته واصطفاقه=يا طبيب القوم جبت الاكسجين بدون دبه
روح التاكسي على فاله ومطلق من غلاقه =من ثقل مطلق عليه يطب ماحس بمطبه