وين انت يا ابو مريع [الأرشيف] - منـتـديـات ســمـان الـهـرج ©

عبدالله الشويمان

10-10-2005, 10:02 PM

السلام عليكم ورحمة الله وبركاته..
ابو مريع ولا يهونون الحاظرين..
ابي اجرب نفسي معك بالمحاورة وبي سعت صدرك طال عمرك..لأني اول مره العب محاورة..

واستلم يا الذيب

قبل الكلام التحية إليك انا القيها=وللي جوارك وحولك له نطريها
تحية الشرع والله آمرٍ فيها=الشرع والسنه مشيناها على الفطره

يا صاح لي مدةٍ ونا احتري منك بوح=يالله عسى خير ما من جم ولا من سحاب
نطلب من الله ولابد المقدر يلوح =ون جاد فيها ابو مريع يشق العباب

وحياك الله

محمد بن جفين

10-10-2005, 10:29 PM

الله الله يا عبدالله

مبدا كايف
صح لسانك وقلبك

وفي انتظار ابو مريع

ويالله يالربع نبيها مباشره

وازهلوا الصفوف لين ياتون الربع

ابراهيم بن مريع

10-10-2005, 11:07 PM

يامرحبا ياعبدالله الشويمان اتشرف باللعب معك وانا اخوك

يامرحبا ياهلا يابن الشويماني=مع فائح العود الازرق والزعَـفـْراني
ترحيبةٍ ساسها من راس قحطاني=والبيت مايثبت الا فوق سيسانه

البوح نتعب عليه الين تبرى الجروح=ونحسب لنقد العوارف ياكريم الجناب
ياصاحبي لو شرحنا ماتفيد الشروح =اخاف لاترجع الدعوى خصام وعتاب

محمد بن جفين

10-10-2005, 11:21 PM

الله يابو مريع

صح لسانك

واصلوووا وانا مستلم الصفوف
بس تعبت وين الربع ؟؟

واصلوا

سعد المقوعي

11-10-2005, 12:29 AM

الله الله

عبدالله الشويمان

و

ابو مريع

شعار اكبار

واصلوا ايها العمالقة

وانا من ضمن صفوفك يا ابو مريع ولا يهون اخوي عبدالله.

عبدالله الشويمان

11-10-2005, 02:26 AM

الأخ/محمد بن جفين
و
الأخ/سعد المقوعي
شرفنا تواجدكم..وتشجيعكم..
واشكر ابو مريع على تلبيته الدعوة..

وهاااااااااااك يا ابو مريع..استلم طال عمرك..

كفو كفو يا يبو مريع وانت راعيها=هات الروايا عجب ليش انت مخفيها
الناس ترقب من المياح يسقيها=والبيت ما يعمره ياكود سكانه

المدرسة ضنتي فيها مدرس مزوح=يمشيبها مع ربوعه لجل ينسى الكتاب
لا تصير ياشاعري بخيل ولا شحوح=لا منتب اللي جنابك لايق(ن) للسباب

دمتم بخير بإذن الله

خالد الحارثي

11-10-2005, 04:03 AM

سلام يارجال

متابع لاخر المشوار

ولواني شكلي مع ابو مريع بدون زعل ياعبدالله

دمتو بخير وعافيه

عوض الشريفي

11-10-2005, 03:40 PM

متابعين

وين ابو مريع

الطاروق لازم يكمل

موفقين ان شاء الله

سعيد ابوديه

11-10-2005, 08:16 PM

الاخوان الافاضل عبدالله الشويمان00000والمشرف العام
نحن في انتظار تكملة الحاوره
ومتابعين وبشغف
وسوف ارتب الصفوف
اليل فديتكم

ابراهيم بن مريع

14-10-2005, 06:27 AM

المعذرة ياخوي عبدالله على التأخير كان عندي ظروف منعتني من المواصله معك

استلم طال عمرك

ياصاحبي وانت تفهمها على الطاير=الشاهد الله ظروفي حكمها جاير
والله مصّيره ربك حاصل وصاير=والبيت مايثبت الا فوق سيسانه

المدرسه صرح شامخ من كبار الصروح=يكفيك بانها مكان لصافيات اللباب
لو راحت الناس يبقى ذكرهم مايروح= ولاتشل الحمول إلا ظهور الركاب

عبدالله الشويمان

14-10-2005, 04:52 PM

معذور وصح السانك يا اخ براهيم..

مع شكري الجزيل لكل من تابع من الإخوة..

دمتم بخير بإذن الله.

محمد بن جفين

15-10-2005, 02:22 PM

الاخوه

عبدالله وابراهيم

صح السنتكم
وبارك الله فيكم

ولو ان ماخذ عليكم
ليه ما طولتووها شوي

لكن العوض في المقابيل باذن الله

اخوكم

عبدالله الشويمان

15-10-2005, 03:06 PM

هلا فيك يا اخ محمد بن جفين..

وصح بدنك يا الغالي..

شرفني مرورك.