عبدالله ابن شايع الزهيري
13-10-2005, 03:11 PM
بسم الله الرحمن الرحيــــــــــــم
هذي المحاوره بيني وبين الشاعر الغالي / خالد الزهيري .. قبل رمضان الماضي .
عبدالله
سامعٍ لي ضرب طبل وحس خيل ومعركه = فارسين وبيرق ٍ واحد وكل محتزم
والنتايج بين عطران الشوارب مدركه = في زمانٍ بيـّح الغاوي بسد الملتزم
خالد
شوري تهادن طريق السلم والحرب أتركه = بندق الرمّاي خايفها ورى المرمى تزم
الستيره طيبه والذنب مافيه بركه = خيرة الله دونها وان طاش راسك فاعتزم
عبدالله
جتبي الصدفه ترى كلٍ يدور ابه فلكه = لا عنيت لها ولا لي حق يالقرم أنهزم
كل صياد معه قارب وطُعم وشبكه = والبحر يصفق بموجه والسمك ما يلـّزم
خالد
كل دارٍ لك مقام وكل دربٍ تسلكه = ماتنكــّر جيتك والعلم ولسانك لزم
والصقور ومرتم الصقـاّر تنشب بشركه = ومن تسليه ألسن النيران بيزيد الحّزم
عبدالله
ما عليها يا الفهيم إلا شداد ميركه = سقتها يــــمْ الرفيق مسيّر وأبغى أعزم
جابك الطاري ونغمات الرقوم المصمكه = ساعةٍ فيها لداعي الخير غفران وعزم
خالد
كان برج الفيصليه لين جات المملكه = مثل ما كنت أتمارى لين جاء عزم وجزم
جيت ياللي تلحق النايد بعزم وتدركه = تلتوي به مثل ما يلوى على الحقو محزم
عبدالله
يا عميل الخير ماتمشي علي الفبركه = العرب فيهم طويل وفيه مربوع وقزم
وانت مثل الراسي اللي للهواء ما حركه = شامخ ٍ فوق النوايف كلها بالطول زم
خالد
يشتكي الراسي لقل الوجد والحمل أنهكه = الحمول الكايده على طواريفه رْزم
خايفٍ على العمل لا يدخله ما يهلكه = كانها بتجي كذا فاحسن لي أقعد فلحزم
عبدالله
تذخر الغالي وبيبانك عليه مصككه = وتداعى الفقر وانت اللي على خشمه كزم
حبلك الواصل لها وحبال غيرك مسلكه = والرياسه لك وكم قلبٍ عليها منجزم
خالد
الرياسه وين يا وهاب مالا تملكه = لاهي بيدّي ولابيدك ولاهي تـنخزم
والحقيقه بيــّنه مثل الريال محكحكه = والضروف تعوقني والراي عيا ينحزم
عبدالله
يا طويل العمر خلها ضرب دف وتنكه = لا تنشّبها على كلٍ بقوله يلتزم
والحقيقه دايمٍ تلعب بفن وتكتكه = والله ايعينك على عذرٍ قديم لك مزمْ
خالد
با الركاد حبالها مرخيّة ومفككه = لو يشعشع بارق الوسمي بنصب مرتزم
والخطاء عقب البطى على النهايه موشكه = للتـناحي دام ماللدرب والراي معزم
عبدالله
شدها في طاعة الله والمتعتع نشركه = والكفر له يوم باذن الله ندوسه بالجزم
والشهر مبروك وأيامه عليك مباركه = والنصر والعز للاسلام دينٍ ماهُزم
خالد
يا ولد والحق حبل الله لزومٍ نمسكه = وأنتهى وقت المساحي والهراوي والكزم
دمت تشحن صوتك الشادي علي وتفلكه = ما هجد ملفاك مادام المسولف ما بزم
عبدالله
كل عاقل في طريق الخير يعرف مسلكه = أنتهى عصر الجهاله والتعصب والخزم
ويش لو تفتـل شنبك اللي يهـف وتفركه = دونها بو زيـد والدعوى على كــه وزمْ
خالد
يا بعايد ريحة الحنضل وريح المستكه = واحدٍ يجذب وألاخر من يمره يختزم
كل ما طال الطريق أدل خطه وأملكه = ما تهاوى عزمها ولو توازمها وزم
عبدالله
ريحة الحنضل سموم وله مراره مهلكه = والعجايز كيفها با المستكه طاب ونزم
الطريق مراقبه والخط عندي جمركه = وان بغيت أفتكـّها لو انت لازمها لزم
وسلامتكم
هذي المحاوره بيني وبين الشاعر الغالي / خالد الزهيري .. قبل رمضان الماضي .
عبدالله
سامعٍ لي ضرب طبل وحس خيل ومعركه = فارسين وبيرق ٍ واحد وكل محتزم
والنتايج بين عطران الشوارب مدركه = في زمانٍ بيـّح الغاوي بسد الملتزم
خالد
شوري تهادن طريق السلم والحرب أتركه = بندق الرمّاي خايفها ورى المرمى تزم
الستيره طيبه والذنب مافيه بركه = خيرة الله دونها وان طاش راسك فاعتزم
عبدالله
جتبي الصدفه ترى كلٍ يدور ابه فلكه = لا عنيت لها ولا لي حق يالقرم أنهزم
كل صياد معه قارب وطُعم وشبكه = والبحر يصفق بموجه والسمك ما يلـّزم
خالد
كل دارٍ لك مقام وكل دربٍ تسلكه = ماتنكــّر جيتك والعلم ولسانك لزم
والصقور ومرتم الصقـاّر تنشب بشركه = ومن تسليه ألسن النيران بيزيد الحّزم
عبدالله
ما عليها يا الفهيم إلا شداد ميركه = سقتها يــــمْ الرفيق مسيّر وأبغى أعزم
جابك الطاري ونغمات الرقوم المصمكه = ساعةٍ فيها لداعي الخير غفران وعزم
خالد
كان برج الفيصليه لين جات المملكه = مثل ما كنت أتمارى لين جاء عزم وجزم
جيت ياللي تلحق النايد بعزم وتدركه = تلتوي به مثل ما يلوى على الحقو محزم
عبدالله
يا عميل الخير ماتمشي علي الفبركه = العرب فيهم طويل وفيه مربوع وقزم
وانت مثل الراسي اللي للهواء ما حركه = شامخ ٍ فوق النوايف كلها بالطول زم
خالد
يشتكي الراسي لقل الوجد والحمل أنهكه = الحمول الكايده على طواريفه رْزم
خايفٍ على العمل لا يدخله ما يهلكه = كانها بتجي كذا فاحسن لي أقعد فلحزم
عبدالله
تذخر الغالي وبيبانك عليه مصككه = وتداعى الفقر وانت اللي على خشمه كزم
حبلك الواصل لها وحبال غيرك مسلكه = والرياسه لك وكم قلبٍ عليها منجزم
خالد
الرياسه وين يا وهاب مالا تملكه = لاهي بيدّي ولابيدك ولاهي تـنخزم
والحقيقه بيــّنه مثل الريال محكحكه = والضروف تعوقني والراي عيا ينحزم
عبدالله
يا طويل العمر خلها ضرب دف وتنكه = لا تنشّبها على كلٍ بقوله يلتزم
والحقيقه دايمٍ تلعب بفن وتكتكه = والله ايعينك على عذرٍ قديم لك مزمْ
خالد
با الركاد حبالها مرخيّة ومفككه = لو يشعشع بارق الوسمي بنصب مرتزم
والخطاء عقب البطى على النهايه موشكه = للتـناحي دام ماللدرب والراي معزم
عبدالله
شدها في طاعة الله والمتعتع نشركه = والكفر له يوم باذن الله ندوسه بالجزم
والشهر مبروك وأيامه عليك مباركه = والنصر والعز للاسلام دينٍ ماهُزم
خالد
يا ولد والحق حبل الله لزومٍ نمسكه = وأنتهى وقت المساحي والهراوي والكزم
دمت تشحن صوتك الشادي علي وتفلكه = ما هجد ملفاك مادام المسولف ما بزم
عبدالله
كل عاقل في طريق الخير يعرف مسلكه = أنتهى عصر الجهاله والتعصب والخزم
ويش لو تفتـل شنبك اللي يهـف وتفركه = دونها بو زيـد والدعوى على كــه وزمْ
خالد
يا بعايد ريحة الحنضل وريح المستكه = واحدٍ يجذب وألاخر من يمره يختزم
كل ما طال الطريق أدل خطه وأملكه = ما تهاوى عزمها ولو توازمها وزم
عبدالله
ريحة الحنضل سموم وله مراره مهلكه = والعجايز كيفها با المستكه طاب ونزم
الطريق مراقبه والخط عندي جمركه = وان بغيت أفتكـّها لو انت لازمها لزم
وسلامتكم