غلطانة الي تعشق اليوم رجال؟؟؟؟

[قطر الندى]

معاناة زوجه,,,, بعد زواج زوجها ,,, ، واتمنى انها ماتكون مكرره وهذ يمثل راي شريحه كبيرة من الحريم وانا اولهم و فعلا مهما كان حلال فهو اصعب الحلال عند المراءة لانها مخلوق ترف ربي كونها من عواطف وعالعموم هي فقط قصيدة اثرت فيني وحبيت تسمعونها ومو تعلقون؟ لان الجواب معرووووووووووف ههههههههه


اليوم لك ثانـي مـع راحـة البـال
وانا بعـد همـي لـه اليـوم ثانـي..

اليـوم تاركنـي اناظـر بـالاطـلال
صورة,, رساله ,,حلم ,,جرح واماني !

ليلي قضيتـه بيـن هـمٍ وغربـال
واقول في نفسي حبيبـي نسانـي!!

غنيت انا عقبك من الضيـق مـوال
يومك تسمـع للطـرب والاغانـي!!..

لي دمعةٍ من فوق الاوجـان تختـال
يومـك تلاعـب مترفـات المبانـي..

وبي عبرة منهـا المخاليـق تهتـال
ياعبرتـي لاتفضحينـي عشـانـي! :

ياعبرتي خلي لـك الصـدر منـزال
لاهوب بـك داري ولاهـوب عانـي!!

مشغول له في ترفة حالهـا حـال
:ماهوب فاضـي لعبرتـي او جنانـي!!

في يوم واحد نستـه كـل الامـال!!
وش عاد لو يدري بشـوق غشانـي؟؟

ماهوب مثل اول هذاك الغـلا زال!!
عزاه كيـف الـود زال بثوانـي؟؟؟؟؟؟

اربع سنينٍ طوال ياكيف تنـزال؟؟
وتحط في قلبك هنـوف مكانـي؟؟!!..

ماكنت اظنك تجحـد الـود لا طـال!
اثرك على طريـف وتبينـي اعانـي!

قد قالـوا ان البعـد والصـد قتـال
وانـا اشهـد انـه علـة بالمحانـي!!

يومي اشوفك لابس بشت وعقال!!!!
والشارب الاسـود وزول سبانـي..

وعروستك من الحيا ترخـي الشـال:
( وترسل لها بسمـه تزيـد امتحانـي

دمعي بلا علمي على وجنتي سـال!!!!
اشتقت لـك ليتـك تحـس بحنانـي..

ليتك تشوف الحال يامتلـف الحـال!!
بس التفت لي شـوف شالله بلانـي..

نصيتها تضحـك لهـا لاهـيٍ سـال،،
واقـول ياليتـه حبيبـي نصانـي!! :

(الله يادنيـا التعاسـه والاهــوال،،
الله يستر وش يخبـي زمانـي..

غلطانه اللـي تعشـق اليـوم رجـال:
(مهما حلـف بالـود يبقـى انانـي..

وقلب الرجل مابه من الحـب مثقـال!!
والبنـت ترفـه قلبـهـا مايـدانـي :

حاولت اعبر والقلم في يـدي مـال،،
من هول مابي انعقـد بـي لسانـي

منقول..

[هادي بن عسكر]

قطر الندى



الله يعطيك العافيه على النقل الطيب



واتمنى ان تكون هذه الحاله نادره في مجتمعنا



لك تحياتي

[سعد بن دعروم]

يعطيتس العافية




























































لاتعليق :)

[قطر الندى]

تسلم اخوي العزيز:
§¤~¤§¤~¤§هادي بن عسكر§¤~¤§¤~¤§
والمشكلة ماهي نادرة البلوة انها في ازدياد هههههههههه يعطيك العافية عالمرور

[قطر الندى]

تسلم اخوي العزيز
][®][^][®][سعد الزهيري][®][^][®][
ولا تعليقك من قلب الظاهر انك من اياهم هههههههههههه يعطيك العافية عالمرور

[عادل المسيلي]

لابد من التعليق

:)
معاناة زوجه,,,, بعد زواج زوجها ,,,، :p


في يوم واحد نستـه كـل الامـال!!=وش عاد لو يدري بشـوق غشانـي؟؟

ماهوب مثل اول هذاك الغـلا زال!!=عزاه كيـف الـود زال بثوانـي؟؟؟؟؟؟
الدنيا ما تبقى على حال ههههههههه


وقلب الرجل مابه من الحـب مثقـال!! =والبنـت ترفـه قلبـهـا مايـدانـي

:mad: :mad: :confused:

واتمنى ان تكون هذه الحاله نادره في مجتمعنا :eek:

يابو مبارك الشرع حلل أربع ;)

مشكورة ياقطر الندى الله يعطيك العافية على هذا النقل
عسى الله يعينكم يالحريم :)

[قطر الندى]

تسلم اخوي:
«®°·.¸.•°°·.¸¸.•°°·.¸.•°®» عادل المسيلي«®°·.¸.•°°·.¸¸.•°°·.¸.•°®»
عالمرور والله يسامحك شنو هالتحطيم انا قلت بدون تعليق ابي فرقا الطنازة ولا احصلت ههههههههه يعطيك العافية مرة اخرى عزيزي عالمرور