موضوع متجدد : من القائل ؟

[ابراهيم بن مريع]

السلام عليكم ورحمة الله وبركاته

مساكم الله بالخير

حبيت أن أضع هذه الصفحه بين أيديكم جميعاً للمشاركة فيها لمن يرغب المشاركة أو السؤال عن أي قصيده أوأبيات لايعرف من قائلها

فكم من قصائد نرددها ولا نعرف اسم شاعرها أو أبيات جميله ولا نعرف لها تكملة .

فمن عنده أي قصيدة أو أبيات لا يعرف اسم كاتبها ماعليه إلا أن يسأل

وإن شاء الله أن يجد الإجابة مني ومن الإخوة الأعضاء .

سوف نجيبه عليها كل على حسب قدرته ومعرفته بالقصيدة المراد معرفة قائلها

مع تمنياتي للجميع بالتوفيق .

[عبدالله الحميداني]

يا مرحبا يا بو فواز


موضوع ممتاز و سوف يخدم الكثير


أودّ أن أبدأ الموضوع بهذا البيت والذي أردده دائماً ولا أعرف قائله..



سرا البارق اللّي له زمانين ما سرى=صدوق المخايل برقها يجذب الساري


و لاهنتوا يا نشاما

[سعد بن دعروم]

أررررحب أررررحب







موضوع طيب يالوجه الطيب وبإذن الله سنتمكن من إثراء الموضوع وإثراء عقولنا من خلال هذا الموضوع ومثل ماذكرت يا إبراهيم هناك أبيات كثيره نجهل من هم اصحابها وبحول الله نجد الاجابة هنا..







لآهنت يآبوفواز ولاعدمناك يالقرم






...

[ابن طميران]

اررررررررررررحب يابو فواز



وبيض الله وجهك على هذا الموضوع



الاكثر من رائع ووممتتاازز


الذي سوف يتستفيد منه الكثير


تقبل تحيتي

[ابراهيم بن مريع]

يا مرحبا يا بو فواز


موضوع ممتاز و سوف يخدم الكثير


أودّ أن أبدأ الموضوع بهذا البيت والذي أردده دائماً ولا أعرف قائله..



سرا البارق اللّي له زمانين ما سرى=صدوق المخايل برقها يجذب الساري


و لاهنتوا يا نشاما
هلا ومرحبا يابو عبدالعزيز

القصيدة للشاعر الكبير سليمان بن شريم



سرى البارق اللي له زمانين ما سرى=صدوق المخايل بارقه يجذب الساري
على فرعة الوادي وسيله تحدرى=وغنت طيور الماء على الحاير الجاري
مرامي غزال عقب عرفـــه تنكرى=عليه الله أكبر كل ما حل له طاري
برى الجرح منه ومني الجرح ما بــرى=وهو يحسب انه يوم طال المدى باري
نطحني بجز الثـــوب حدر المشجرى=جميل المحاسن لاضخيم ولا عاري
ابو لبة مثل القمر ضاح واسفرى=والى غابت القمرا تقدى به الساري
ترى سلبة العاتق الى صد ما درى=كما سلبة العرجون فى صفحة الذاري
صويب الهـوى مسكين مشيه على ورى=ترى النقص فيه وحيله أقوى من الضاري

[ابراهيم بن مريع]

ابو حامد وابو مسفر حياكم الله والموضوع باستلامكم حركوه واهتموا به



لاهنتوا يالوافين

[سعيد فنيس]

اشكرك يا ابو مريع على إتاحة الفرصة




لمن هذا البيت وهل للقصيدة بقية


حبيبي يعذبني وانا ما اقدر التعذيب=== ابيها مسائل سلم ما أرضاء بتعذيبي
يكفي زمان جاعل نصف راسي شيب==== وانا توي صغّير وبدري على شيبي

[سعد بن دعروم]

.
.


جآري البحث


.
.



...

[ابراهيم بن مريع]

والله ماعندي خبر يابو رايد



لكن ببحث عن القائل وعسانا نعرف القائل



اسلم وسلم

[عبدالمطلب العمر]

اخواني الإعزاء ابحث عن المساعدة من جميع االإخوة والزملاء الشعراء والكتاب ومتذوقي الشعر في معرفة القصيدة التالية كاملة وقائلها ومن ابياتها التي احفظ الأبيات التالية:ـ




ماكن بالبيت حي داج= من نزل نوره واهل نوره
يابيتها الطين يابوسراج=بالله ماشفت لي نوره
جاوبني البيت ياحجاج= تنشد وانا اشدك عن نوره..

وتقبلوا فائق احترامي وجل تقديري

[سعيد بن علي]

عطيتني وجهك وانا جيت كلي =
محروم والمحروم ماينعطى وجه


لمن هذا البيت ؟؟

[سعد بن دعروم]

؛


أررررحب يآبوعلي :)


؛



بعد البحث طلع أن البيت لـ سآلم صليم



؛



تقبل مودتي


..................

[سعيد بن علي]

؛


أررررحب يآبوعلي :)


؛



بعد البحث طلع أن البيت لـ سآلم صليم



؛



تقبل مودتي


..................







بيض الله وجهك يابو حامد
تقبل تحياتي
أخووووووووووك

[عبدالله ابن شايع الزهيري]

موضوع قيّم فعلاً



لاهنت يابو فواز

[ابراهيم بن مريع]

اخواني الإعزاء ابحث عن المساعدة من جميع االإخوة والزملاء الشعراء والكتاب ومتذوقي الشعر في معرفة القصيدة التالية كاملة وقائلها ومن ابياتها التي احفظ الأبيات التالية:ـ




ماكن بالبيت حي داج= من نزل نوره واهل نوره
يابيتها الطين يابوسراج=بالله ماشفت لي نوره
جاوبني البيت ياحجاج= تنشد وانا اشدك عن نوره..

وتقبلوا فائق احترامي وجل تقديري


هذا سلمك الله واحد يحب له وحده اسمها نوره هو بدوي ساكن بالبر.
ونوره هذي عايشه بقريه قريب منه.البدوي يروح للقرية يشتري مونه.
وهو في الديره اوالقريه الي رايح يشتري منها المونه شاف نوره وتولع بها
وصار بينهم معرفه وصحبة نقية وكان يزور القرية فقط ليقابل نورة ويعتذر بشراء المونة وفي يوم من الايام جاء للقرية
الا والله نوره واهلها قشعوا من الديره كلها مغادرين محلهم. قام يتنشد عنها لكن للاسف دون جدوى
محد اعطاه علم وين راحوا ويضيق صدر الرجال ويتهيض بالبيوت هذي يحاكي بيت نوره





ليت الرويلي غزاء مـا داج =في حي نوره واهـل نـوره
نقض علي الجروح وهـاج = قلـب تذكـرغـلا نــوره
هيض شجوني درج وابراج= بيت تنحـت عنـه نـوره
ماكن في البيـت حـي داج = من نسل نوره واهل نـوره
يابيتهاالطين يا بـو سـراج = بالله عينـت لـي نــوره
جاوبني البيت يـا حجـاج = تنشد وانا انشدك عن نـوره
ادعج غنج من حرج واحراج=حلفت منسـا غـلا نـوره
اتلا العهد يوم حضي مـاج = يا طالب العلم عـن نـوره
قلت انت ثابـت وانـا دواج =لكن اوصيـك فـي نـوره
ان كان مرتك قـل حجـاج =جانـي يـدورك يـا نـوره
يقول ما للجـروح اعـلاج = الاسوالفـك يــا نــوره
انتـي غنيـه وانامحـتـاج = للوصل تكفيـن يـا نـوره
وانـا علـي فرخةالميـراج=بواصل البحث عـن نـوره

[ابراهيم بن مريع]

جاتني رسالة على الجوال راعيها غالي وينشد عن البيت ذا من القائل وهل له تكلمه



اصبر على الدنيا بقو العزايم=ولاتبين لشماميت ماجاك

[ابراهيم بن مريع]

ياكثر ماقلت باسوي وباسوي = ومافيه شئ من اللي قلت سويته


من القائل يهمني معرفة صاحب البيت هذا



وشكراً مقدماً

[سعد بن دعروم]

ياكثر ماقلت باسوي وباسـوي=ومافيه شئ من اللي قلت سويته


للشآعر .. حمود البغيلي

والقصيدة موجوده وعسآني أجيبه في وقت ثآني

تقديري لك

[سعيد فنيس]

جاتني رسالة على الجوال راعيها غالي وينشد عن البيت ذا من القائل وهل له تكلمه



اصبر على الدنيا بقو العزايم=ولاتبين لشماميت ماجاك



ابو فوااااااز

ولا يهونون الاخواان

الحقيقة البيت هذا جميل جدا

وتمنى الوصول لمعرفة قائله هل له بقيه


تحيااااااااتي واحتراااامي للجميع

[خالدالفريجي]

الزمن لاصار ضدك واحتوى درب المصايب
لاتحاول تنكسرلـه لاتزيـد الطيـن طينـه

للزمن حكمه غريبه تحكم بدرب الصعايب
ويا كثر من ضيع الفرصه وهي فرصهثمينه

عز نفسك في زمانك لا تقول الحظ خايـب
وسق عمرك للمعالى واكسرالنفس الحزينه
==============================================

السلام عليكم ورحمة الله وبركاته
اسعدالله اوقاتكم جميعآ

لمن هذهـ الابيات واريد بقية القصيدة لمن يعرفها
وله الشكر والتقدير مقدمآ

[سعد بن دعروم]

الزمن لاصار ضدك واحتوى درب المصايب **^** لاتـحـاول تـنـكسرله لاتزيد الطين طينه


لـلزمن حكمه غريبه تحكم بدرب الصعايب **^** ويا كثر من ضيع الفرصه وهي فرصه ثمينه


عـز نفسك في زمانك لا تقول الحظ خايب **^** وسـق عمرك للمعالى واكسر النفس الحزينه


والـطـريق اللى تشوفه يرسم الدنياعجايب **^** مـد يـدك فـي طـريقه لين ماتمسك يمينه


والـرفيق ان طال وقته لا تحاتى وكل غايب **^** حـجـتـه دايـم معاه ولا تقول فلان وينه


ولا تـكابر بالمصيبه لا حكو باغلى الحبايب **^** قـول غـالـى وكل غالى تكرم لعينه مدينه


والـبـلا واكـبر مصيبه لا تناسوك القرايب **^** وتـصـبح الدنيا ظلام وتصبح اللحظه لعينه


وقـتـهـا لاعاد ينفع لا عتاب ولاطلايب **^** والـزمـن والحظ الاقشر العنه والعن سنينه



....


هذي البيوت لقيتها في احد المنتديات لكن ماعرفت من شاعرها..


\


تقديري

[خالدالفريجي]

الزمن لاصار ضدك واحتوى درب المصايب **^** لاتـحـاول تـنـكسرله لاتزيد الطين طينه


لـلزمن حكمه غريبه تحكم بدرب الصعايب **^** ويا كثر من ضيع الفرصه وهي فرصه ثمينه


عـز نفسك في زمانك لا تقول الحظ خايب **^** وسـق عمرك للمعالى واكسر النفس الحزينه


والـطـريق اللى تشوفه يرسم الدنياعجايب **^** مـد يـدك فـي طـريقه لين ماتمسك يمينه


والـرفيق ان طال وقته لا تحاتى وكل غايب **^** حـجـتـه دايـم معاه ولا تقول فلان وينه


ولا تـكابر بالمصيبه لا حكو باغلى الحبايب **^** قـول غـالـى وكل غالى تكرم لعينه مدينه


والـبـلا واكـبر مصيبه لا تناسوك القرايب **^** وتـصـبح الدنيا ظلام وتصبح اللحظه لعينه


وقـتـهـا لاعاد ينفع لا عتاب ولاطلايب **^** والـزمـن والحظ الاقشر العنه والعن سنينه



....


هذي البيوت لقيتها في احد المنتديات لكن ماعرفت من شاعرها..


\


تقديري


بارك الله فيك
شاكرلك جهودك
وياليت نعرف من هو صاحب هذه الابيات
اكرر شكري وتقديري لك اخي سعد بن دعروم

[عايض بن ذروه]

لاهنت يابوفواز ومووضوع قيّم وجميل ...



ياكثر ماقلت باسوي وباسـوي ومافيه شئ من اللي قلت سويته




من القائل يهمني معرفة صاحب البيت هذا



يهمنا جميعاً معرفة قائل هذا البيت ...

[سعيد فنيس]

ياكثر ماقلت باسوي وباسـوي=ومافيه شئ من اللي قلت سويته


للشآعر .. حمود البغيلي

والقصيدة موجوده وعسآني أجيبه في وقت ثآني

تقديري لك




لا زلنا في انتضار الرد يا ابو / حاااامد لا عدمتك ؟


مع التحيه والاحتراام

[سعد بن دعروم]

/

آسف على التأخير :)




ياكثر ماقلت أبا سوي وابا اسوي=ولا في شي من اللي قلت سويتـه
راحت حياتي وأنا أطـّري وانا انوّي=واللي بغيته نسيتـه يـوم خليتـه
انا احسبنّي صغير وبالعمر تـوي=لاشك شيّبت واحلا العمر عديتـه
ياليتني ياحمد يوم الصفـا جـوي=هاك الزمن يا شريف البيت خاويته
ياكثر ماقلت ابا اسوي وابا اسوي=ولا في شي من اللي قلت سويتـه


للشاعر الكويتي / حمود البغيلي




وهنا القصيدة بصوت الشاعر

(( أضغط هنا )) (http://www.dwaihi.com/poem/25hmod17.ram)


\

تقديري



.

[سعيد فنيس]

معذور يا القرم ولا حصل قصورررر

بيض الله وجهك

تقبل مروري ولك تحيتي

[نايف الحربي]

مسّاكم الله بالخـير ..

موضوع جميل ورائع ..

لا هنتوا من يعرف قائل هذا البيت .. وهو من قصيدة عندي


على ذاك الجدار اللي على حد البيوت الطين .. وقفت وهاجس الذكرى نفض في قلبي غباره



.

[عادل المسيلي]

يا هلا يا مرحبا يا أخ نايف

على ما أضن إن هذا البيت هو من أحدى قصائد

الشــاعر فهــد المسـاعـد


تقبل خالص تحياتي

[محمد دعيج العتيبي]

الى اخواني الاعزا المشرف العام وامشرفين المنتدى والاعضا الكرام السلام عليكم ورحمه الله وبركاته وبعد


اود المشاركه معكم في من القائل هذه الابيات من قصيده لا اعرف قائلها


يشبه ضليما من جذيبا تحدر = ولا النداوي يوم تطلق اسبوقه

يا راكبه كزه لنجعا با الاجفر= تلقا عشيري كنه البدر فوقه

ابو جديلا فوق متنه تنثر == ريح الخضيرا والشمطري نشوقه

لا وا عشيري عن هوايه تنكر == شفت الغضب يا ناس بغضاي موقه


وسلامتكم محمد العتيبي

[محمد دعيج العتيبي]

من القائل


خطوا الولد يبكي ليا ما تعشى == ويضحك ليا روبج على كبده الزاد

ما تلتلنه مبعدات المعشى == فج النحور او مضهرت غيب الاولاد


وسلامتكم محمد العتيبي

[سعود المسيلي]

أبو فواز أرررحب متميز كالعادة بتميز منتدانا الغالي ... أبيات بحثت عنها في النت ولم أجد جوابا ولا تكمله وأكيد لها قصه وانت والأخوان في المنتدى أكثر إطلاعاً مني .....

خلوه نايم والليالي تصحيه ..... يفز من نومه بليا منادي
لا غاب عنه اللي منول يقديه ..... دوبه يعرف انه عن الدرب غادي

[ابراهيم بن مريع]

أبو فواز أرررحب متميز كالعادة بتميز منتدانا الغالي ... أبيات بحثت عنها في النت ولم أجد جوابا ولا تكمله وأكيد لها قصه وانت والأخوان في المنتدى أكثر إطلاعاً مني .....

خلوه نايم والليالي تصحيه ..... يفز من نومه بليا منادي
لا غاب عنه اللي منول يقديه ..... دوبه يعرف انه عن الدرب غادي

أرحب يابو هلال


والله إني بحثت ولا بقيت حيله


لكن للأسف لم أتوصل لمعرفة قائل البيتين ..


ومازال البحث جاري



تقبل خالص شكري وتقديري


أخوك ومغليك