الكل يدخل يقول رايه ونقده

[سعد البقمي]

السلام عليكم ورحمة الله وبركاته كيف حال النشاما
انا والله انبسطت يوم شفت فيه قسم محاولات شعريه
وانا في بداياتي وابغى اطرح لكم قصايدي للنقد والتوجيه


{تكفون يا : شعر و نقاد و اعضاء و من لديه الخبره وكل من يدخل ان يبدي رأيه }

اتمنى النقد و التوجيه والا رشاد واصلاح الاخطاء وتوضيحها

القصيده الاولى :

والله مدري وين اوجه يا محماس
هم بقلبي خلف الضلوع المحاديب
اتعب ضلوعي الحدب الاقـواس
واصبحت في رهبه و خوف رهيب
على الله باتوجه باري النـــــاس
رب على كل الخلايق يعــلم الــغيب
يالله ارسل لقلب ذعذاع نسناس
يطفي نار قلبي واللهب واللــــــهيب
يالله صدعني الفشل والانتكاس
وقوني يارب رحيم لـــــعبدك مجيب
لقيت كل الاشكال والاجناس
والمجتمع يشـــــــكي الخــــــــــريب
خاو اللي تحبه يا مــــحماس
وانتبه ترى بعض المجالس يصيـــــب
والخوه الي ماتبنى على ساس
لا تدورها ببحــــــــــث وتنقــــــــيـــــب


وهذي الثانيه :

ياصاحبي وقت المعزه بان و وجب
و المعزه تجي من اللي عليك يخاف

والمعزه توجب النصح ووقته طلب
وصاحبك شاف فيك اللي يـــــــعاف

اصغ لي يا صاحبي بصدر رحـــــب
و اسمع و حكم عدل و انصـــــــاف


شفتك ياصاحبي مع واحد خــــــرب
ماهوب رجال وحقه يلف بلفــــــاف

يجيك بالحسن والطيب حسب الطلب
و غدره وطعنه ماهوب ينـــــــشاف

عندك وعند الناس كم خيمه نصــب
ورفع و تدها بهرج الضـــــــــعاف

تراه مثل البيد الـــجافه جـــــــــــدب
ويتمثل بالربيع لاشاف الاشـــــراف

هذا يحقق من وراك اللي يـــــحــــب
و يجري على تعبك كل الاهـــــــداف

ثم ينطلك في نار جــــــــــمر و لهب
ثم يصد مثل السنين العــــــــــــجاف

يشب في ضلوعك بالغبنه حـــطــــب
وترجع بالــخساره و الانـــــــــــكاف

هل دمعك من عينك وانســـــكــــــب
لسان حالك يشكي والحزن ميــــقاف

هذي نصيحه بعدها ماتفيد الخـــــطب
من واحد جرب الدرب ورجع بحساف

(( تحياتي ))

[سعد البقمي]

ياناس ياشعر وينكم وين النقد

( لو اني انتظر المتنبي كان رد )
ههههههههههههههههههههههههه

تكفون ترى انا ما كتبت الا عشان النقد والا وش الفايده من هالقسم

(( تحياتي ))

[عبدالله الحميداني]

ارحب يا سعد تراحيب المطر


وابشر باللي تبي من عيوني الثنتين .......والحقيقه اني منبسط على كلامك و نفسك الواثقه والتي تتكلم براحتها ..



طبعاً القصيدة تحتاج للوزن .. فالقصيدة ليس فيها وزن أما من ناحية الكلمات لا باس بها و اختيار القافية .. و ماعليك إلا ان تغني القصيدة كاملة على لحن معيّن لا تتغيّر معه الكلمات و لايكون فيه جبر ولا خلل .. وتعرض القصيدة مرة اخرى وسوف نوّضح لك مناطق الخلل الصحيح نقول له صحيح ...


وانت إذا كنت في البداية فالموضوع يكون خطوه خطوه و مع التجربة يكون لك ذوق خاص لك في اختيار المفردة و البحر ..




والجميع في خدمتك ........ لاهنت يا غالي





تحياتي

[سعد البقمي]

اخوي عبدالله الحميداني اشكر لك التفاتك للموضوع واقدر جهود

لان الظارهر محد عطاني وجه الا انت
ههههههههههههههههههههههههههه

بس ياليت تشوف لي بيت موزون والا توزنه انت عشان اسحب باقي القصيده عليه

ومشكوووووووووووووووووووووووووووور على العموم

[عايض بن ذروه]

لاهنت ياسعد ولاهنت يابوعبدالعزيز على التوضيح