بــوح الـمشـاعــر [الأرشيف] - منـتـديـات ســمـان الـهـرج ©

عادل المسيلي

09-02-2008, 06:47 AM

مقتطفـــات فــي الذاكـــرة

,

,

زمانً زخرف أشكال الرجال حدني لرخوم=يبي يشره على نفسه ويلعن خامس أرخومه
مدامك يا زمن شاهد و صدري ممتلي بسهوم=أمانه يا زمن بشر ردي الساس بسهومه
بعدها لا تعلمني و لا أبغى من وراك أعلوم=كفايه اللي تزخرف بك وكنت أصدق أعلومه

لا جيت أصفصف فكرة الوصف تصفيف=يطري علي بعض الجمال حرفها
من وين أببدا فالثمان المراهيف=فعيونها في شعرها في شففها
في جيدها ولإ الثنين المهاديف=ولإ بعد في خصرها اللي لهفها
في وصفها ما لتواصيف توصيف=والوصف كله الوصفها ما نصفها
لو شافها العاقل غدا خبل وخفيف=عني ليرمي غترته ويحذفها
لو شافها اللي يلحف القرش تلحيف=والله ليصرف ثروةً ما صرفها
وش عاد من جاته بليا تكاليف=غير الورود اللي لها قد قطفها
من اولً معها بروس المشاريف=واليوم نفسه قد لحقها كلفها

نسيت صده والجفا نسيت حتى أقول ليش=العين يلخمني نظرها والجبين أنتاشبه
لو شافها الي ما ضرى بزين يمكن ما يعيش=الزين وثق بصمته زودً على ذا طاشبه
يقدر يوزع من حلاه لو بغى في وسط خيش=ليته صرف للي من حلاه أشوي لجل أعتاشبه

للشاعر :/ مشعل بن محماس الحارثي

,

,

المــجد مـــا يوخــذ بــراح وروحـــات=يوخــذ بحـــزم و عــزم و اقــدام و حــسام
مــن لا يخـــوض اخطارهـــا بــا لمــلمات=يعــيش بــين أوبــاش و وهـــام و أحــلام
تــرى الوكــاد الفــعل مــابه مــروات= اصــدق مــن اللــي يكتبونـــه با لأقـــلام
الـــذيب يا هــل العــرف مــا رافــق الشــات=و النمــر مـــا و الــف مفاصيــل الأرام

للشاعر : الأمير محمد السديري

،

،

يا قلب يا للي طوّعته أيام بقعـاء ليـن طـاع=تراك في وقت يقال إن البسـاط إبـه أحمـدي
الله أكبـر يـا زمـان فيـه يبلـون الشجـاع=ويعذربونه بالردى والعيب لو ما هـو بـردي
سر يا قلم في لازمي سيل على الطرس اليراع=وأنا معك ماني بذاخر كل جهـدي و أجهـدي
آخاف نقد العارفة ما اخاف من نقـد الرعـاع=ما دامها مانفلتت إحبال المراجـل عـن يـدي
أخشى مناقيد الرجـال اللـي سوالفهـم تـذاع=وأميّـز الرجـال بعيونـي ولانـي بـرمـدي
إن لم تكن ذيب أطلسي ضاري تعشتك الضباع=وأصبحت مشموت ليا ضحكت عليـك النجّـدي
عليك بالحكمة وبالفطنـة وحسـن الإستمـاع=راحت سواليف الرجال اللـي تحـل وتعقـدي

للشاعر : محمد بن دشن الفهري القحطاني

,

,

دخلت في الحب تصنيفه ورد اعتبار=واجتزت كل المراحل.مرحله. مرحله
سويت مثل العرب الافغان في قندهار=ان حاربو مشكله وان عوّدو مشكله

الوضع مزري ويؤسف له ويرثى له=حاول على وضع يصلح لك ويصلح لي
اما اعتبرني ذكي ماانت بعلى باله=ولا اعتبرني غبي مرّررره ووضح لي

والرمش سادات قومٍ في الضحى سجّد=في عيد الاضحى تقرّب بآية السجده

يالطيف الروح يازين الصراحه=كلمتين أمّا مجي ولا مراحي

على ضوء الكلام اللي كشف عنّا ستار الصمت=عرفت ان به وجيهٍ باليمن ووجيه بالشامي
مصيبه لا تردّت قيمتك في عين من قيّمت=يشوفك بالسهل وانته تشوفه بالسما السامي

وطارق ابواب العرب تفتح له الابوابي=ومن فتح باب الضيافه يكثرون ضيوفه

يابن آدم يلعن الله مختالٍ فخور=من تواضع تحت ربّي يعلّيه درجه
لجل ما تدخل جهنّم على شان الغرور=للعرب حاول تواضع وتعطيهم وجه

يامرحبا مادونها باب مقفول=لابوابها ريموت بيدين اهلها

مقاديم عكشٍ للحجاجين متقاطر=سعف قلب مرباعٍ من الحمل منهطره
كن في عاتقك مقدم تناعومة الماطر=جمال الطبيعة لاوّل اللي على الفطره

أنا قلبي يـوم أشوفـك يجـي فيـه ارعشـه=حب مدري شوق مدري غلا مدري شفاه
أنـت مثـل الغيـث لا مــر لــه دار أنعـشـه=صح مـن قـال أقـرب الحـي يزيـدك حيـاه

للشاعر : سعد بن جدلان الأكلبي

,

,

والعشق بلوى يستلـذ ابـه الوليـف امـع الوليـف=تفـوق لـذات الغنـاه الـلـي مايخلطـهـا ربــا
اللي عشق حب الوطن !! واللي عشق جنسٍ لطيـف=واللي عشق ركب النظا !! واللي عشق صيد الظبـا
واللي مايعشـق شـي فـي دنيـاه حيـوانٍ أليـف=هـذا تسمونـه ذكـا .. والا تسمـونـه غـبـا !!

أنا دخيل الصدر .. والثغر .. والجيد=أرخي علي شلال شقـر الجدايـل !!
هـذي تكفينـي مـن العيـد للعيـد=وأنا علـي ياهـوووه رد الجمايـل
أحظنك بأشواقي !! من الإيد للإيـد=وشعرك على هاك المبيسـم تمايـل

للشاعر : سلطان الهاجري

تقول خير منين بالله يجي خير=وانا معك قضيت عمري بلاشي
اصبحت مثل اللي مراده لبن طير=وانا مرادي بوسة وانت ماشي
عنك ارفع الكفين حشمة وتقدير=شيمة حرار ما ترب العشاشي
ولا فانا المجنون حكمة وتدبير=وقبلك جلابيب الرعابيب شاشي
لو ودي افعل ما فعل سالم الزير=والله لاخيط من جديلك فراشي
لا شك ابيها منك فزعة مناعير=ووصل الاحبة ما يجي بالهواشي
فكان المراد انساك ياصاحبي طير=والله لاموت وعلتك وسط جاشي
كل شي الا نسيتك يمكن يصير=لو جابت الناقة ثلاثين حاشي

لعنـبـو مــن لاتقـمـص فـيـك شخصـيـة سفـيـه"=مثل ما هـو لعنبـو مـن لا عشـق مثلـك ظنيـن
من سببك الموت يا مـوت يمـوت المـوت فيـه"=يـا نحيـف الخصـر ابـو دابيـن والمقعـد سميـن
لـو مـع الشيطـان مــن سـايـر جـنـوده لك شبـيـه"= مـا بقـى حـي يبـي الجنـة عشانـك يـا حَسِيـن
ابـك لـولاك انـت مـا حــيٍّ ابــد صـفّـق يـديـه"=ولا فرقنا روشن السلطان من سـرداب طيـن
ياجـمـال خيـزرانـه مـــا يـطــق الا الـوجـيـه" =تربـتـه مــن قحـويـان ومــاه ورد الياسـمـيـن
مـن يشوفـك بـس لـو لمحـة يبـي نومـه يجيـه"= مثـل مـن يبغـى لبـن عصفـور يالله يـا معـيـن
جعل عيـن شافتـك حلـو الكـرى غضـت تبيـه"=نومة اهل الكهف وسط الكهـف آلاف السنيـن
مـن يشوفـك نــزوة الـدجـال الاكـبـر ترتـديـه"=ولو تشوفك حامـل فـي خمسهـا طـاح الجنيـن
ومن يشوفك ضاع في عز الضحى لوهو نبيه"=مــرة يـحـذف يـسـار ومــرة يـحــذف يـمـيـن

يا لعنبـوه انْ مدحتـه كنّـي آذمّـه=وغيره تمنّاني اقصد بـه ولـو ذمّـي
مدري على اسم القمر سمّوه يا يُمّـه=والا على اسم الغضي وجه القمر سِمّي

للشاعر : ناصر الفراعنه السبيعي