القصيدة الثانية من قصائد النجوم .

[مشرف النجوم]

بعد حصولها على الخمس نجوم تحفظ في قسم النجوم




حنا خلقنا الله وهاماتنا فوق=ماتخضع الا لاجل رب خلقها
آموت واحيا ماترجيت مخلوق=شريعة سنيتها واعتنقها
مانيب عشاق ذبح قلبه الشوق=اكبر همومه هم بنت عشقها
ولانيب هراج معه سبعة حلوق=لاماتت الفتنة رجع واختلقها
ولانيب متسرع ولانيب مطفوق=لانشبت الكلمه بحلقه نطقها
لامابغيت ارتاح وآسج وآروق=عارض لفرحة خاطري من سرقها
الي حكى في ساقتي جعله العوق=شرهة زمن في جنب غيره لصقها
ايجر خملاته على كل طاروق=حتى تراجيف الزمان استبقها
قلبه من الفتنه مسود ومحروق=الا كرامة وجهه الله دفقها
الشجرة الي مالها ساس وعروق=انا اشهد انه مايظلل ورقها
خفوا علينا ياهل الغدر والبوق=كسب الوجيه الطاهره من عرقها
(قال المثل ماكل مطرود ملحوق =كم واحد له حاجة مالحقها))

الشاعر حسن بن عبدالرحمن الشهراني

للرد على القصيدة من هنا (http://www.smanalhrj.com/vb/showthread.php?t=3880&page=1&pp=10)