مبرك القصـواء

[عبدالله الطلحي]

ياهجوسي سافري صوب المدينه=ياصلاة الله على منهو عمرها
يوم كانت تنتظر طلعة جبينه=من ثنيات الوداع اشرق قمرها
ليتني, لو إن ليت من الغبينه=زفرة المغبون من صدره زفرها
ليت وإني كنت في مستقبلينه=وإن عيني طالعت فيه بنظرها
منهو اللي ماتهل الدمع عينه=ومنهو اللي ماتمنى إنه حضرها
ساعة فيها من الله السكينه=وقفت الناقهة وهي محدٍ زجرها
ثم حدد موضع المسجد بحينه=مبرك القصواء يوم الله أمرها
ومن صدور اصحابها سل الضغينه=لم شمل القوم والفتنه قصرها
ألّف انصار الهدى ومهاجرينه=عوّضه ربه بها قومٍ هجرها
ياهجوسي والفخر لك تذكرينه=يوم كلٍ تعلن هجوسه فخرها
يرتفع شانك بشعرٍ تنظمينه=في مقام المصطفى صفوة بشرها
في خيالك حاولي تستحضرينه=يتلوا الآيات ويرتل سورها
وإن دخلتي مسجده كنك ترينه=يشرح الأحكام ويبيّن عبرها
بلّغ اصحابه بشرع الله ودينه=وبلغونا كل معلومه ذكرها
ياهجوسي ليت وإنك تِخبرينه=إننا نمشي على السنه باثرها
وإن هديه لانزال مطبقينه=في البلاد الطاهره والله نصرها
رغم كيد الكافرين محكّمينه=ماتخوّفنا الدول في مؤتمرها
وإننا في كل وقت مناصرينه=مانسينا الدانمرك ولاصورها
ولانسينا المسجد الأقصى الرهينه=في معاناة السنين وفي قهرها
لو يطول بنا الزمان محررينه=ماحسبنا لليهود ولاخطرها
العدو عبر الزمان مجاهدينه=لين يتكلم حجرها مع شجرها

[علي العمودي]

اللهم صلي وسلم عليك يا رسول الله

لو يطول بنا الزمـان محررينـه
ماحسبنـا لليهـود ولاخطـرهـا
العدو عبـر الزمـان مجاهدينـه
لين يتكلم حجرها مـع شجرهـا



صح لسانك وبيض الله وجهك

قصيدة شامخة في حق الرسول صلى الله عليه وسلم

دمت في حفظ الله يا شاعر الحكمة

[مطلق السبيعي]

لله درك ياأخوي /// عبدالله





أفحمت من بعدك من الشعراء ....... قصيده في غاية الجمال .......لافض فوك ... تقبل تحياتي

[فراج بن محمد القرقاح]

ارحب ياشاعر الحكمة رجل المواقف

كثر الله امثالك وجزاك الله خير ولك

من كنيت اسمك نصيب ونحن نكن لك كل تقدير

فانت ممن يقتدابهم تقبل احترام مغليك .

[ابراهيم بن مريع]

أبو ناصر شاعر الحكمة والجزالة



صح لسانك وبيض الله وجهك قصيدة شامخة ووافية ولاتستغرب منك .


تقبل خالص شكري وتقديري

أخوك ومغليك

[مسفر الصفا]

ليتني, لو إن ليـت مـن الغبينـه
زفرة المغبون من صدره زفرهـا
ليت وإني كنـت فـي مستقبلينـه
وإن عيني طالعت فيـه بنظرهـا


عبدالله الطحي

تسلم على هذا الابداع والجمال والحضور الفائق

جميعا نتمنى هذه الاماني الجميله

جزاك الله خيرا على هذه القصيدة الشامخة

بسيد المرسلين صلى الله عليه وسلم

[خالد الحارثي]

ارحب يابو ناصر


صح الله لسانك دايم جزل ومبدع


كتب الله لك الاجر وبيض الله وجهك





.

[محمد بن جفين]

جزاك الله خيرا على هذه القصيدة الشامخة

بسيد المرسلين صلى الله عليه وسلم

[فهد الزهراني]

اللهم صل وسلم على سيدنا محمد وعلى آله وصحبه اجمعين!
جزاك الله خير اخوي عبدالله على هذه القصيدة الجزله في افضل خلق الله
ولاحرمت اجرها ان شاء الله

[عايض بن ذروه]

جزاك الله خيرا على هذه القصيدة الشامخة

بسيد المرسلين صلى الله عليه وسلم

[عامر العايذي]

عبدالله الطلحي

تسلم على هذا الابداع والجمال والحضور الفائق

جميعا نتمنى هذه الاماني الجميله

جزاك الله خيرا على هذه القصيدة الشامخة

بسيد المرسلين صلى الله عليه وسلم

[سالم دخيّل الحبابي]

صح لسانك وبيض الله وجهك

على الافكار البليغه والمترابطه وصلى الله وسلم على نبينا محمد والله يزيدنا وياك حكمه وبلاغه في كل مجال

[محمد أبن دوحان]

اللهم صل وسلم على نبينا وحبيبنا محمد صلى الله عليه وسلم

وحسبنا الله ونعم الوكيل حسبنا الله وكفى سمع الله لمن دعى حسبنا الله ونعم الوكيل

أخوي الشاعر :(( شاعر الحكمه ))

صح لسانك حتى ترضى وتسلم يمينك و بوحك , ورحم الله شيبانك

إبدااااااااااااع متجدد لامست به السماء لتمطر في متصفحنا بورود رائحتها زكيه ومنظرها رائع أخاذ

أسأل الله لي ولك وللمسلمين والمسلمات أن يشفع فينا نبيه محمد صلى الله عليه وسلم و أن يرزقنا من حوضه شربة لا ضمأ بعدها أبدا

لاهنت لاهنت مع الأمنيه لك بالتوفيق

أخوك (( محمد أبن دوحان ))