نبض المشاااااااعر ,,, منشتااات شعريه ,,, خاااصه

[مسفر الجعيد]

السلام عليكم

هلا ومرحبا وحياكم الله في نبض المشاعر




سلام الله على الاعضاء سلام الله على الزوار=تحيه وافيه مني لكل الناس مهديها

احب الشعر واعشق له وادور طيب الاشعار=وانا مانيب شاعر والمشاعر من يجاريها

اعيش بوقت ما يرحم ولخص مجمل الافكار=واسويها قصيده والذكي يفهم معانيها

رسائل تحكي الواقع و تبقى للزمن تذكار=تعبر عن محبه بين كاتبها وقاريها





تحياااااتي

[مسفر الجعيد]

ماشكيت الوقت من شي ٍ بسيط= لين شفت الوقت تحداني عصاه
راحت الدنيا خبيط ٍ في خبيط=( وعنا القلب المعنا وعناه )
العباطه ما يخليها العبيط =لين ياكل له على زقمه حصاه

[مسفر الجعيد]

ما عاد تلقى فالزمن قلب صادق=القلب واحد والولايف ثلاثيـن
راحت قلوب الناس مثل الفنادق=تستقبل الزوار لو هم ملاييـن

[مسفر الجعيد]

امنيه


يابوي انا شف بالي بنت مزيونه=تعرف سلوم العرب وتطيع خالقها
خفيفة الدم بالقران مفتونه=ولوالديني تطيع وزين منطقها
من بيت طيب كرام الناس يلفونه= عريبة الساس تحفظ سر عاشقها
حنونة القلب للاسرار مأمونه=للخير تسعى ولا عذراء تسابقها
رهيفة الحس بالاخلاق مقرونه=فيها الادب والحلا والصدق يسبقها
عزيزة النفس حساسه ودندونه=وسيعة البال والبسمه تعانقها
هذا منايه ياليت الناس يوحونه=عز الطلب يا عسى ربي يحققها
واللي وجد منيتي مادوني ودونه=ون كان مافيه ليش النفس نحرقها

[مسفر الجعيد]

مساء الخير


الليالي تكشـف اسـرار الـدول=تكشف المستور فـي تجوالهـا
والسياسه مصلحه زايد حيّل=ومن لقا له حيلةٍ يحتالها
الغموض ايزيدني خوف وأمل=والامـل للنفـس مثـل اظلالـهـا
شـي قدامـي وشوفـه كالجـبـل=والجـبـال النايـفـه نـرقـى لـهـا

ننتظـر ونشـوف والدنيـا مـلـل=وكلها ساعـه وتكشـف حالهـا

[مسفر الجعيد]

لا وهنـي اللـي تريـح واستـراح=وشلون قلـي يـا حياتـي بستريـح
حشـدت قواتـك وناويهـا اجتيـاح=اجتحت قلبي يوم انا قلبـي جريـح
ماكنت في حاجة جنـود ولا سـلاح=ولا تقلـد بـوش والتفكيـر مـيـح

[مسفر الجعيد]

مساء الخير


ماكل عذراء تشوق القلب مصيونه=ولاكل عذراء تبا تقدر تصدقها
بعض العذاراء قليلة دين ملعونه=ماتعبد اللي من الانعام رازقها
والبعض الاخر خفيفة عقل مجنونه=باعت شرفها على شخصٍ معلقها
وفيهن تلاقي خبيثت طبع مسكونه=فالسحر والشعوذه حطت مطارقها
واما بعضهن تحب السوق وركونه=تهوى الغزل والغزل نهجه موافقها
وبعض العذاراء جديد اللبس يشرونه=اتشيل وتحط والدنيا تزبرقها
وايضاً بعضن تحب الفن ولحونه=ترقص على طبله الفنان طارقها
واخرهن اللي تحب النت وفنونه=دايم على الخط تطلب من يصادقها

[مسفر الجعيد]

مساء الخير



هلا يا مرحبا يا شوق غنا به رفيع الراس=رفيع الراس غنا به وقلبه داخله كيه
هلا باللي تذكرني جروحي والعناء والباس=عسى ما باس ياتي من بعدها يالسنافيه
ثلاث سنين مرت من حياتي ما عرفت الياس=ثلاث ٍ كلها هم وكدر واسرار مخفيه
شربت المر والعلقم وتسقيني وهم بالكاس=ولو تكشف على قلبي تبا تحصل اماريه
جروح الحب ما تبرا كما حبر ٍ على قرطاس=ولو كابرت بعنادي احس بنارها الحيه
احبه واعشقه والحب ماله فالزمن مقياس=ونار الشوق تحرقني مع الروحات والجيه
تعبت ولا شكيت الهم للشمات والبلاس=واعز الناس مايدري وعاش احلام ورديه

[مسفر الجعيد]

حبيبي تالي ايامه يجنن=اجر الصوت لاكن كيف يوحي
بعد حبه من الخافق تمكن=علامه صار فالطله شحوحي
جرحني جرح با اسلوب وتفنن=وجرحه سمّ قلبي ثم روحي
عطوني بنج ما يفيد المسكّن=عساه يفيد ويسكّن جروحي

[مسفر الجعيد]

مساء الخير


السيف يُعرف من مواري صقيلـه = ولا كـل رجـالً يحاليـه رجـال
كم واحدن وقت السعـه وش حليلـه = وليا حدتك أظروف حدك على الجال
وكم واحدن فالوقـت كفـه بخيلـه = لا سـد ميقافـه ولا جمّـل الحـال
وكم واحدن دنفـوس فعلـه فشيلـه = نمـام ومنافـق وكـذاب محتـال
ومثله ضعيفً مـا يزبـن دخيلـه = والجار ماله حق في سلـم الانـذال
ياليـت للانـذال وســمٍ تشيـلـه = حتى نميزهم علـى كـل الاحـوال

[مسفر الجعيد]

الله من الايام والوضع معكوس= ياربعنا ياللى تعرفون الامثال
دنيا تعلمنا مفاهيم ودروس=ما تغير الطيب على عكس الانذال
الناس والدنيا تصانيف وجنوس=وشلون ساوت بين طيب وبطال

[مسفر الجعيد]

ان كان بأول خطاء ودك تحاسبني=احسب حسابك على الماضي وغلطاته
ون كان زود الغلا دفك تعاتبني=القلب ملكك وحبك زاد نبضاته

[مسفر الجعيد]

مساء الخير


ودي اقول الحب كلمه رخيصه=استعملوها الناس في كل الاغراض
حرفين تفهمها العقول البخصيه=في وقت صار الحب من ضمن الامراض

[مسفر الجعيد]

تلعب على الحبلين وتقول احبك=لا والله الا ما تعرف المحبه
اللي مدحك اليوم بكره يسبك=لان الردي كل الاوادم تسبه

[مسفر الجعيد]

مساء الخير


يا مخرج الافلام لا زان علمك=كيف الزعيم يموت من شان جندي
احتارو العربان وش نوع فلمك=ماهوب مكسيكي ولا هوب هندي

[مسفر الجعيد]

الحقيقه هـرج والواقـع عمـل=والصراحـه كلنـا نسـعـى لـهـا
من شراء بريال ما باع ابهلـل=ومن يبا جمـع المراجـل نالهـا
ولا يشيل الحمل ياكود الجمل= والثقيلـه ميزتـه يشتالهـا

[مسفر الجعيد]

مساء الخير


انا مقدر على فراقك وقلبي مايطاوعني = يمر اليوم بغيابك وكنه عام ميلادي
انا ادري عنك لا تقدر تضر وانت نافعني =و لاكن صرت للقلب المعنا شف ومرادي

[مسفر الجعيد]

الليالي تعاندني وانا صابـر=والصبر باح والاسرار مكنونه
والبيوت الجزيله تشرح الخاطر=كل شاعر يغني حسب قانونه

[مسفر الجعيد]

يا ملاك الكون منية كل ذيب =لو نسيتك يوم ما يعنى فراق
لا تحراني بعد طال المغيب= اعتبرني مت في حرب العراق

[مسفر الجعيد]

مساء الخير



ليه الغلط دام الغلط شي مكروه=في وقت مايرحم ودنيا غريبه
ليه المطوع صار رجال مشبوه=واسمه مع الارهاب ما خذ نصيبه
ما كل من ربا الدقن شخص معتوه= والقنبله يشتالها وسط جيبه

[مسفر الجعيد]

رحلة الحياه


بدينا وابتدينا والله الرزاق والمعبود=عظيم الشان رب الناس خالقها ومحصيها
هو الدائم هوالجبار والرحمن والودود=عزيز ولا يحب الظلم والضلعان مرسيها
قوي البطش سبحانه ذوي قوه واله جنود=رحيم ورحمته للخلق ناشرها ومعطيها
هو المحيي هو الشافي وهو رزاق عمي الدود=رفع سبع ٍ بلا عمدان والافلاك مجريها
تعالى الله سبحانه عليم ويعلم المقصود=حكيم ويمهل الخلقه ولو كثرت معاصيها
له الحمد وله الفضل وتعالى ربنا ذا الجود= خلق جنه ونار وجنة الرحمن نرجيها
وله تسعه وتسعين اسم للي للكتـاب يعـود=وفيه اسماء ما أعلمها ولاكن مؤمن فيها
بعدها ياسلام الله كما طلع الزهر وورود=علي اللي يسمع الابيات ويحلل معانيها
ثلاثه واربعه وثنين ياتي بعدها المولود=ويدرس ويتعلم فالسنين وفي لياليها
يعيش بوقت ما يرحم ويبذل غاية المجهود=يحاول يملك الدنيا ونفسه صار مشقيها
تعامل بالحرام أتقول كافر ما عليه قيود=وكله لجلها حتي وصلاته ما يصليها
تولع وانقطع حيله وثر حبل الشقاء ممدود=ولو يفرح بها ساعه تجرع من مئاسيها
بعد كل المأسي قال لا زال الامل موجود=وراح يصارع الدنيا ويطمع في امانيها
يحب المال والشهره محبه ما وراها فود=كذلك حب ترفات الصبايا نار يوشيها
وحب ٍ ما يوصل للزواج ملازم المقرود=ليا منه تذكر للسنين وطيش ماضيها
أهو ما يدري ان الشوق ما يرحم شباب وعود=سوات الجمره اللي ولعت في صدر راعيها
الا يا الله يا ربي تعينه والهموم اتزود=ليا وقف وجاه الموت والاهآت يشكيها
وهذا واقع الدنيا وعادتها جفاء وصدود=الا يا حظ من يسلم ويكفى في بلاويها
وصلى الله على محمد رسول الله بليا حدود=شفيع الخلق في ساعه تبين كل خافيها

[مسفر الجعيد]

مساء الخير





الحمد لك يارب تستاهل الحمد=ياللي وهبت القلب صبر وتحمل
يا ما صبرنا والخطاء صار بالعمد=صار الهدف محسوب ماهو تسلل

[مسفر الجعيد]

مساء الخير



والله لو عندي رصيد وملاييـن=لتشوف كل الناس تطلب رضايه
ناسٍ تقدم لـي بنـاتٍ مزاييـن=وناسٍ تقـدم للكرامـه نهايـه

[مسفر الجعيد]

ما عاد لي فالهوى مقصد ولا حاجه =من يوم بنت العرب كثرت خطاياه

[مسفر الجعيد]

البارحه ضاق صدري واتحرى لك=وانته مع الناس ما تدري عن احوالي
تضحك وتمزح وانا ماني على بالك=ما تراعي احساس من حبك ولا تبالي
الله يجازيك وش خلاني اهوى لك=ضيعت مستقبلي والبيت وعيالي

[مسفر الجعيد]

مساء الخير


يا ذيب ياللي فالجبل نسمع اعواك=كثر العواء يالذيب مالـك ومالـه
لو كل من يزعل يسوي سوايـاك=محدٍ تعذر فالخطاء واعتنـى لـه
ما دام ما زعلتك فلا همني رضاك=اللي زعل من ماش يرضى لحاله
ون كان تبغاني اجي واترجاك=تبطي عظم ما جاك مني رسالـه

[مسفر الجعيد]

انا وياك والمشكى على الله=تجمعنا على نبره حزينه
وكلاٍ لو شكى لفراق خله=يهل الدمع وجروحه دفينه

[مسفر الجعيد]

الرفقه اللي مالها فالزمن ساس=لا تعتني فيها ولا عاد تبلشك
طنش تعيش ولا تعذر من الناس=ما ينفعك معذار واحد مطنشك

[مسفر الجعيد]

الشمس تبدي على الكون وتغيب=بأمر الولي تبتدي مشوارها
والشعر فكره ومعناها رهيب=والطيبه حظ من يختارها
المشكله كايده والذيب ذيب=يفهم تفاصيلها واسرارها
دنيا تُحير ولا فيها غريب =والناس ماتستوي ففكارها
من قدم الطيب يلقى كل طيب=ولكل لحيه ترى مقدارها

[مسفر الجعيد]

انتظرت وطالت الغيبه علي=وانت تدري في غيابك مشكله
منت من ربعي ولا انته من هلي=انت اعز الناس لا ما شكله
لك معزه في خفوقي تعتلي=كنها باقة ورود مشكله

[مسفر الجعيد]

هيه ياللي تالي الايام تمشي بالخديعه=ما تعرفٍ ان الليالي تكشف الناس الكذوبه
والله اني كنت داري لاكن الدنيا فضيعه=كنت اقول اليوم بكره يلحق السيه بتوبه

[مسفر الجعيد]

الهنوف اللي على غلاف المجله=مملكتها بس حطوهـا دعايـه
شف حليمه يوم تطلع مسفهلـه=تجذب اللي ما يحبون القرايـه

[مسفر الجعيد]

موقف طريف

يالطيف الحال تلطف يالطيـف=يوم شفت الزين في سوق البلد
أحسب انه بنـت ياعبداللطيـف=ياخساره طلعت النكبـه ولـد

[مسفر الجعيد]

احب الليل ونجومه واحب البر والمقنـاص=واحب اللي ليا سولف سواليفـه تسلينـي
احبه واعشقه واموت من حبه بليا رصاص=احب مناظر عيونه وكلمـه منـه تكفينـي

[مسفر الجعيد]

الحب والود والاهآت تجذبني=والوقت ميال والاشواق فياضه
والشوق لا غاب لوصاله يخاطبني=من يعرف الحب ما يسلم من اعراضه

[مسفر الجعيد]

حقيقه ما كتبت الشعر لجل ارضي جميع الناس=ولا يطري على بالي زعلهم من معانيه
حقيقه قلتها من صادق الاعماق والاحساس=يصدقها الحكيم اللي تأمل في قوافيه
وزنت البيت بالميزان والمعنى قوي الساس=وصار البيت اله معني وجال الشعر قافيه
سوات اللي يغوص بحرها يجمع درر والماس=ولا يرضى بدلها بالذهب ما هيب عاريه

[مسفر الجعيد]

يا كبدي اللي من الايام محتره=بأسباب فرقا حبيب الروح يا خالي
الصدر ضايق وقلبي ما برد حره=ما قدر اجيله وهو مشغول ما جالي

[مسفر الجعيد]

يا صاحبي هات الخبر والجوابي=هاته ويكفي عن كثيره اشاره
الوقت عذبني وهمه سرابي=بانت خفايا وقتنا بفتراره
البيت ما يحمل ملام وعتابي=يحمل رساله عاجله في مداره
سجل حضوري ثم سجل غيابي = سجل غيابي وارفعه للاداره

[مسفر الجعيد]

صحيح من لا يعرفك ما يقدرك=لو كنت راعي طايله وش يدريه

[مسفر الجعيد]

اعجبتني ابيات حملها توقيع الشاعر (( جزل القصيد )) عبدالله المرشدي يقول فيها

رفقة هل المصلحه ماكثر مخاسرها=حتى ولوكان راعيها مـن اقرابـك
النفس ماني بدرب الضيق حاشرهـا=لو كان ماكان مانـي طـارقٍ بابـك
دنياك لازم مـع الواقـع تسايرهـا=لو شفت منها عجايب تمسك اعصابك
امقرد الخلق تبغـى مـن يقاشرهـا=تبلش بها كل يـوم تشيـل مشعابـك
العمـر كلـه سويعـاتٍ نقـزرهـا=لابد يـومٍ يجـي وتـودع احبابـك
سكة حياتي على ماجـات عابرهـا=مكتوبلي ماكتب وانتـه لـك كتابـك





فكان لي شرف مجاراته بهذه الابيات




حي المعاني ويسلم راس شاعرها=النفس تطرب لها والقلب هلاااابك
النفس تطرب ليا سمعت جواهرها = الشعر يالمرشدي يزهى ويزهابك
الناس في قلوبها شرٍ محاصرها=فيها البلاء والغثاء والشر متشابك
الناس يالمرشدي تعشق مظاهرها=في وقت مجنون والاحزان تنتابك
بعض العرب فالزمن ضاقت بصايرها=ان جيتهم رحبو وان غبت تغتابك
انشوف بعض العرب رزة مناخرها=وليا نصحته من خباله تهزابك
صحبة هل الدون يامكثر خسايرها=اتلوع الكبد ما توفي لطلابك
وش غير الناس فولها وفا خرها=يا وقت ياوقت ليش الناس تشقابك
سوال حاضر مسجل في دفاترها=اجابته جات في قافٍ على آبك
يالشاعر اللي بيوته جات صاخرها=جزل القصايد هنا بالاسم ترقابك
احرص على الناس لاتجرح مشاعرها=ثلثين شعب الجزيره مات با اسبابك
طالبك خل الجنايز في مقابرها=ياجعل ربي يعافي شايبٍ جابك

[مسفر الجعيد]

يا ( حنو ) القلب فل ودوري غيري=يكفيني اللي معذبني ومشقيني
ماكل صيده يبا يطرب لها طيري=ماهو جفاء بس فيّ اللي مكفيني

[مسفر الجعيد]

بنشدك ياراع الوفاء والطيب=هات الجواب وحدده تحديد

زيدان لاعب يعشق التسحيب= وكاكا يجيد الباص والتسديد

ولاكل رميه للهدف بتصيب =وش ميزت الاصلي عن التقليد

[مسفر الجعيد]

ماش الزمان اللي نجومه تهاوت = وأحرص على عادات بيك وجدك

[مسفر الجعيد]

مشتاق لك شوق ٍ على غير يمه=مشتاق لك شوق المواريد للما
مشتاق لك شوق الصغير على امه=مشتاق لك والقلب يزداد هما

[مسفر الجعيد]

درست فالدنيا ومنها تعلمت=نجحت لاكن ما عطتني شهاده

[مسفر الجعيد]

اسمع كلامي واتصل ياحبيبي=جوالك مقفل وقلبي يناديـك

[مسفر الجعيد]

اخاف انك نويت الصد والتطنيش=وانا مقدر على صدك وتطنيشك
انا قلبي كما طير ٍ بليا ريش=الا يا قلب قل له من نتف ريشك

[مسفر الجعيد]

خلاص برحل دام نفسك ثقيله= وانسى سنين ٍ عشتها شوق وهيام
واباء اكتم اهآتي ولو مستحيله=واكتب معاناتي على طول الايام

[مسفر الجعيد]

http://up.mergab.com/uploads_pic/dd3e142411.jpg (http://up.mergab.com)


هههههههههههه

هذي تراث وباقيه للحاضر=وعيالنا ما تعرف النبيله
حط الحصاه وشدها للاخر =واللي يجي في دربها بتشيله

[مسفر الجعيد]

http://up4.m5zn.com/photos/00104/7JMYUAFUW7IG.jpg








خمسين عام وشعبنا في فلسطين=أيحارب الكفار في كل حاره
ارهب جنود ابليس فالقدس وجنين=باالله واكبر ثم رمي الحجاره

[مسفر الجعيد]

بعض العرب لاغاب عنا فقدناه=وبعض العرب لاغاب محدٍ درابه
وين انت ياللي يسعد البال طرياه=وين انت ياطير السعد والرحابه

[مسفر الجعيد]

http://www.alhayrh.com/galry/albums/userpics/%C7%D D%D1%C7%DE.jpg


/

/

/



خلاص برحل دام نفسك ثقيله= وانسى سنين ٍ عشتها شوق وهيام
واباء اكتم العبره ولو مستحيله=واكتب معاناتي على طول الايام

[مسفر الجعيد]

الحب قسمه والليالي عنيده=والناس واجد والمُعذب فوادي
ماكل واحد ماخذٍٍ ما يريده=قسمه من الرحمن رب العبادي

[مسفر الجعيد]

http://up4.m5zn.com/photos/00106/2LV1NVT7O8EI.jpg


,


,


,




القلب ماله فالهوى كيف جيتيه=انا احسب انه قاسي ٍ مايليني
لاكن تهور وبحنانـك غمرتيـه=وذابت جبال الثلج بينـك وبينـي
وش هو بقالي كان قلبي اخذتيه=ردي علي القلب ولا خذيني

[مسفر الجعيد]

,

,

,


الليله الليله نبا المعنى على راس الجمل=مادام سوق الشعر يوجد فيه باع ومشترا
فكر وحلل والمعانـي ياعميلي فالجمّـل=والراي رايك مار قلي ياعميلي وش ترا




,


,


,

[مسفر الجعيد]

,

,

,



يالوف قلبي كلما حل طاريه= ذكره يعالج للقلوب العطيبه
اليا حضر قلبي كثيره امانيه=وان غاب عني يوم حالي صعيبه
ماهمني بعض العتب والمشاريه=الشوق ما يرحم وقلبي سريبه





,

,

,

[مسفر الجعيد]

,

,

,


ياللي قريت ابيات مسفر وروحت=وراك مارديت والعلم ينصاك






,

,

,

[مسفر الجعيد]

,

,

,


اضحك وفرفش دامت ابليس مربوط =خل الجروح اللي بقلبك دفينه






,

,

,

[مسفر الجعيد]

’

’
,
,
,

http://www.almusa3ed.net/uploads/9d21d2c48e.jpg (http://www.almusa3ed.net)

,

,



يا ويل ياويل قلبي يا براء حالي=طول غيابك وانا بالحيل مشتاقه
الصدر ضايق ودمع العين همالي= يابوي مالي على بعّدك تراء طاقه


,

,

,

[مسفر الجعيد]

http://up.mergab.com/uploads_pic/6cee0f5701.jpg (http://up.mergab.com)


حسبي الله ونعم الوكيل

(( يقتل القتيل ويمشي في جنازته ))


,

,

لا تغرك الصوره عسى عمرك طويل =كم هم ضحايا بوش في بلاد العراق
قاتل ويحمل في يداه اصغر قتيل=ولوهلت العبرات فالصوره نفاق



,

,

[مسفر الجعيد]

,

,

,

,



http://www.almusa3ed.net/uploads/5d3560fa3b.jpg (http://www.almusa3ed.net)

,

,

,


ما عاد تلقى فالزمن قلب صادق=القلب واحد والولايف ثلاثيـن
راحت قلوب الناس مثل الفنادق=تستقبل الزوار لو هم ملاييـن


,


,

[مسفر الجعيد]

,

,

,


اللي زرع للحنظله ما عرفها= لو ذاقها يا صاحبي ما زرعها





,

,

,

[مسفر الجعيد]

,

,

,


قبل الرحيل وقبل سوق الركايب=يا صاحبي وشلون قلبك تخليه
قلبك من الفرقاء دموعه صبايب=قام يتوجد والزمن عاثي ٍ فيه
ما ينفعه فالوقت كثر الطبايب=وش عاد تبغي فيه وش عاد ترجيه






,

,

,

[مسفر الجعيد]

,

,

,

,




http://www.almusa3ed.net/uploads/e62aa4aba4.jpg (http://www.almusa3ed.net)




هههههههههههههه



يصيح ومنخرش عقله =يشوف أبليس قدامه



,


,

[مسفر الجعيد]

[QUOTE=مسفر الجعيد;521777]





,

,

,

,



http://www.almusa3ed.net/uploads/ca56bdd5a2.jpg (http://www.almusa3ed.net)


,


,


,

القلب ماله فالهوى كيف جيتيه=انا احسب انه قاسي ٍ مايليني
لاكن تهور وبحنانـك غمرتيـه=وذابت جبال الثلج بينـك وبينـي
وش هو بقالي كان قلبي اخذتيه=ردي علي القلب ولا خذيني



,


,

[مسفر الجعيد]

رحلة الحياه


بدينا وابتدينا والله الرزاق والمعبود=عظيم الشان رب الناس خالقها ومحصيها
هو الدائم هوالجبار والرحمن والودود=عزيز ولا يحب الظلم والضلعان مرسيها
قوي البطش سبحانه ذوي قوه واله جنود=رحيم ورحمته للخلق ناشرها ومعطيها
هو المحيي هو الشافي وهو رزاق عمي الدود=رفع سبع ٍ بلا عمدان والافلاك مجريها
تعالى الله سبحانه عليم ويعلم المقصود=حكيم ويمهل الخلقه ولو كثرت معاصيها
له الحمد وله الفضل وتعالى ربنا ذا الجود= خلق جنه ونار وجنة الرحمن نرجيها
وله تسعه وتسعين اسم للي للكتـاب يعـود=وفيه اسماء ما أعلمها ولاكن مؤمن فيها
بعدها ياسلام الله كما طلع الزهر وورود=علي اللي يسمع الابيات ويحلل معانيها
ثلاثه واربعه وثنين ياتي بعدها المولود=ويدرس ويتعلم فالسنين وفي لياليها
يعيش بوقت ما يرحم ويبذل غاية المجهود=يحاول يملك الدنيا ونفسه صار مشقيها
تولع وانقطع حيله وثر حبل الشقاء ممدود=ولو يفرح بها ساعه تجرع من مئاسيها
بعد كل المأسي قال لا زال الامل موجود=وراح يصارع الدنيا ويطمع في امانيها
يحب المال والشهره محبه ما وراها فود=كذلك حب ترفات الصبايا نار يوشيها
وحب ٍ ما يوصل للزواج ملازم المقرود=ليا منه تذكر للسنين وطيش ماضيها
أهو ما يدري ان الشوق ما يرحم شباب وعود=سوات الجمره اللي ولعت في صدر راعيها
الا يا الله يا ربي تعينه والهموم اتزود=ليا وقف وجاه الموت والاهآت يشكيها
وهذا واقع الدنيا وعادتها جفاء وصدود=الا يا حظ من يسلم ويكفى في بلاويها
وصلى الله على محمد رسول الله بليا حدود=شفيع الخلق في ساعه تبين كل خافيها

[مسفر الجعيد]

اكثر حياة الناس


اكثر حياة الناس هم ٍ على هم =والوقت يجري والمخاليق تذهب
انعيش فالدنيا ومنها انتعلم= ومن لا تعلم في زمانه تعذب
فيها الفرح ساعه وساعات ننّغم=حزن ومأسي والليالي تقلب
دنيا غريبه والروابط تحطم =حتى القرابه شرهم صار يقرب
بعض العرب من حالة الوقت مهتم=ولازم مع الايام يشقى ويتعب
وبعض العرب فالوقت صاحي ويحلم=والنار في قلبه من الهم تشتب
وبعض العرب ديّن وفالدين مغنم=والرابح اللي غايته طاعة الرب
وبعض العرب مقرود ماظن يفهم=مثل البهيمه بس ياكل ويشرب

[مسفر الجعيد]

وش هو بقالي كان قلبي اخذتيه


القلب ماله فالهوى كيف جيتيه=انا احسب انه قاسي ٍ مايليني
لاكن تهور وبحنانك غمرتيه=وذابت جبال الثلج بينك وبيني
صنتك عن المنقود والحب صنتيه=على الوفاء والطيب يا نور عيني
وش غيّرك بالله والعهد خنتيه = وين الوفاء يا مهجتي يا ضنيني
صحيح قلبي حر في ايديك صدتيه =خفي علاه شوي لا تذبحيني
وش هو بقالي كان قلبي اخذتيه=ردي علي القلب ولا خذيني
ون كان ما جازلك هرج ٍ سمعتيه=وش حاجتي في قلب ماحس فيني

[مسفر الجعيد]

دنيا تُحير ولا فيها غريب


الشمس تبدي على الكون وتغيب=بأمر الولي تبتدي مشوارها
والشعر فكره ومعناها رهيب=والطيبه حظ من يختارها
المشكله كايده والذيب ذيب=يفهم تفاصيلها واسرارها
دنيا تُحير ولا فيها غريب =والناس ماتستوي ففكارها
من قدم الطيب يلقى كل طيب=ولكل لحيه لها مقدارها
الشر تال الزمن فيّد القريب=والوافيه ما بنا فــجدارها
والجرح مبطي وعيا لا يطيب=والناس سمعت جميع اخبارها
واللي نوى يشبها قلبه عطيب=ولولا العقل كان شبت نارها
الله ستر وانحرق وجه الغضيب=وحق الجنازه على قبارها
تصيب ولا عساها ماتصيب=واهل الردى ما استمع في شارها
واللي يدور مشاكل ما يخيب=بكره تجي له تسوق حمارها

[مسفر الجعيد]

تخيلو بنت مزيونه وسياره


تخيلو بنت مزيونه وسياره =بنشر علاه الكفر وسبير مفريه
في خط نجران ولا من وراء ستاره=وارسال مافيه والجوال ما زيه
في يوم ٍ اقشر وجوه قايم اغباره=تشر على الخط ولا اتهل عبريه
ان اشرت روحت وابليس بشواره =ايزين افكار والافكار وحشيه
وليا بكت وانتهت بتكون محتاره =من يوُصل العلم ويجيها بدوريه
من قسم الانقاذ والاعصاب منهاره=واتجي لها الثانيه باللبس شرطيه
اتسوق نجده وفالخليان فراره=ودوامها زفت فالروحات والجيه
وابليس يبراء لها ويدق مزمـاره=الاسـره امشتتـه والنـاس مبليـه
البيت كله مشاكل شاعت اسراره=والاب مشغول والماما اندنوسيه
هذي بدايه وراسي زادت افكاره=واهل الفتن نارهم في وقتنا حيه
ساس البلاء راعي التحرير وانصاره = للبنت سوو قضيه فالسعوديه
افكار واحد مهبلا بان مصداره =وشلة مهبل تقول افكار عصريه
اعقول مستأجره وازوال غراره=واهدافهم واضحه ماهيب مخفيه
يبغونها تنبلش وتلاعب الطاره=وتقضيي مشاويرها وتعيش حريه
واتصير وسط الشوارع كنها الشاره= وتمر مزنه ومريم كل عصريه
وتطلع على كيفها وتلف فالحاره= وتكشف عن الزين والعادات ملغيه
لكن يخسون والايام دواره=والدين ما يندثر حكمه الآهيه
وبلادنا عز للاسلام وانواره=والله يسلط على حزب الشيوعيه

[مسفر الجعيد]

,

,

,

,


يا هيه ياللي في هروجك تغنج=عذبت خلق الله وفيك انعواجه
كثر الدلع صاب العرب بالتشنج=استح على وجهك وكب السماجه






,

,

,

[مسفر الجعيد]

,

,

http://www.almusa3ed.net/uploads/f683abeabe.jpg (http://www.almusa3ed.net)



هههههههههههههههههه

,

,


لاوالله الا ضاع عمرك وانا اخوك= في حب وحده ما درت عن هواكا
من شا نها تاطى على الجمر والشوك= تعشق لها والعشق يقضي علاكا






,

,

,

[مسفر الجعيد]

,

,

,

,


مال الرفيق الا رفيقه ليا صار=وحده من الثنتين ينخى رفيقه
والازم الغصاب مافيه معذار=لا كبرت الدعوى وشبت حقيقه
وانا اعرف ان الوقت يكشف للاسرار=وكلا ً مع الايام يعرف صديقه






,

,

,

[مسفر الجعيد]

,,, شطحة فكر ,,,


البارحه جتني على غير ميعاد=جتني وانا نايم هنوف ازعجتني
قلت اقلطي يابنت دله وبراد=ولا العلوم الثانيه ما اشحنتني
قالت يابو سلطان ما منك نشاد=ماشتقت الي بعد السنين ابعدتني
مرت ثلاث اسنين والشوق يزداد=والهم يكبر والليالي طوتني
لا تقدر الصحبه ولا الملح والزاد=وحروف شعرك وشبها ما دعتني
وقفت وكبتني على بعد وابعاد=وقفت ركايبها ولا علمتني
والله ما اعرفها ولا بيننا اوعاد=لاكنها طلعت كذا واشغلتني
وفزيت من نومي وابا اسيل الاجواد=عن سالفة بنت ٍ مع الليل جتني

[مسفر الجعيد]

يابنت ضميني سوات المحبين=وانا بضمك والحنان انحرمته
يمكن حنانك ينعش القلب للسنين=والقا على ماقيل شيٍٍ فقدته
لاتحرميني شي فالعسر واللين=واكون لك شاكر وعمري رهنته
بدونك حياتي مالها أي تثمين=زيرو على كل القيم لو حسبته
اخاف من برد الجفاء و قيضه الشين=واخاف من حبك ليا من وجدته
اخاف تتغير جميع القوانين=ويضيع عمري وخالقي ماعبدته
واصير بين الناس تايه ومسكين=لا دين لا دنيا وقبري حفرته
ويوم اتغزل ماذكرت المزايين=قلبي عن الخثرات يابنت صنته
شي ٍ طراء بالبال والناس لاهين=ومعناي في بيت القصيده دفنته
وصورة ملك تشهد لها بين قوسين=رمز الملك لو الملك ماوصلته

[مسفر الجعيد]

,


,


,





والله لو عندي رصيد وملاييـن=لتشوف كل الناس تطلب رضايه
ناسٍ تقدم لـي بنـاتٍ مزاييـن=وناسٍ تقـدم للكرامـه نهايـه




,


,


,

[مسفر الجعيد]

,

,

,

بنات اخر زمن

,

,

,



أمس العصرشفت العجب في ساعه=من وحده تبحث عن الحريه
طشت عباية سترها وقناعه=وسارت تمخّطر والقيم ملغيه
صارت مع الشيطان خوش بضاعه=لادين يمنعها ولاجنسيه
وعيون خلق الله لها تباعه=وهي تمشّى كنها الجنيه
كلن يناظرها وفيها طماعه=وبعض العرب من شوفها مغشيه
ناظرتها والقلب وسطه راعه=فتنه ومنكر نعنبوها بنيه
الصدر فاتحته على مصراعه=والجنز فا صلته عن السدريه
والروج غطاء الشفه اللماعه=وخدودها يا نكبتي ورديه
والشعر الاشقرللحلا توباعه=وفيها الدلع زايد عن الحنيه
بنت ٍ غبيه وقتها في ضاعه=ولاني مصدق أصلها سعّوّديه
لن السعوديه تحب الطاعه=والدين ميزها عن العبريه
الها حقوق ٍ ثابته وداعه=وفحجابها كالجوهره مخفيه
وعبرت والتعبير لف أشراعه=وأقول يا الله تشفي المبليه



,

,

,