الرجاء الافادة عن شاعر هذه القصيدة

[سعد القحطاني]

الاخوان الافاضل في سمان الهرج انا حافظ القصيدة التالية من زمان ولكن لااعرف من هو شاعرها ولا ادري لو كان عندي غلط في هذه القصيدة مع اني اتوقع انها لاحد شعار ال عاصم بالهياثم اتمنى ممن لديه علم من هذه القصيدة ان يفيدني من هو شاعرها شاكر لكم



انا نفسي بياض الصبح منها =على درب الوفاء يمشي ضعنها
رقيت ابها على روس المعالي =مكان العز تفتنه وفتنها
رفيقي كل مادس الخطايا=على دربي ولا جود رسنها
اغض الطرف عنها وآتغاضى = تموت وكف نسياني دفنها
الا وين الرفيق اللي يقدر = يخلي الميته بأوسط كفنها
هذاك بعيد ودياره بعيده= ياسعد اللي دياره قد سكنها
رفيق رفقته ماهي تغير = كما الدانه ربح من هو خزنها
انا لو بالتمني كان ودي =اروح لبرها واترك وطنها
ادوج في الفياض اللي هواها= يفك النفس عن هم زبنها
واصيد الصيد لامنه بدالي = واعطف ناقتي واشرب لبنها
ألذ من البلد لوان ذهبها =على جدرانها سر وعلنها


تقبلو تحياتي

[ابراهيم بن مريع]

جاري البحث يابو محمد

[ابراهيم بن مريع]

أبو محمد القصيدة للشاعر سعد بن ناصر الهماش العاصمي القحطاني


بحاول استرسل في بحثي للتأكد فقط



سلمت ودمت والقصيدة لقيتها فيها أبيات زائدة بإذن الله ألحقها بهذه القصيدة عما قريب



أخوك ومغليك

[ابراهيم بن مريع]

أنا نفسي بياض الصبح منها=على درب الوفا يمشي ضعنها
عليـها لو رمى جساس رمحه=يعـوّد فيه رمحه ماطعنها
رقـيت بها على راس المعالي=مكان العــز تفتنه وفتنها
أبـيها من كلام اللـــوم تسلم=تعيش بعزها باقي زمنها
على الصــحبة احاول دوم جاهد=أكون بعيد ماأدنس بدنها
رفيقي كـل مـادس الخطايـا=على دربي ولا جـود رسنهـا
اغض الطرف عنها وآتغاضى=تموت وكف نسيانـي دفنهـا
ألا وين الرفـــيق اللي يقدّر=يخلي الميته بأوسط كفنها
رفيـــقٍ رفقته ماهي تغير=كما الدانه ربح منهو خزنها
هذاك بعـــيد وديـاره بعيده=ياسعد اللي دياره قد سكنها
أنا لو بالتمــــني كان ودي=أروح لبرها وأترك وطنها
لــحالي في خلاي وراس مالي=فريدة نوقها غاليٍ ثمنها
أدوّج بالفياض اللي هواها=يفك النفس من هـــمٍ زبنها
وأصيد الصيد لامــنه بدالي=وأعطّف ناقتي وأشرب لبنها
لحم صيد الخلا مع در ناقه=بعيدٍ عن حسين وعن حسنها
وأعبدك في خلايه يارقيبي=رقيـبٍ راقب الشــام ويمنها
ألذ من الـــبلد لو إن ذهبها=على جدرانها سر وعلنها

سعد بن ناصر الهماّش القحطاني

[سعد القحطاني]

سلمت يابو مريع وبيض الله وجهك

والله من زمان وانا ابي اعرف من شاعرها

وصح لسانك وصح لسان شاعرها


تحياتي

[خالد الحارثي]

اخوي سعد الله يجزاك خير على هذا الطلب

سلمت يابو مريع على هذا الجهد واتحافنابنقل هذا الجمال

اخوكم

[محمد بن جفين]

بارك الله فيك اخوي سعد


والله يبيض وجهك يابو مريع عى جهدك




تحياتي

[ابراهيم بن مريع]

أبو محمد وأبو سلطان وأبو جفين



قايل مايهون ولاخلا ولا عدم من النشاما شرواكم




أخوكم ومغليكم

[مشعل الربيعي]

ارررررحب

ياسعد


صح السااان الشاعر سعد الهماش


ولاهنت على نقل هذه القصيدة

[سعد القحطاني]

مشعل مرحب يبقى


شاكر مرورك ياذيبان