ابراهيم بن مريع
01-03-2006, 06:38 AM
المكان :قاعة درة اليرموك شمال مدينة الرياض
التاريخ :يوم الأربعاء الموافق 9 / 1 / 1427
الحـــدث :الأستاذ خليل بن هدلان يقيم حفلاً بمناسبة صدور كتاب ديوان الشيخ الفارس شالح بن هدلان .
http://www.qahtan1.com/vb/uploaded/333.jpg
احتفى الشاعر خليل بن هدلان بعدد من المشايخ والأقارب والزملاء والشعراء والصحفيين بمناسبة صدور ديوان الشيخ الفارس شالح بن هدلان
وقد بدأ صاحب الحفل برامج الحفل بكلمةٍ رحّب فيها بالحضور ثم تلاها بقصيدة أعجبت الحضور يقول الشاعر خليل بن هدلان :
http://www.freewebtown.com/smanalhrj/123.jpg
هلا مرحبا ترحيب بالمسك والريحان=هلا مرحبا وازكى التراحيب نبديها
هلا مرحبا واهلين حيالله الضيفان=ضيوف عزاز ويالله انك تحييها
رجال الوفا والجود من ماضي الازمان= هل الجود والناموس تعرف عزاويها
رجال لهم عندي وعند العوارف شان=وكل يقول النعم لا حل طاريها
شرف واتشرف والشرف جية الظفران=فهلا مرحبا مليون مره ونثنيها
تراحيب مني بالنيابه عن الشيبان=زحول الرجال اللي عريبه مجانيها
سلايل رفيع المجد شالح بن هدلان=عقيد السرايا فارس القوم حاميها
في ظله تفلي الذود وتهابه العدوان= لو الخيل قرح والدبش في مفاليها
وعياله ايسود الهوش لا ثوّر الدخان= تضد الحريب وتحتمي دون تاليها
جمعت القصص والشعر في محتوى الديوان= وألفتها من شان تسهل لقاريها
مواقف بطولية ، تواريخ للشجعان= دروس الشجاعه والوفاء والكرم فيها
ولا لــي فخر فالجهد والفخر فالعنوان= وواجب هل الامجاد تفخر بماضيها
ثم قام الأستاذ عبدالله بن عبد الرحمن المنيع العاصمي القحطاني
- محافظ محافظة عفيف سابقاً -
إلى منصة الحفل وألقى كلمةً عبّر فيها عن شكره على دعوته وفرحه
بالمشاركة في حفلة آل هدلان
ثم أردفها بقصيدة طويلة كتبها بمناسبة هذا الحفل يقول الإستاذ عبدالله المنيع :
من الزلفي لكم جينا ويدفعنا الوفا واشعور=شعور بالمحبه الصادقه منا لا اهالينا
نلبي دعوة جتنا من اللي بالوفا مذكور= خليل الخنفري نجم يضوي في نوادينا
ابن عمي دعاني للحفل واللي دعا مشكور= لهذا ويش عذري كان ما وجبت داعينا
لزوم اوجب الداعي ولو جت في الطريق ابحور= وما دام الطريق معبد لا شي يثنينا
فروع تلتقي في جحدر لو باعدتنا الدور= شمال المملكة والا جنوبه حن قحاطينا
قحاطين لنا افعال تذكر في قديم اعصور= ومن فضل الله الحاضر جميل مثل ماضينا
ولا نفخر بفعلٍ وان تقصي قيل هذا زور= ولكن نفتخر بافعال حق صنع ايادينا
تبي شاهد خذ الانصار خطوا بالزمان اسطور= مع الهادي لهم فعل بفضل الله حمى الدينا
وابن خلدون مع حاتم وابو الطيب وذا دكتور= نعم دكتور في الشعر الفصيح ياللي تمارينا
ولا تنسى فتى قحطان شاعرها طويل شبور= نظم نونية غطت اصول الدين تضمينا
وابن حلاف له عند الظفير الموقف المخبور= تحدر من ضنا عاصم وعنه لناس دارينا
ومر ان شئت بمحمد وشالح والجميع ابدور= مع قنيفذ وشيخ العاصم الغر الميامينا=
محدثكم صنع له مجد بالخارج وهو مسرور=بسطوة قلب سطر موقف يرضي المحبينا
منحني خادم البيتين وسام القائد المشهور= وترقية ومعها مبلغ بالحيل يرضينا
تبناها الشهم سلمان ونايف بدد الديجور= وجت لي من فضل ربي وثم فضل الكريمينا
وخليل اظهر لنا الديوان لعله بالعمر ماجور= واكيد الناس مثلي عن فعول الشيخ راضينا
لانه ابرز افعال لجده شالح المنعور=وذيب الفارس النادر كعام للمعادينا
لنا في كل فن باع ومع دورات الزمان اندور= لنا في كل فتراته رجالات تعزوينا
نماذج بس نذكرها لمن هم يجهلونالدور= والارجالنا وافعالهم تثري الدواوينا
ولا نبخس حقوق الناس لان كل حصل له طور= ولكن نذكر الواقع ولا احدٍبه يخطينا
وفي هذا لزمن عشنا بأمن واراف موفور= تكاتفنا مع القاده فشنا احلى ليالينا
بلاد تعتبر شرع الله العادل لها دستور= وغير ابلادنا تحكم بوضعي القوانينا
فنسأل ربنا القادر يجنبنا الفتن واشرور= ويوحد كلمة الشعب السعودي قولوا آمينا
تحت راية حماة الدار ومن كاد الوطن مثبور= من الداخل من الخارد آله الكون يحمينا
وصلاة الله على الهادي ومن سب النبي مبتور= ومن حب النبي يبشر بجنات وبساتينا
ثم تشرفت بإلقاء قصيدة كتبتها بمناسبة هذا الحفل .
أقول :
في مجلس أهل الطيب وافين الأشبار= جينا هل الطاله سلام وزياره
دعوة خوي الطيب ما تقبل أعذار=وأنا مكانه ما قبلت اعتذاره
خليل بن هدلان محمود الأذكار=اللي خذا العليا بطيب وجداره
سلام ياترثة هل المجد والكار= يا معربين الساس طيب ونعاره
الجد شالح محتميها بالأخطار= وقت الجهل ما حدن يهوز لدياره
لا باروا العربان مابار ابو ذعار= ويمناه من فعل الردية مجاره
حر خذا من قمة المجد ميكار= وصيته شهر في البادية والحضاره
والحر خلف له صواريم واحرار= تغير غاره واتنطح لغاره
يا ما كسروا العدوان تكرار وامرار= واسقوا عدو الجد كاس المراره
عيال ابن دراج حماية الجار=الخنفري مكرم ضيوفه وجاره
حبيت اشاركم تعابير واشعار= وكل على ما قيل حسب اقتداره
وألا غلاكم ماله حدود وأسوار=يعني كذا خذها بصريح العباره
لو إن لأهل الطيب فوز وتصدّار= والله العظيم إن تاخذون الصداره
ثم قام الشاعر فيحان بن فالح الخنفري وألقى قصيدةً بمناسبة الحفل
والتي نالت على استحسان الجميع
يقول الشاعر فيحان في قصيدته :
بديت باسم مكون الكون تكوين=اللي بسط الارض ورفع في سماها
رب العباد اللي خلقها من الطين= اللي يجازي كل نفس بجزاها
ياهاجسي عبر عن الشعر ذا الحين= وانظم بيوت عالي مستواها
خلك على سلم العرب والقوانين=وخل السوالف ماشيه في سراها
الله يعز المملكة قولوا آمين= في ظل حكامٍ يذري ذراها
حكامنا اللي ينطحون المعادين= لا ثارت الهيجا ونسنس هواها
آل السعود اللي تخدم الحرمين=بجهودهم كل العرب في قراها
ماشين بالقانون والحق ماشين=الله يعز المملكة ويحماها
في ظل أبو متعب صعوط المجانين=اللي طويلات المعالي رقاها
من بعد ذا بنصى الرجال المسمين=اللي على الطاله أطوالٍ خطاها
جتنا عزيمتهم وجينا ملبين=العزوه اللي جيتها من غلاها
من يوم جتنا دعوةٍ للهدالين=يلزم علينا أنّا نلبي نداها
العزوة اللي فالمواقف سلاطين=وبين القبايل عالي مستواها
من نسل عود ماضيه له براهين=شالح مواقيف البطوله خذاها
ومن ربع ذيب اللي يخوض الميادين=اللي فعوله تعجب اللي قراها
تاريخهم يشهد لهم فالدواوين=والراويه يفخر بها لا رواها
بفعولهم تفخر جميع القحاطين=ومن تعب لدروب المراجل لقاها
حمولة بين القبايل عزيزين=كلمة شرف واقولها واحماها
هم ربعنا لا عود العلم علمين=لا شانت الدنيا ودور رحاها
وهم ربعنا في موقف العسر واللين=وعز الشوارب دايما من لحاها
وما دام ابو سلطان فالموقف يبين=ما همنا طيب العرب من رداها
خليل طيبه راجح بالموازين=والطيبه فالوقت يتعب علاها
يالله عسى عمره على الطاله سنين=والله يكافيه الليال وبلاها
واشكرك يابوذيب حين بعد حين=يا نافدا اللي عزوته ما نساها
صدور ديوانك يعز القحاطين=مافيه كلمة طيبه ما احتواها
وحنا نفاخر والفخر للسفارين= وأصل القبايل تفتخر فموراها
شيوخنا اللي فالمواقف حكيمين=فالموقف الطيب بعيد مداها
آلاد قريان هل المذهب الزين=اللي تعز اضيوفها واقصراها
يوم الغزاوي ينطحون المغيرين= يا قرد حظ اللي برمحه غزاها
لا قيل أبن دراج فالموقف الشين= شفت العرب تقفي وتزحف وراها
خنافر يوم اللقا تنزح الدين=وياسعد منهو فالمواقف نخاها
راسين لاجات المواجيب راسين=والعله الصعبه نحصل دواها
وباقي القبايل كلبوهم ونعمين=ما اذمهم والناس تعرف وفاها
فينا شجيعين وفيهم شجيعين=ومن مد نص الكف ياخذ ملاها
وحنا تحت حكم الملوك محكومين= وكلٍ يثبت خطوته لا مشاها
وعسى مزون برقها يعجب العين= تمطر على نجد العذيه بماها
تمطر على أجليه العشار وعلى الرين=وتربع الديره وينبت رعاها
ديرة رجالٍ كلبوهم عريبين= أتزبن الخايف لامنه نصاها
وختامها مني سلام الميامين=عد الهبوب اللي يذعذع شذاها
وصلوا على اللي بيّن الحق تبيين=فأول قصيدتنا وفي منتهاها
ثم قام الشاعر سعيد الحمالي وألقى كلمة ً وقصيدة ً
سبق وأن نُشرت في ديوان الشيخ شالح بن هدلان
حازت على إعجاب الجميع
يقول الشاعر سعيد في بعض قصيدته :
أنهل من الذكرى وعذب المشاريب=مناهـل التاريـخ ماهيـب تنضـب
وأذكر بني عمي حـرار المراقيـب=اللـي تعلّـوا كـل عالـي ومرقـب
وإن قيل:من قلت: القروم المعاطيـب=آلاد "بـن دراج" فـعـلٍ ومنـسـب
كعام المعـادي فزعـةٍ للأصاحيـب=جنٍ ليا ركبوا على الضمّـر القـب
وليـا ذكـرت مكمّليـن المواجيـب=يطري علي شالـح وذكـراه تاجـب
ثم قام الشاعر حامد الجذع وألقى قصيدة بمناسبة الحفل نالت على قبول الجمهور ورضاهم
يقول الشاعر حامد في قصيدته :
ياكاتب التاريخ لله درك =عزالله انك يا ابيض الوجه وفيت
اصدرت ديوان فريد يسرك=تاريخ شيخ له مع المجتمع صيت
تاريخ جدك شالح وانت برك=املا عليك وفيه يالقرم بريت
وفعل الفديع وذيب حاشاماغرك=اورد ت تاريخ القروم وتقصيت
فرسان قحطان وخبرهم يمرك=ياللي لعطرين السوالف توحيت
ويا نجد في ماضيك خيرك وشرك=تشهد لصولات الشيوخ النعاتيت
يوم الخنافر بالسراياتطرك=ويصبحون القوم مثل العفاريت
مشكور يا خليل ولله درك=وانااشهدانك يا احمرالعين كفيت
تقديرك الزمنانجي في مقرك=ولولا غلاكم ياآل هدلان ماجيت
ثم ألقى الشاعر عبدالله بن عبد الهادي القعيمة قصيدة في النصح والإرشاد
أعجبت الحضور وحازت على رضاهم .
وبعده قام الشاعر سلطان بن سعيدان وألقى قصيدةً في النصح والإرشاد
أعجبت الحضور وصفقوا لها كثيراً .
ثم ألقى الشاعر محمد بن شديد العاطفي قصيدة في آل هدلان وذكر بعض أمجادهم وقد أعجبت الجميع وحازت على القبول والرضاء .
ثم قام الشاعر عوض بن شفلوت المنادية وألقى قصيدته المشهورة ( قحطان العريبة )
والتي حازت على رضاء الجميع وصفق لها الجمهور كثيراً .
ثم ألقى الشاعر عبد الهادي بن حمد العاطي قصيدةً في آل هدلان
نالت على استحسان الجميع .
ثم أقام صاحب الحفل الضيوف لوليمة العشاء
وبعد العشاء بدأت مشاركات الشعراء من جديد حيث كان برنامج الحفل بعد العشاء كالتالي :
كلمة وقصيدة للشاعر مشعل الجبوري محرر صفحة مدارات شعبية
قصيدة وطنية للشاعر شجاع بن نايف بن سعيدان
قصيدة وطنية للشاعر ناصر بن بدر بن لبدة
قصيدة في أعلام قحطان للشاعر حامد بن غانم الجذع
قصيدة للشاعر سعد الوهابي
قصيدة ( أحب الدين لو ماني مطوع ) للشاعر سعيد الحمالي
قصيدة اجتماعية للشاعر سلطان بن سعيدان
قصيدة اجتماعية للشاعر عبدالله بن عبد الهادي القعيمة
قصيدة اجتماعية للشاعر محمد بن شديد
قصيدة في الدنمرك للشاعر سعيد بن ناصر الحمالي
قصيدة في الربيع للشاعر ناصر بن بدر بن لبدة
وكلمة حق يجب أن تقال كانت تلك الليلة ليلة شعرٍ في غاية الإبداع
لما كان من حسن التنظيم , وصفاء الصوت , وحسن استماع الحضور , وتفاعلهم الكبير مع جميع القصائد التي قيلت .
التاريخ :يوم الأربعاء الموافق 9 / 1 / 1427
الحـــدث :الأستاذ خليل بن هدلان يقيم حفلاً بمناسبة صدور كتاب ديوان الشيخ الفارس شالح بن هدلان .
http://www.qahtan1.com/vb/uploaded/333.jpg
احتفى الشاعر خليل بن هدلان بعدد من المشايخ والأقارب والزملاء والشعراء والصحفيين بمناسبة صدور ديوان الشيخ الفارس شالح بن هدلان
وقد بدأ صاحب الحفل برامج الحفل بكلمةٍ رحّب فيها بالحضور ثم تلاها بقصيدة أعجبت الحضور يقول الشاعر خليل بن هدلان :
http://www.freewebtown.com/smanalhrj/123.jpg
هلا مرحبا ترحيب بالمسك والريحان=هلا مرحبا وازكى التراحيب نبديها
هلا مرحبا واهلين حيالله الضيفان=ضيوف عزاز ويالله انك تحييها
رجال الوفا والجود من ماضي الازمان= هل الجود والناموس تعرف عزاويها
رجال لهم عندي وعند العوارف شان=وكل يقول النعم لا حل طاريها
شرف واتشرف والشرف جية الظفران=فهلا مرحبا مليون مره ونثنيها
تراحيب مني بالنيابه عن الشيبان=زحول الرجال اللي عريبه مجانيها
سلايل رفيع المجد شالح بن هدلان=عقيد السرايا فارس القوم حاميها
في ظله تفلي الذود وتهابه العدوان= لو الخيل قرح والدبش في مفاليها
وعياله ايسود الهوش لا ثوّر الدخان= تضد الحريب وتحتمي دون تاليها
جمعت القصص والشعر في محتوى الديوان= وألفتها من شان تسهل لقاريها
مواقف بطولية ، تواريخ للشجعان= دروس الشجاعه والوفاء والكرم فيها
ولا لــي فخر فالجهد والفخر فالعنوان= وواجب هل الامجاد تفخر بماضيها
ثم قام الأستاذ عبدالله بن عبد الرحمن المنيع العاصمي القحطاني
- محافظ محافظة عفيف سابقاً -
إلى منصة الحفل وألقى كلمةً عبّر فيها عن شكره على دعوته وفرحه
بالمشاركة في حفلة آل هدلان
ثم أردفها بقصيدة طويلة كتبها بمناسبة هذا الحفل يقول الإستاذ عبدالله المنيع :
من الزلفي لكم جينا ويدفعنا الوفا واشعور=شعور بالمحبه الصادقه منا لا اهالينا
نلبي دعوة جتنا من اللي بالوفا مذكور= خليل الخنفري نجم يضوي في نوادينا
ابن عمي دعاني للحفل واللي دعا مشكور= لهذا ويش عذري كان ما وجبت داعينا
لزوم اوجب الداعي ولو جت في الطريق ابحور= وما دام الطريق معبد لا شي يثنينا
فروع تلتقي في جحدر لو باعدتنا الدور= شمال المملكة والا جنوبه حن قحاطينا
قحاطين لنا افعال تذكر في قديم اعصور= ومن فضل الله الحاضر جميل مثل ماضينا
ولا نفخر بفعلٍ وان تقصي قيل هذا زور= ولكن نفتخر بافعال حق صنع ايادينا
تبي شاهد خذ الانصار خطوا بالزمان اسطور= مع الهادي لهم فعل بفضل الله حمى الدينا
وابن خلدون مع حاتم وابو الطيب وذا دكتور= نعم دكتور في الشعر الفصيح ياللي تمارينا
ولا تنسى فتى قحطان شاعرها طويل شبور= نظم نونية غطت اصول الدين تضمينا
وابن حلاف له عند الظفير الموقف المخبور= تحدر من ضنا عاصم وعنه لناس دارينا
ومر ان شئت بمحمد وشالح والجميع ابدور= مع قنيفذ وشيخ العاصم الغر الميامينا=
محدثكم صنع له مجد بالخارج وهو مسرور=بسطوة قلب سطر موقف يرضي المحبينا
منحني خادم البيتين وسام القائد المشهور= وترقية ومعها مبلغ بالحيل يرضينا
تبناها الشهم سلمان ونايف بدد الديجور= وجت لي من فضل ربي وثم فضل الكريمينا
وخليل اظهر لنا الديوان لعله بالعمر ماجور= واكيد الناس مثلي عن فعول الشيخ راضينا
لانه ابرز افعال لجده شالح المنعور=وذيب الفارس النادر كعام للمعادينا
لنا في كل فن باع ومع دورات الزمان اندور= لنا في كل فتراته رجالات تعزوينا
نماذج بس نذكرها لمن هم يجهلونالدور= والارجالنا وافعالهم تثري الدواوينا
ولا نبخس حقوق الناس لان كل حصل له طور= ولكن نذكر الواقع ولا احدٍبه يخطينا
وفي هذا لزمن عشنا بأمن واراف موفور= تكاتفنا مع القاده فشنا احلى ليالينا
بلاد تعتبر شرع الله العادل لها دستور= وغير ابلادنا تحكم بوضعي القوانينا
فنسأل ربنا القادر يجنبنا الفتن واشرور= ويوحد كلمة الشعب السعودي قولوا آمينا
تحت راية حماة الدار ومن كاد الوطن مثبور= من الداخل من الخارد آله الكون يحمينا
وصلاة الله على الهادي ومن سب النبي مبتور= ومن حب النبي يبشر بجنات وبساتينا
ثم تشرفت بإلقاء قصيدة كتبتها بمناسبة هذا الحفل .
أقول :
في مجلس أهل الطيب وافين الأشبار= جينا هل الطاله سلام وزياره
دعوة خوي الطيب ما تقبل أعذار=وأنا مكانه ما قبلت اعتذاره
خليل بن هدلان محمود الأذكار=اللي خذا العليا بطيب وجداره
سلام ياترثة هل المجد والكار= يا معربين الساس طيب ونعاره
الجد شالح محتميها بالأخطار= وقت الجهل ما حدن يهوز لدياره
لا باروا العربان مابار ابو ذعار= ويمناه من فعل الردية مجاره
حر خذا من قمة المجد ميكار= وصيته شهر في البادية والحضاره
والحر خلف له صواريم واحرار= تغير غاره واتنطح لغاره
يا ما كسروا العدوان تكرار وامرار= واسقوا عدو الجد كاس المراره
عيال ابن دراج حماية الجار=الخنفري مكرم ضيوفه وجاره
حبيت اشاركم تعابير واشعار= وكل على ما قيل حسب اقتداره
وألا غلاكم ماله حدود وأسوار=يعني كذا خذها بصريح العباره
لو إن لأهل الطيب فوز وتصدّار= والله العظيم إن تاخذون الصداره
ثم قام الشاعر فيحان بن فالح الخنفري وألقى قصيدةً بمناسبة الحفل
والتي نالت على استحسان الجميع
يقول الشاعر فيحان في قصيدته :
بديت باسم مكون الكون تكوين=اللي بسط الارض ورفع في سماها
رب العباد اللي خلقها من الطين= اللي يجازي كل نفس بجزاها
ياهاجسي عبر عن الشعر ذا الحين= وانظم بيوت عالي مستواها
خلك على سلم العرب والقوانين=وخل السوالف ماشيه في سراها
الله يعز المملكة قولوا آمين= في ظل حكامٍ يذري ذراها
حكامنا اللي ينطحون المعادين= لا ثارت الهيجا ونسنس هواها
آل السعود اللي تخدم الحرمين=بجهودهم كل العرب في قراها
ماشين بالقانون والحق ماشين=الله يعز المملكة ويحماها
في ظل أبو متعب صعوط المجانين=اللي طويلات المعالي رقاها
من بعد ذا بنصى الرجال المسمين=اللي على الطاله أطوالٍ خطاها
جتنا عزيمتهم وجينا ملبين=العزوه اللي جيتها من غلاها
من يوم جتنا دعوةٍ للهدالين=يلزم علينا أنّا نلبي نداها
العزوة اللي فالمواقف سلاطين=وبين القبايل عالي مستواها
من نسل عود ماضيه له براهين=شالح مواقيف البطوله خذاها
ومن ربع ذيب اللي يخوض الميادين=اللي فعوله تعجب اللي قراها
تاريخهم يشهد لهم فالدواوين=والراويه يفخر بها لا رواها
بفعولهم تفخر جميع القحاطين=ومن تعب لدروب المراجل لقاها
حمولة بين القبايل عزيزين=كلمة شرف واقولها واحماها
هم ربعنا لا عود العلم علمين=لا شانت الدنيا ودور رحاها
وهم ربعنا في موقف العسر واللين=وعز الشوارب دايما من لحاها
وما دام ابو سلطان فالموقف يبين=ما همنا طيب العرب من رداها
خليل طيبه راجح بالموازين=والطيبه فالوقت يتعب علاها
يالله عسى عمره على الطاله سنين=والله يكافيه الليال وبلاها
واشكرك يابوذيب حين بعد حين=يا نافدا اللي عزوته ما نساها
صدور ديوانك يعز القحاطين=مافيه كلمة طيبه ما احتواها
وحنا نفاخر والفخر للسفارين= وأصل القبايل تفتخر فموراها
شيوخنا اللي فالمواقف حكيمين=فالموقف الطيب بعيد مداها
آلاد قريان هل المذهب الزين=اللي تعز اضيوفها واقصراها
يوم الغزاوي ينطحون المغيرين= يا قرد حظ اللي برمحه غزاها
لا قيل أبن دراج فالموقف الشين= شفت العرب تقفي وتزحف وراها
خنافر يوم اللقا تنزح الدين=وياسعد منهو فالمواقف نخاها
راسين لاجات المواجيب راسين=والعله الصعبه نحصل دواها
وباقي القبايل كلبوهم ونعمين=ما اذمهم والناس تعرف وفاها
فينا شجيعين وفيهم شجيعين=ومن مد نص الكف ياخذ ملاها
وحنا تحت حكم الملوك محكومين= وكلٍ يثبت خطوته لا مشاها
وعسى مزون برقها يعجب العين= تمطر على نجد العذيه بماها
تمطر على أجليه العشار وعلى الرين=وتربع الديره وينبت رعاها
ديرة رجالٍ كلبوهم عريبين= أتزبن الخايف لامنه نصاها
وختامها مني سلام الميامين=عد الهبوب اللي يذعذع شذاها
وصلوا على اللي بيّن الحق تبيين=فأول قصيدتنا وفي منتهاها
ثم قام الشاعر سعيد الحمالي وألقى كلمة ً وقصيدة ً
سبق وأن نُشرت في ديوان الشيخ شالح بن هدلان
حازت على إعجاب الجميع
يقول الشاعر سعيد في بعض قصيدته :
أنهل من الذكرى وعذب المشاريب=مناهـل التاريـخ ماهيـب تنضـب
وأذكر بني عمي حـرار المراقيـب=اللـي تعلّـوا كـل عالـي ومرقـب
وإن قيل:من قلت: القروم المعاطيـب=آلاد "بـن دراج" فـعـلٍ ومنـسـب
كعام المعـادي فزعـةٍ للأصاحيـب=جنٍ ليا ركبوا على الضمّـر القـب
وليـا ذكـرت مكمّليـن المواجيـب=يطري علي شالـح وذكـراه تاجـب
ثم قام الشاعر حامد الجذع وألقى قصيدة بمناسبة الحفل نالت على قبول الجمهور ورضاهم
يقول الشاعر حامد في قصيدته :
ياكاتب التاريخ لله درك =عزالله انك يا ابيض الوجه وفيت
اصدرت ديوان فريد يسرك=تاريخ شيخ له مع المجتمع صيت
تاريخ جدك شالح وانت برك=املا عليك وفيه يالقرم بريت
وفعل الفديع وذيب حاشاماغرك=اورد ت تاريخ القروم وتقصيت
فرسان قحطان وخبرهم يمرك=ياللي لعطرين السوالف توحيت
ويا نجد في ماضيك خيرك وشرك=تشهد لصولات الشيوخ النعاتيت
يوم الخنافر بالسراياتطرك=ويصبحون القوم مثل العفاريت
مشكور يا خليل ولله درك=وانااشهدانك يا احمرالعين كفيت
تقديرك الزمنانجي في مقرك=ولولا غلاكم ياآل هدلان ماجيت
ثم ألقى الشاعر عبدالله بن عبد الهادي القعيمة قصيدة في النصح والإرشاد
أعجبت الحضور وحازت على رضاهم .
وبعده قام الشاعر سلطان بن سعيدان وألقى قصيدةً في النصح والإرشاد
أعجبت الحضور وصفقوا لها كثيراً .
ثم ألقى الشاعر محمد بن شديد العاطفي قصيدة في آل هدلان وذكر بعض أمجادهم وقد أعجبت الجميع وحازت على القبول والرضاء .
ثم قام الشاعر عوض بن شفلوت المنادية وألقى قصيدته المشهورة ( قحطان العريبة )
والتي حازت على رضاء الجميع وصفق لها الجمهور كثيراً .
ثم ألقى الشاعر عبد الهادي بن حمد العاطي قصيدةً في آل هدلان
نالت على استحسان الجميع .
ثم أقام صاحب الحفل الضيوف لوليمة العشاء
وبعد العشاء بدأت مشاركات الشعراء من جديد حيث كان برنامج الحفل بعد العشاء كالتالي :
كلمة وقصيدة للشاعر مشعل الجبوري محرر صفحة مدارات شعبية
قصيدة وطنية للشاعر شجاع بن نايف بن سعيدان
قصيدة وطنية للشاعر ناصر بن بدر بن لبدة
قصيدة في أعلام قحطان للشاعر حامد بن غانم الجذع
قصيدة للشاعر سعد الوهابي
قصيدة ( أحب الدين لو ماني مطوع ) للشاعر سعيد الحمالي
قصيدة اجتماعية للشاعر سلطان بن سعيدان
قصيدة اجتماعية للشاعر عبدالله بن عبد الهادي القعيمة
قصيدة اجتماعية للشاعر محمد بن شديد
قصيدة في الدنمرك للشاعر سعيد بن ناصر الحمالي
قصيدة في الربيع للشاعر ناصر بن بدر بن لبدة
وكلمة حق يجب أن تقال كانت تلك الليلة ليلة شعرٍ في غاية الإبداع
لما كان من حسن التنظيم , وصفاء الصوت , وحسن استماع الحضور , وتفاعلهم الكبير مع جميع القصائد التي قيلت .