أنا ماني اكبر منك لكني اكبر منك

[إبراهيم الأحمدي]

.
.
.
السلام عليكم ورحمة الله وبركاته
قصيدة أنا ماني اكبر منك لكني اكبر منك
سمعتها للشاعر ابراهيم الشيخي
في امسيه على الصحراء قبل مدة
من توجد عنده مكتوبه ياليت مشكور مقدما
.
.
,, إبراهيم الأحمدي ،،

[حمد بن سنيد المري]

ماهوب كذا

غير يقول انا ماني اكبر منك لكني اخبر منك

وحتى انا ادور لها

[شداد بن محمد]

ابشر بسعدك يالقرم

انا ماني اكبر منك لكني اخبر منك
وفرق العمر لاشي مع فارق الخبره

يجي يوم تطلب فزعتي فيه غصب عنك
وادلك على المخرج واعلمك بالدبره

تعلم تغانم فرصة الوقت اذا مكنك
وكن في حياتك معتبر لا تكن عبره

واذا كنت تجهل من تكون اختبر معدنك
كفيل الزمان انه يبين مدى صبره

على شان تعرف تحتقر شخص ماثمنك
وتثبت لمن يفخر بك انك على خبره

لو انك تصديت لهوى النفس ما وطنك
على الاتكال وضيعة الحال والثبرة

فكم ميت ودك لو مكفنه كفنك
وكم حي ودك تذبحه وتحفر قبره

والانسان لو كفه بطاقة وجيبه بنك
على جرته فالارض مايلتقي شبره

لاترقب سعة غيرك تجد حالتك في ضنك
لو انك بقصر تشوفه اضيق من الابره

تندم على مافات لكن لايحزنك
الانسان ماتغسل قذا عينه العبره

ابراهيم الشيخي

[عادل المسيلي]

صح السان الشاعر الكبير ابراهيم الشيخي

والله يعطيك العافية يا شداد بن محمد

[خالد الحارثي]

مشكور ياشداد


والله ان هذا الشيخي داهيه



عيني عليه بارده





.

[إبراهيم الأحمدي]

تسلم اخوي شداد عساك على القوة