ابراهيم الشمراني
31-07-2005, 02:44 PM
للتواصل معكم جديدي يتشرف بمصافحتكم
الوجد يسكن في عيون اللي تحداه المنام = والدمع يكسر خاطري لا فاض من عين اليتيم
والرجل لا قلبه سرا يخلط حلاله بالحرام = جمره ورا جمره تورّث له وسط جوفه جحيم
مدري نتفاءل ولاً نعلنها ( على الدنيا السلام) = ولا نخليها كذا مابين طلاّب وغريم
ولا نقابل سية المخطي بفرحه وابتسام = وأحيان بسمه تقلب الميزان وترد الغشيم
يحفظ لنا التاريخ أفعال وسواليف العظام = ويموت في وسط الطريق مطارد أحلام العديم
ويلاعب المعنى خفوق ٍ ممتلي شوق وغرام = وتضيع نظرات الهواوي لا غدا حلمه سديم
يطري عليـّه ليلة الجمعة ليا حل الظلام = طاري السفر صوب الرياض وكل ما فيني يضيم
أوادع الخلان والموقف يماريه احتدام = واشغل الموتر بـ سرعة وأحضن الليل العتيم
محطة التركي أعديها وفـ الخاطر كلام = الوجه قبله و أعذب الإحساس شرقاوي صميم
يا لعاصمه وأنتي بقلبي لك مكانه واحترام = بس (الخبر) معشوقة الخفـّاق من عصر ٍ قديم
قضيت فيها خمسه وعشرين عام ٍ في هيام = من بعد هذا ماتبوني في هوى المشرق أهيم
ثقبه.. خبر.. دمام.. دوحة.. راس تنورة.. الحزام = لبا هوى الشرقية الساحر إذا هب النسيم
امشي على خط الرياض وخاطري فيه انقسام = ودي أعوّد بس طرد الرزق في بالي لزيم
أمشي على سرعة 120 وفقا للنظام = أخاف من رادار (جوده) جعل راداره حطيم
ليا قربت لنقطة التفتيش شديت الحزام = خابر بها جندي تشوفه.. حاسب ٍ عمره زعيم
من كثر ما حرر قسايم صار يخلق انسجام = مابين (هات الرخصة) و(صفـّط) و(مشيك مو سليم)
مرة وأنا ضايق لقيته يبتسم لي باهتمام = بسمة تشابه شوفة الضيفان في وجه الكريم
جاني يشيل مخالفة فرحان جدا مستهام = أخذتها مشغول فكري من ذرا هم ٍ جسيم
يارب فرّج ضيقة ٍ في الصدر تنبي الانهزام = ما غيرك الجأ له ألاهي يا كبير ويا عظيم
وقف ويسألني علامك خاطرك عمس وحطام = شكلك مفارقها .. هنوف ٍ في وسط قلبك تقيم ؟؟
ناظرت له والعين تقدح من شرار ٍ ما يلام = صاير يمون أبو الشباب وصار لجروحي نديم
ياخي (تقلَع) ما بقا إلا انك تحضـّر لي (تمام) = وتجمّع الأفراد واقعد اشتكي لك يا فهيم
مشيت وهروجه كما ضرب الهنادي والسهام = قمت أتذكرها وأجر الحزن موال ٍ أليم
أذكر (غلاي) إلي غلاها من على صدري وسام = وارسم حلاها بين ضي وبين غيث وبين ديم
ذكرت أنا الخد الحمر تفاح غرسه غرس شام = وعيون لو خزت (برتني سبيرس) خلتها رميم
ماهي متينة ولا قصيرة.. إلا ممشوقة قوام = أوسم وسيم بهالبلد في عرفها ماهو وسيم
استغفر الله لو تهوّر يوم وتشيل اللثام = بتزيد حالات الطلاق وتنتحر بعض الحريم
بدر التمام.. لا لا من اللي قالك بدر التمام = هذيك ما ينصف حلاها نابغة ولا حكيم
العز يتبعها وفيها فرق عن كل الأنام = إذا اعتزت.. حتى الصخر لامن سمعها يستشيم
يارب سهلها على عبدك وجوّده الزمام = تعبان من جور الزمان.. وخاطري جدا سقيم
ما باقي إلا دعوة ٍ. تكفون يالربع الكرااام = شلوووو معي بأصفى النوايا وأدعو الرب الرحيم
( الله يوفق كل مسلم يتقي درب الحرام = والله يسهلها بـ خير وينقل آخونا إبراهيم )
وسلامتكم
الوجد يسكن في عيون اللي تحداه المنام = والدمع يكسر خاطري لا فاض من عين اليتيم
والرجل لا قلبه سرا يخلط حلاله بالحرام = جمره ورا جمره تورّث له وسط جوفه جحيم
مدري نتفاءل ولاً نعلنها ( على الدنيا السلام) = ولا نخليها كذا مابين طلاّب وغريم
ولا نقابل سية المخطي بفرحه وابتسام = وأحيان بسمه تقلب الميزان وترد الغشيم
يحفظ لنا التاريخ أفعال وسواليف العظام = ويموت في وسط الطريق مطارد أحلام العديم
ويلاعب المعنى خفوق ٍ ممتلي شوق وغرام = وتضيع نظرات الهواوي لا غدا حلمه سديم
يطري عليـّه ليلة الجمعة ليا حل الظلام = طاري السفر صوب الرياض وكل ما فيني يضيم
أوادع الخلان والموقف يماريه احتدام = واشغل الموتر بـ سرعة وأحضن الليل العتيم
محطة التركي أعديها وفـ الخاطر كلام = الوجه قبله و أعذب الإحساس شرقاوي صميم
يا لعاصمه وأنتي بقلبي لك مكانه واحترام = بس (الخبر) معشوقة الخفـّاق من عصر ٍ قديم
قضيت فيها خمسه وعشرين عام ٍ في هيام = من بعد هذا ماتبوني في هوى المشرق أهيم
ثقبه.. خبر.. دمام.. دوحة.. راس تنورة.. الحزام = لبا هوى الشرقية الساحر إذا هب النسيم
امشي على خط الرياض وخاطري فيه انقسام = ودي أعوّد بس طرد الرزق في بالي لزيم
أمشي على سرعة 120 وفقا للنظام = أخاف من رادار (جوده) جعل راداره حطيم
ليا قربت لنقطة التفتيش شديت الحزام = خابر بها جندي تشوفه.. حاسب ٍ عمره زعيم
من كثر ما حرر قسايم صار يخلق انسجام = مابين (هات الرخصة) و(صفـّط) و(مشيك مو سليم)
مرة وأنا ضايق لقيته يبتسم لي باهتمام = بسمة تشابه شوفة الضيفان في وجه الكريم
جاني يشيل مخالفة فرحان جدا مستهام = أخذتها مشغول فكري من ذرا هم ٍ جسيم
يارب فرّج ضيقة ٍ في الصدر تنبي الانهزام = ما غيرك الجأ له ألاهي يا كبير ويا عظيم
وقف ويسألني علامك خاطرك عمس وحطام = شكلك مفارقها .. هنوف ٍ في وسط قلبك تقيم ؟؟
ناظرت له والعين تقدح من شرار ٍ ما يلام = صاير يمون أبو الشباب وصار لجروحي نديم
ياخي (تقلَع) ما بقا إلا انك تحضـّر لي (تمام) = وتجمّع الأفراد واقعد اشتكي لك يا فهيم
مشيت وهروجه كما ضرب الهنادي والسهام = قمت أتذكرها وأجر الحزن موال ٍ أليم
أذكر (غلاي) إلي غلاها من على صدري وسام = وارسم حلاها بين ضي وبين غيث وبين ديم
ذكرت أنا الخد الحمر تفاح غرسه غرس شام = وعيون لو خزت (برتني سبيرس) خلتها رميم
ماهي متينة ولا قصيرة.. إلا ممشوقة قوام = أوسم وسيم بهالبلد في عرفها ماهو وسيم
استغفر الله لو تهوّر يوم وتشيل اللثام = بتزيد حالات الطلاق وتنتحر بعض الحريم
بدر التمام.. لا لا من اللي قالك بدر التمام = هذيك ما ينصف حلاها نابغة ولا حكيم
العز يتبعها وفيها فرق عن كل الأنام = إذا اعتزت.. حتى الصخر لامن سمعها يستشيم
يارب سهلها على عبدك وجوّده الزمام = تعبان من جور الزمان.. وخاطري جدا سقيم
ما باقي إلا دعوة ٍ. تكفون يالربع الكرااام = شلوووو معي بأصفى النوايا وأدعو الرب الرحيم
( الله يوفق كل مسلم يتقي درب الحرام = والله يسهلها بـ خير وينقل آخونا إبراهيم )
وسلامتكم