ياكبرها ياعبرها

[تركي الشيخ]

سلام تسليم الرجال اللي مكاسبهم سمان = علم وقصيد ومعرفه حتى الهروج اسمانيه

الضيف مقبل يامعزبنا ونور الشمس بان = ياكبرها ياعبرها لاتقفل البيبانيه

[عبدالله الحميداني]

يا مرحبا ترحيبةٍ .. مخلوط .. هيل و زعفران=ولا عليكم زود عند الأولّه و الثانيه
يا ضيف قبلك ضيف.. و معزّبك معطيه الأمان=وش لون يفتح باب بيته تدخل العدوانيه
اما الذي شرواك يا تركي ليا زار المكان=على فراش المقدريّه تقلط الضيفانيه

[تركي الشيخ]

الشاعر القدير // عبد الله الحميداني

صح لسانك مليون يالقرم تشرفت بمجاراتك لي

وانتسابي لهذا الصرح الشامخ شرف لي لانه وبدون مجامله من افضل المواقع الادبيه اللتي تهتم بالموروث الشعبي

وشكرا لك وشكرا لادارة المنتدى لقبول معرفي وتسجيلي بيض الله وجيهكم جميعا