احتاج رايكم في هالبيوتات

[غير مسجل]

سلام عليكم


اذكروا الله يالربع




ماني من اللي يعشـق القيـل والقـال
ولاني من اللي يشتهي حاجـة الغيـر

ولالي في لعب الصن والحكم والـلال
ولالي مع اهل الخمر.. كاس المخاسير

دايم وطبعي غير في كـل الاحـوال
ماهو غرور(ن) بس من دون تفسيـر

طبعي صريح ..وصادق القول افعـال
والكذب ..ماله عنـدي اليـوم تبريـر

رجال وانطـح لـي ثمانيـن رجـال
اللي تشوف الناس من عيـن تحقيـر

ولامن طريت الشعر ..جريت مـوال
واصخـر القيفـان للشعـر تصخيـر

هذا كلامـي جـاك ياشاغـل البـال
ياللـي تطالبنـي بصـوغ التعابيـر

وسلامتكم

[تركي الصخري]

لااله الا الله

اخي الكريم صح لسانك وبيّض الله وجهك

القصيده جيّده في معناها ومبناها ., ولا غبار عليها

طبعا ..هي على بحر المسحوب

هناك شطر فقط
طبعي صريح وصادق القول افعال

هنا ثقل في الوزن ., وعدم ادارك كامل للمعنى
وربما ان هناك خطأ مطبعي

طبعي صريح وصادق القول بأفعال
وهذا لا يقدح في النص ابدا ..
لأن القصيده جزله..وهذه مجرد ملاحظه بسيطه
وانت شاعر متمكن بدون شك
واتمن رؤية قصائدك في قسم الشعر الشعبي بإذن الله

واعتذر لك نيابه عن الجميع على تأخر الرد
لك تحياتي وأطيب أمنياتي