ابن طميران
14-08-2008, 02:08 PM
ياهجسي خابر مثل احمر الموق = الي يروم النادره والشحيحه
ماينفرع لو علقت بالسما فوق = من كفه الصيده تحول جريحه
هذا انت ياهاجس على كل طاروق = اتحول الجزلات يمي طريحه
ماتنصرم واتسوق عمرك علي سوق = الا لاجيت امدح رجالٍ مديحه
في واجبك لاترتخي واظرب السوق = تخير امن المدح ماتستبيحه
والمدح مايزها على كل مخلوق = ماكل من يمدح بيوته صريحه
وانا امدح الي فعلهم يفلج الضوق = اهل الفعول البينه والصحيحه
الي لهم فعلٍ موكد وماثوق = اهل الفعايل وسط نجد الفسيحه
يوم القبايل بين لاحق وملحوق = عدوهم لاطاح طول مطيحه
الاد روق مخضبة كل مفتوق = روس الجحادر مبعدين النزيحه
حماية التالي وحماية النوق = فزاعهم ياتيك لاسمح صيحه
يشعون دار الحف لالاحت ابروق = يسعى الفحل فيها ومطلق سريحه
ولما دعا الداعي على اعيال ابن روق = ثم الوعد نصه لهم بن مريحه
ياتيك جمعٍ يخلف القوم ويفوق = كل الجموع بهجد ولا صبيحه
وصف الجحادر يوفي الطاق مطبوق = بقيادة الي جعل ربي يبيحه
عودٍ حما نجد المسمى من البوق = واحرم على العدوان ربله وشيحه
قلت الصحيح وصامل الهرج منطوق = وعبرت عما سطرته القريحه
ماينفرع لو علقت بالسما فوق = من كفه الصيده تحول جريحه
هذا انت ياهاجس على كل طاروق = اتحول الجزلات يمي طريحه
ماتنصرم واتسوق عمرك علي سوق = الا لاجيت امدح رجالٍ مديحه
في واجبك لاترتخي واظرب السوق = تخير امن المدح ماتستبيحه
والمدح مايزها على كل مخلوق = ماكل من يمدح بيوته صريحه
وانا امدح الي فعلهم يفلج الضوق = اهل الفعول البينه والصحيحه
الي لهم فعلٍ موكد وماثوق = اهل الفعايل وسط نجد الفسيحه
يوم القبايل بين لاحق وملحوق = عدوهم لاطاح طول مطيحه
الاد روق مخضبة كل مفتوق = روس الجحادر مبعدين النزيحه
حماية التالي وحماية النوق = فزاعهم ياتيك لاسمح صيحه
يشعون دار الحف لالاحت ابروق = يسعى الفحل فيها ومطلق سريحه
ولما دعا الداعي على اعيال ابن روق = ثم الوعد نصه لهم بن مريحه
ياتيك جمعٍ يخلف القوم ويفوق = كل الجموع بهجد ولا صبيحه
وصف الجحادر يوفي الطاق مطبوق = بقيادة الي جعل ربي يبيحه
عودٍ حما نجد المسمى من البوق = واحرم على العدوان ربله وشيحه
قلت الصحيح وصامل الهرج منطوق = وعبرت عما سطرته القريحه