PDA

مشاهدة نسخة كاملة : صوتيه كيبورديه : للـتواصل ( غربيــّـه )


مناحي الحصان
22-08-2008, 07:57 AM
..
هي من قديمي "جدا " الذي تجاوز الـ 12 عاما تقريبا كـ نزف من البدايات
ونمط تقليدي آمل أن ينال على إعجابكم كعربون تواصل

هنا القصيده شيله بالصوت

http://www.3mlag.com/albladi/mna7i-hosan.RA


تحميل (http://www.3mlag.com/albladi/mna7i-hosan.RA)



ياجعل برق ٍتعاقب صوب غربيّـه=جعله على ديرة المجمـول يسقيهـا
على جبـال الهـدا ويهـل عصريّـه=دار ٍ رِبة صاحبي سقيت روابيهـا
قلبي علـى حبهـم مـا يخلـف النيـّه=حبٍ بشـع بالعـروق وساكـن ٍ فيهـا
ياريف عمري مثل هتـّان وسميّـه=نبت النِّصي والنِّفل والشيح عاليها
راعي قرون ٍعلى الامتان مطويـّه=طي الرشا يوم تطوى في سوانيها
وراعي نهودٍ تشابه بيـض قمريـّه=زين التهايا وزيـن الملـح كاسيهـا
وراعي خديـدٍ يشـادي بـرق ليليـّه=برّاق مـزن ٍ تراهـش فـي مناشيهـا
والعين عين اكحل ٍ بالزين حوريّـه=كن الولـي ماخلـق غيـره مسويهـا
عـزي لقلـبٍ ثعـت فـيـه السنافـيّـه=ثعيت فريق ٍ هجدهـا قـوم غازيهـا
بـون ونّـة قـريـص ٍ صابـتـه حـيّـه=ولاّ نفـوس ٍ بكـت مـن فقـد غاليهـا
علـى وليـفٍ ملـك قلبـي ولا زيـّـه=يالله انــا طالـبـك يــارب تحميـهـا
عيني عقب غيبته صارت شقاويّـه=تسامـر الليـل نـوم النـاس جافيهـا
يازين لاتجـزي الحسنـات بالسيّـه=ماهوب حـق ٍ علـى عينـي تشقيهـا
حظـي عقـد ليـِّة ٍ مـن دونهـا لـيّـه=الله ولا عـقـدةٍ تصـعـب منـاويـهـا


مع خالص الود

مناحي الحصان

ابراهيم بن مريع
22-08-2008, 02:36 PM
أرحب يابو ناصر


وصح لسانك على هذه الجزالة الفارهة

وأنت مبدع في جميع اتجاهاتك

تقبل خالص شكري وتقديري


أخوك ومغليك

مسفر الصفا
22-08-2008, 03:45 PM
عزي لقلبٍ ثعت فيـه السنافيّـه
ثعيت فريق ٍ هجدها قوم غازيهـا
بون ونّة قريص ٍ صابتـه حيّـه
ولاّ نفوس ٍ بكت من فقد غاليهـا
على وليفٍ ملك قلبـي ولا زيّـه
يالله انا طالبـك يـارب تحميهـا
حياك الله يالحصان

انت مبدع دائما وصاحب حضور

مميز

تحياتي لك

ملاحظةهذه الكلمة
( ثعت في الشطر اول و ثعيت في ابداية الشطر الثاني )
تكررت مرتين في البيت الاول هنا وما اخفيك سرا انني لم
افهم تفسيرها

محمد أبن دوحان
22-08-2008, 05:53 PM
صح لسانك ورحم الله شيبانك وجميع المسلمين والمسلمات

رائعه و جزله

تقبل مروري

دمت بخير على طاعة الله

ظافر بن فهد الشهراني
23-08-2008, 12:07 AM
صح لسانك ياغالي

تركي الصخري
23-08-2008, 06:40 PM
كلام يبيض وجهك

رائد نملان الحبابي
23-08-2008, 10:00 PM
ابيض وجه على هاذى الصوت الرائع ..

فهد المخلفي
24-08-2008, 01:14 AM
صح لسانك يامناحي


تقبل مروري