الشريفي حياك

[المشعل]

اتمنى من اخي المشرف الشريفي ان يلعب معي هذا الطاروق



ياسلام الله سلامن على كل الرجال=مثل شمس الصبح لاشعشعت بانوارها

يالشريفي غادر الملعبه والا تعال=واكشف الميدان واللعب مع شعارها

[عوض الشريفي]

الاخ المشعل
يعلم الله اني مشغول جدا جدا ولكن طلبك غالي
ارجو ان ننهيها اليوم





مرحبا ترحيبة من جنوب ومن شمال= هات ما عندك من صغارها وكبارها
الحمول الكايده ما لها غير الجمال=مايغر الناس غير اختلاف انظارها

[المشعل]

اسمحلي على التاخير


لاذبحنا قايد الجيش وأعلنا القتال=والبنادق لانتحا الليل ثار اغبارها

يالشريفي فيك عله وخله وانفعال=والعقول الفاهمه ماتموت افكارها

[عوض الشريفي]

انت مالك فالقصيره ومالك فالطوال=كان عندك مشكله صرها بصرارها
مابنا خله وعله ابد يابن الحلال =علتي فاللي جهل ماعرف مصدارها

[المشعل]

ياسلام ياسلام



بعد راح الريب والشوشره والشك زال=قمت اميز واعرف اكبارها وصغارها

الشريفي ذبحته لاحرام ولاحلال=جالسٍ بين المطيه وبين احوارها

[ابراهيم بن مريع]

ياولد ياولد



محراف كايف وانا تراني متابع بس من بعيد لي بعيد












;)

[عوض الشريفي]

كم سواتك لابس"ن" ثوب ومنكس عقال=دس يمناه الكريمه ومد يسارها
لاتعرض ياولد للبوابير الثقال=الله استر حال بنت الحلال وجارها

[المشعل]

طيب طيب



يالشريفي كنت اظنك فطينن للمقال=وانت حاير بين خير العرب واشرارها

والاجابه يالشريفي على قد السؤال=واستريح اليوم واقطف لذيذ اثمارها

[عوض الشريفي]

ابو مريع

مرحبا ومسهلا

وتراك مراقب

[عوض الشريفي]

الاخ الكريم مشعل المري

وفيت وكفيت والحقيقه انك ابدعت

اتمنى ان نراك معنا بمشاركاتك ومنتدى المحاوره كسب عضو كفو

لاهنت يامري

[المشعل]

ارحب يابو مريع


ووجودك شرف لي

الاخ العزيز عوض الشريفي

بيض الله وجهك والله لا يهينك على المحاوره الطيبه

واسمحلي ان بدر من شي يزعلك


تحياتي

[نواف الشهراني]

اقوووول


ابيض وجه يا مشعل وابيض وجه يالشريفي

وصح لسانك انت ويااه وماقصرتوا

والله شي يشرح الصدر

وحياك الله يا مشعل في محلك وانت وانا خوك مكسب لناا ولاهنت

[عبدالله الشهراني]

ماشاء الله عليكم مبدعين

والحقيقه ابوجارالله مبدع في مجال المحاورةوابياته لها رسم الرعيل الاول من شعراء المحاورة

لاهنتوا جميعا

[المشعل]

نواف الشهراني

عبدالله الشهراني


يامرحبا مليون ولا يكفون

ووجودكم شرف لي وبالعكس انا اعتز واتشرف بالامشاركه مع شرواكم


ولكم الشكر

[طيب الفال]

http://www.ks20.com/up/4-30-2006/946192023.gif

الشاعرين مشعل المري وعوض الشريفي الله لايهينكم وبيض الله وجيهكم محاوره مبدعه وجميله من شاعرين مبدعين
متمنيا للجميع التوفيق .
http://www.ks20.com/up/4-30-2006/169619709.gifhttp://www.ks20.com/up/4-30-2006/169619709.gifhttp://www.ks20.com/up/4-30-2006/169619709.gif

[خالد الحارثي]

صحت السنتكم

كلام ماعليه

محاوره ممتعه اتشرف بتصفحها

طالت اعماركم

[محمد بن جفين]

ارحب يامشعل
صح الله لسانك
ولسان ابو جارا الله مبدعين لاعدمتكم
تحياتي لكم