ياعبيدالله بن سعيد العرابي

[خالد الحارثي]

الاستاذ/ عبيدالله العرابي

اقلط هنيا لاهنت



ياعبيدالله بن سعيد العرابي= يالصحيب الي تناسى من صحيبه
ياعسى ماشر طولت الغيابي= هاتفك مشغول ولا ماتجيبه



.

[ابراهيم بن مريع]

هاتفـك مشغـول ولا ماتجيبـه


الا يتغلى عليك يابو سلطان لكن عليك به عليك به وتراني في صفه :)





ولعوها يارجال وسروها







وانا اعتذر منكم لاني دايخ والله اني عليها من صلاة الفجر




تصبحون على خير

[عبيدالله العرابي]

مرحبا يابو سلطان . تراحيب الغيث
لابالله أما النسيان لابارك الله في قلبٍ ينساك وآنت علم شعر وخلق وكرم وطيب أنا أشهد
لكن الظاهر الظروف متقاربه .




يامناديني وياسامع جوابي=ياالصحيب اللي مغرّقني بطيبه

بعض ماقلته يجوز إبه الصوابي=مير جوالك مسوي له مصيبه

[خالد الحارثي]

مساء الخير عليكم جميع

وتبي الصراحه يابو سعيد الي موصيني عليك تراه ابو مريع

لكن لابد له من يوم

والحال من بعضه يابو مريع

استلم يابو سعيد


كن يابن سعيد في جوك ضبابي = من يودي علم لابده يجيبه
دام تبغى لحم من ساق الغرابي =كل شي لزوم تدفع له ضريبه





.

[محمد بن جفين]

الله عليكم مبدعين

واصلواا واصلوا

متابعين وفي صفك يابو سلطان من دون قصور في ابو سعيد

[ابراهيم بن مريع]

كل شي لزوم تدفع له ضريبـه


الضريبه عليك ذي المره يابو سلطان




وتذكر كلامي





;)

[عبيدالله العرابي]

المطر يمطر على خضر الروابي=وآنت في سوقٍ يبيع المشتري به
ياجبل ميسان يامربى الذيابي=لارمينا السبع مانسمع قنيبه

[عوض الشريفي]

تمام تمام

محاورة عمالقه

متابعين والله لايهينكم


يامنادينـي وياسامـع جوابـي...ياالصحيب اللي مغرّقني بطيبـه



الله الله

دام تبغى لحم من ساق الغرابي
كل شي لزوم تدفع له ضريبـه



ياسلاااااام

[خالد الحارثي]

محمد بن جفين

ياخوي دائم تواجدك بصفي داعم كبير لي

اتشرف بتواجدك معي ولاهنت يالغالي

[خالد الحارثي]

ابو مريع

الضريبه من كيس راعي بيشه
هههههههههههههه

ردد ياليل ماطولك

[خالد الحارثي]

عوض الشريفي

سلمت لتواجدك ومتابعتك يابو جارالله

[خالد الحارثي]

عبيدالله
ارحب



والله انك ذيب ضاري بالمخابي=مير في شكلك معي شكه وريبه
لك خمس ايام ماذقت الشرابي=طيعني قدام ماتشرب غصيبه












.

[عبيدالله العرابي]

آنت شفت السيف منقوش النصابي=وإنفجعت وكل ضلعٍ تلتوي به
الحقيقه من عرف سوق الضرابي=ماعلينا منه حتى لو ضريبه

[عبيدالله العرابي]

بالجميع هلا وغلا ملاييبن
نتشرف بمروركم جميعاً وتعليقكم .
والله يعطي أبو سلطان العافيه كفىّ بالرد وفىّ

[خالد الحارثي]

قد سترك الله بستره والثيابي=ياشبيه الذيب مدري ياربيبه
مدري انته خندفي والا شبابي =صحت مع غامد وتغزي مع عتيبه




.

[عبيدالله العرابي]

الستر طيّب تعلّم الصحابي=دام في دنياك منهج تقتديبه
كلها لقمه تحت ضرسي ونابي=جاك علمي وده اللي مادريبه

[سعد القحطاني]

بيض الله وجيهكم


واصلوا متابعين

[خالد الحارثي]

ارحب ياسعد

مرحبا تراحيب المطر
باسمي واسم اخوي عبيدالله

مرور نشرف به

[خالد الحارثي]

ياعبيدالله بعد مسعاك خابي =الجمل ماحسّب الذر ودبيبه
لقمتك تحزّي وتنشب بالعلابي = تتعبك والجرح يعجز به طبيبه





.

[عبيدالله العرابي]

زبّنوا حب الذره جوف الدبابي=لجل تلقى حبته زينه صليبه
والله إنا لانذلّ ولا نهابي=وإنت يالمغلوب تبشر بالغليبه

[عبيدالله العرابي]

يعطيكم العافيه جميع
كلٍ بإسمه بالربع
لاهنتوا
تحاياي

[ابراهيم بن مريع]

بيض الله وجيهكم يالربع

انشهد إنكم ماقصرتوا

أبو سعيد وأبو سلطان كلكم من الشعار الجزلين


ولاهنتوااااااااا




أخوكم

[خالد الحارثي]

ابيض وجه يابو مريع

تبي الصراحه الله يبلش ابليس بلشتنا مع العرابي


عاد لاتصدق سراك جاي

شكرا لمرورك

[خالد الحارثي]

.

لاتزعلني وتتلقى عقابي = كيف يالجندي تصادم لك كتيبه
اخبرك ضاري على طعن الجنابي =دوم تتمدح وتضوي لك بخيبه





.

[سعد القحطاني]

بيض الله وجيهكم


شعار كبار الشهاده مجروحه فيهم


تقبلوا تحياتي