ناصر الكعبي
02-05-2009, 07:24 AM
السلام عليكم ورحمة الله وبركاته
اخواني اعضاء هذا الصرح الشامخ
وزوار هذا المنتدى العملاق ....
اقدم لك هذه المرثيه ... وهي تعبر عن مافيها
البارحه ماطاب لـي نـوم ونعـاس=ودمعي تهامل فـوق خـدي سكايـب
وامسيت أحوم بخاطري ألف هوجاس=وغربانها فوقـي تحـوم المصايـب
عليك يامن واسـود الليـل عرمـاس=حتى القمر من حزنها اليـوم غايـب
وانا شربت المر كاس(ن) ورى كاس=يلهـد تقـول الحنظلـه كبـد ذايـب
ناصر يابن عبـدالله الفكـر محتـاس=في علم موتك بين خايـب وصايـب
أحيان أصدق موتك وحين بحسـاس=أقـول ناصـر حـي والعلـم خايـب
والله يالولا الموت حق(ن) على الناس=لاقول عنك شـارب المـوت عايـب
لولست يامـوت المعاليـق لـولاس=وأشعلة مابيـن الضلـوع اللهايـب
وكسرت ظهري كسرة الغصن بالفاس=يومك نهبت العـود ناصـر نهايـب
غبني يابن عبـدالله اليـوم عمـاس=عليـك روح(ن) ماعمسهـا نوايـب
ابكيك أنا والصدر مخنـوق الانفـاس=من ضيقتي ضاقت علـي الرحايـب
ويبكيك مجلس كان لك فيه مجـلاس=بين الرجـال إللـي تفـك النشايـب
ويبكي عليك السيف والرمح والطاس=والخيل ياناصـر وعـوص النجايـب
وفنجال ودلال(ن) ياناصر ومحمـاس=تبكي عليك ونجـر ينحـب نحايـب
أقبلت كلك مرجلـه وانـت قرنـاس=واقفيت فيهـا كلهـا وانـت شايـب
الجود لبسك وانت بالجـود ملبـاس=وزيـزوم لادارت رحـاة الحـرايـب
مرحوم يامن كنـت لطيـب نبـراس=واليـوم قبـرك تعتليـه النصـايـب
أقفيت واقبل منـك الوقـت بفـلاس=في دنية(ن) عقبك عساهـا خرايـب
عليـك كنـي بتوجـد أبـو دبـاس=عـودن عزيـز وذاق ذل القـرايـب
وإلا خلوج(ن) ضاع مابين الأطعـاس=عنها ولدهـا حيـن تـرد الركايـب
ياليـت والله ماللاعمـار مقـيـاس=وإلا ياليـت العمـر يوهـب وهايـب
واوهبك عمري لو أنا مـت لابـاس=الباس موتـك ياعطيـب الضرايـب
كم فيـك للكعبـان يالعـود نومـاس=وكـم قـوم منـك ودهـا بنسايـب
تبقى العقال إللي مكانه على الـراس=ميـت وحـي ومالـك اليـوم نايـب
ويالله يامن حيـن الأريـاق يبـاس=تسقي من الكوثر ظمـا كـل تايـب
تجعله آمن تحـت قبـره بـلا بـاس=ومن رحمتك تنشي عليـه السحايـب
وصلاة ربي عد حرف(ن) بقرطـاس=على النبـي وعـداد هـب الهبايـب
اخواني اعضاء هذا الصرح الشامخ
وزوار هذا المنتدى العملاق ....
اقدم لك هذه المرثيه ... وهي تعبر عن مافيها
البارحه ماطاب لـي نـوم ونعـاس=ودمعي تهامل فـوق خـدي سكايـب
وامسيت أحوم بخاطري ألف هوجاس=وغربانها فوقـي تحـوم المصايـب
عليك يامن واسـود الليـل عرمـاس=حتى القمر من حزنها اليـوم غايـب
وانا شربت المر كاس(ن) ورى كاس=يلهـد تقـول الحنظلـه كبـد ذايـب
ناصر يابن عبـدالله الفكـر محتـاس=في علم موتك بين خايـب وصايـب
أحيان أصدق موتك وحين بحسـاس=أقـول ناصـر حـي والعلـم خايـب
والله يالولا الموت حق(ن) على الناس=لاقول عنك شـارب المـوت عايـب
لولست يامـوت المعاليـق لـولاس=وأشعلة مابيـن الضلـوع اللهايـب
وكسرت ظهري كسرة الغصن بالفاس=يومك نهبت العـود ناصـر نهايـب
غبني يابن عبـدالله اليـوم عمـاس=عليـك روح(ن) ماعمسهـا نوايـب
ابكيك أنا والصدر مخنـوق الانفـاس=من ضيقتي ضاقت علـي الرحايـب
ويبكيك مجلس كان لك فيه مجـلاس=بين الرجـال إللـي تفـك النشايـب
ويبكي عليك السيف والرمح والطاس=والخيل ياناصـر وعـوص النجايـب
وفنجال ودلال(ن) ياناصر ومحمـاس=تبكي عليك ونجـر ينحـب نحايـب
أقبلت كلك مرجلـه وانـت قرنـاس=واقفيت فيهـا كلهـا وانـت شايـب
الجود لبسك وانت بالجـود ملبـاس=وزيـزوم لادارت رحـاة الحـرايـب
مرحوم يامن كنـت لطيـب نبـراس=واليـوم قبـرك تعتليـه النصـايـب
أقفيت واقبل منـك الوقـت بفـلاس=في دنية(ن) عقبك عساهـا خرايـب
عليـك كنـي بتوجـد أبـو دبـاس=عـودن عزيـز وذاق ذل القـرايـب
وإلا خلوج(ن) ضاع مابين الأطعـاس=عنها ولدهـا حيـن تـرد الركايـب
ياليـت والله ماللاعمـار مقـيـاس=وإلا ياليـت العمـر يوهـب وهايـب
واوهبك عمري لو أنا مـت لابـاس=الباس موتـك ياعطيـب الضرايـب
كم فيـك للكعبـان يالعـود نومـاس=وكـم قـوم منـك ودهـا بنسايـب
تبقى العقال إللي مكانه على الـراس=ميـت وحـي ومالـك اليـوم نايـب
ويالله يامن حيـن الأريـاق يبـاس=تسقي من الكوثر ظمـا كـل تايـب
تجعله آمن تحـت قبـره بـلا بـاس=ومن رحمتك تنشي عليـه السحايـب
وصلاة ربي عد حرف(ن) بقرطـاس=على النبـي وعـداد هـب الهبايـب