تركي الشيخ
21-05-2009, 07:42 PM
غزليه قديمه لعلها تشفع لي عقب الغياب
على ذكر المفارق والمحبه = طرت لي يافهد قصة غرامي
وذكرت اللي قلبني في مطبه = وسلب فكري ولخبط في نظامي
هذاك اللي دعا قلبي لحبه = وجيته مندفع جيعان ضامي
بدون اشعور والنظرات سبه = من اسباب المحبه والهيامي
بعث لي نظرةٍ مثل المنبه = تصحيني وتحرمني منامي
وجيته يعلم الله ما اتشبهه = بغيري مار ابى ارد السلامي
وتعداني وانا وشلون اكبه = لكن من بيننا حال الزحامي
وروح في ذرا الريح ومهبه = وانا اغير التفت خلفي وامامي
تركني للعنا ماخاف ربه = تركني في دهاليز الظلامي
وجرحني جرح مدري وين طبه = ماعادن يقدرن شيلي عظامي
وحلفت السوق من بعده ما اطبه = ما اطب السوق قدراً واحترامي
ثلاث اسنين اغوص بقاع غبه = ولكن ماتحقق لي مرامي
وراسي بالهوى مطحون حبه = وشوف البيض من عقبه حرامي
احبه ايه احبه ايه احبه = ولو شرهو خوالي مع عمامي
طريق العشق كم عاشق نشب به = وعود لاحلال ولاحرامي
وانا بين المفارق والمحبه = ضحيت قصة الفلم الدرامي
سلامتكم جميعاً
على ذكر المفارق والمحبه = طرت لي يافهد قصة غرامي
وذكرت اللي قلبني في مطبه = وسلب فكري ولخبط في نظامي
هذاك اللي دعا قلبي لحبه = وجيته مندفع جيعان ضامي
بدون اشعور والنظرات سبه = من اسباب المحبه والهيامي
بعث لي نظرةٍ مثل المنبه = تصحيني وتحرمني منامي
وجيته يعلم الله ما اتشبهه = بغيري مار ابى ارد السلامي
وتعداني وانا وشلون اكبه = لكن من بيننا حال الزحامي
وروح في ذرا الريح ومهبه = وانا اغير التفت خلفي وامامي
تركني للعنا ماخاف ربه = تركني في دهاليز الظلامي
وجرحني جرح مدري وين طبه = ماعادن يقدرن شيلي عظامي
وحلفت السوق من بعده ما اطبه = ما اطب السوق قدراً واحترامي
ثلاث اسنين اغوص بقاع غبه = ولكن ماتحقق لي مرامي
وراسي بالهوى مطحون حبه = وشوف البيض من عقبه حرامي
احبه ايه احبه ايه احبه = ولو شرهو خوالي مع عمامي
طريق العشق كم عاشق نشب به = وعود لاحلال ولاحرامي
وانا بين المفارق والمحبه = ضحيت قصة الفلم الدرامي
سلامتكم جميعاً