حمود السويدي صار بالطيب محشوم

[سعيد بن علي]

http://www.smanalhrj.com/vb/images/uploads/492_317 354a2a8b171a670.jpg
حمود نايل السويدي

بمناسبة تنازل حمود نايل السويدي الشمري عن إبن جاره وقاتل إبنه وكفالته لوالد القاتل وإخوانه وإخراجهم من التوقيف وإصراره على حضورهم العزاء في منزله وتنازله بالمحكمة عن القاتل بعد إنتهاء العزاء..


يللي تقول بوقتنا الطيب معدوم =يكفيك طيب الشمري في قصيره

حمود السويدي صار بالطيب محشوم =يفخر بفعله ساكنين الجزيره

عن قاتل إبنه قال معفينه اليوم =نادابها بين الجموع الغفيره

نادابها وقلبه بالأحزان مزحوم =نادابها وتوه مكفن صغيره

قال العفو قبل العزي شي ملزوم =وأبوه ماله ذنب بأفعال غيره

كفل قصيرة قال ذا شي مقسوم =لجلك أبيع أحزان قلبي بجيره

الحي موته حق في يوم معلوم =الخالق الرازق محدد مصيره

أبي الجزا من خالقي حي قيوم =قدوه ودعوه للوجيه السفيره

ماهي بحب خشوم من عليه القوم =ولاهيب نخوة شيخ شمل العشيره

أحرج بطيبه منتظر زايد السوم =طماع بيع الدم لوبه معيره

الطيب ورث جدود عادات وإسلوم =وفعل الردى خلى الصغيره كبيره

والطيب يبقى بالعرب دايم الدوم =والمال ما يغني نفوس فقيره

واللي بخل فيما قدر قيل محروم =يموت نفسه للردية أسيره

يللي تجون حمود ودوله علوم =الطيب الممدوح في كل ديره

يبقى ويدوم بعز والميت مرحوم =وربه عن صدوف الليالي بجيره

فهد بن عقيل زايد الطويان

[محمد بن جاري]

أرررررررررررحب يبو علي


ولاهنت على النقل


ويستاهل السويدي بياض الوجه والاجر من عند الله


والله يكتب له الاجر


وصح السان الشاعر


سلمت يمينك


تقبل تحيات

محمد بن جاري

[مهند بن مجوي]

نسئل الله ان يرحم الميت



ويطول في عمر السويدي وعمر شروااااه




وصح لسان


فهد بن عقيل




ولا هنت


يا سعيد




تقبل مروري

[رشيد الهديرس]

صح السانك ولسان ابن طوعان والله يجزاه خير

[سعيد فنيس]

لا هنت يا ابو علي



وبيض الله وجهك على هذا النقل الطيب والغريب من نوعه







وجزاء الله السويدي خير الجزاء وكثر من امثاله عزالله قليل او بالاحراء معدوم اللي يسوي سواته








قدم بهذا الفعل خصال عدة الجميل والاجر والثواب وحبة الناس





تقبل مروري مع التحية وخالص التقديرررر,,,

[عايض بن ذروه]

لاهنت وبيض الله وجهك ..




اختيار موفق ورائع .....




دمتم بحفظ من الله ورعاية ...





اخوك / ابوفجر