قصيده قديمه للشاعر القدير سلطان بن وسام الهاجري

رشيد الهديرس · 19-09-2010, 06:57 PM

هذي القصيده للشاعر الكبير

سلطان بن وسام الهاجري (ابو مها)

وهي من القصائد اللذهبيه اللتي لايمل منها

بصوت المذيع الشاعر محمد الدوسري كان ماني غلطان

للحفظ هناااااااااااااااااا

البارحـه عينـي جفـا النـوم موقهـا=تسبـر سنـا بـرق رفيفـه يشوقـهـا
جعلـه مـن المنشـى ينثـر مخايلـه=مـن مزنـه غـرا تكاشـف بروقـهـا
لامرهـا العسـاس مـن غـب سيلهـا=عيـن خباريـهـا ووكــد حقوقـهـا
مدهـال ذود ماتقـرع مــن الطـنـف=لاقرعـت بعـض الرياجـيـل نوقـهـا
البـل تبـي رجـل عـزومـه قـويـه=ولانتـوت عـن دربـهـا مايعوقـهـا
لايسمـع العـاذل ولايسـمـع الــردي=رعايـه الربلـه ليبـسـت عروقـهـا
يـامـا رعيـنـا مشـبـر مارعـوبـه=اهــل الغنـيـم اللي تـدقـق اربـوقـهـا
مافيـه ياكـود الشـقـارى وخلطـهـا=وفيه الخزامـي اللـي طـوال عنوقهـا
ترعابـه العـرى ويبـنـي شحهـمـا=عقـب الدهـر خطـر تزايـد فتوقـهـا
يازينهـا ليـاجـت عـقـب المعـشـا=والنـار تشعـم والمعامـيـل فوقـهـا
اليـا لفـت عقـب العتيـم وتفاهـقـت=وغسلـت شمايلهـا ورفيـت شقوقهـا
هـذي تغـرز مـن غـلاهـا وقـدرهـا=وهـذي يـقـدم للنشـامـا غبوقـهـا
واليا اصبحت تسرح علي الر وض الادني=اليا اشرقـت الشمـس بـاول شروقهـا
لهبـك النسـنـاس تشفـيـك خنـتـه=ويكفيك عـن ريـح الخزامـي نشوقهـا
هــذي طـــراة الـبــل وحـنــا هـــل الـبــل=لاطــاحــت رثــــوع الـوســامــي نـسـوقـهــا
وراعي الوظيفه يرتخص عـن وظيفتـه=يرعابهـا القافـر ويتـبـع طروقـهـا
كلـه لعينـا الشايـب اللـي يحبـهـا=عـودا يقـلـط للنشـامـي حقوقـهـا
لايجـرح العانـي ولايزعـل الـخـوي=وعوق الخصوم اللـي وساعـا حلوقهـا
اللـي يحـب الطيـب يلـقـاه عـنـده=واللـي يــدور للـمـراره يذوقـهـا
ومن لايحـوش المرجلـه فـي شبابـه=واليا انتحـت صعـب وعسـر لحوقهـا
وختامهـا منـي صـلاه علـي النبـي=عـداد ماتنـشـي وتـبـرق بروقـهـا