يالالاله كل ما نبت الحيا في كل ديرة = يالالاله ياسلامي ياسلامي ياسلامي
يالالاله بو مريع مانبي والله غيره =يالالاله والطلب يمشي على حسب النظامي
يالالاله عد ّ من صلى وكبر في الجزيره=يالالاله مرحبا بك يالكريم ابن الكرامـي
يالالاله حاضرٍ لك في الصغيره والكبيره=يالالاله اكرب حزامك وانا بكرب حزامي
يالالاله والبقا ياشيخ نواب العشيرة = يالالاله في الليال التالية والا القدامي
يالالاله والشياخة ماتجي من شين سيرة =يالالاله لين شفناها مثل حد الحسامي
يالالاله مايخيب الرجل لا شاور شويره=يالالاله لا تلّحق نفسك القول الحرامـي
يالالاله الأكلبي من عقب ما فارق عشيره=يالالاله من حراكاته تقول انـه حرامـي
يالالاله وين أشاور والعقول ابلا بصيرة = يالالاله كيف تطلب علم ملعون الرسامي
يالالاله كنت أحسب مفارقه خير وخيرة =يالالاله لين شاف الذنب من صلى وصامي
يالالاله تصلح علومك ليا اصلحت السريره=يالالاله لاتكثر في الهروج وفي الكلامـي
يالالاله ولا تطول في الطويله والقصيـره=يالالاله كل راس له عيـون ولـه مقامـي
يالالاله اطلب الله يابراهيم الستيرة=يالالاله تشرب من العذب وتقول انت ضامي
يالالاله والحظوظ العاثرات المستديرة=يالالاله عاثرات لو يطولون الغمامي
يالالاله نطلب من الله يمتعنا بخيـره=يالالاله علّم اللي فاتته ركعة الامامي
يالالاله انت ماعندك سلاح ولاذخيره=يالالاله لاتذكرتك على الدنيا السلامي
يالالاله خيرة الله سارية ياخو منيره=يالالاله وأنت سارح في تفاكير الحلامي
يالالاله والعلم مركوز في راس الجديره = يالالاله بارك الله فيك ياراعي التمامي
يالالاله فرقها واضح لنا ياخو سميـره=يالالاله خانتك الالفاظ يالحر القطامـي
يالالاله خايف انه لا يوقع في الحجيره=يالالاله ارفع الرايه عن دروب الملامي
يالالاله ويش فرق الاوله والا الاخيرة =يالالاله وانت تلعب في الكوميدي والدرامي
يالالاله خلها يفداك من ضيع بعيره=يالالاله وانتبه لايبتل الموضوع شامي
يالالاله فرقها فرق العريضه والشطيـره=يالالاله ماتغرك وانته الطـور التهامـي
يالالاله وكل من حكم على العليا ضميره =يالالاله ما خسر لا سيق في يوم الزحامي
مواضيع مشابهة 
محاورة مسفر وابراهيم بدون ردود 
النمط المتتابع
