قصيده الشاعر الكبير عبدالهادي بن عبدالله بن القعيمه القحطاني رحمة الله عليه
[line]
بدينا بذكر اللي عزيز ورحماني=عزيز يعز الخلق ويجمل أحواله ايلاه خلق مسلم وشوعي ونصراني=وكلن على دينه وله رب يساله خلقهم وفرقهم بزود ونقصاني=وكلن على قدر عمله كال مكياله وترى من تمسك في عرى خمس لركاني=يثيبه جليل الملك واللي بى ناله عسى الله يزين مبتدا أمري ختماني=وعسى من عبد خلاقه النصر يهياله وأنا أسباب ماهيض غرامي وشاقني=زماني درس وزريت أنا أرقع اسماله احد الليالي والليالي تحداني=وما فات من دور علي قلت يسقى له أطول الامل فيها وهي طولها أفناني=ولا من بيفزع لي ومن بشتكي هاله سوى اللي خلق روحي بقدره وسواني=وحمل سفينة نوح الزواج واسواله وهو الاول التالي لاحد مامعه ثاني=وهو ناصر اللي يزهمه حين يشكاله صبرت وصبرت وكل ما في الخفا باني=كشف وانكشف والصيد ناحر لختاله أنا بنصح اللي له جلال وله شاني=يعرب تراه يقال نصف الولد خاله يدور لمجنى من حجا روس ضلعاني=ليا كان يتعب من مذبه ومحواله ترى الطير ماله ذنب والذنب للجاني=ورا مايدور ماكر الطيب يعناله وترى من جنى الشبوط ماهوب ربحاني=يفرفش ولو شاف أرنب ما قضبهاله وبعض المجاني فيه حرٍ وشيهاني=طيور تذبح دقت الصيد وجلاله نبي عن اللي شفت مانيب غلطاني=وفى الناس لامن غلط ماطاع عذاله أنا اشوف بعض الناس كن ماله اخواني=ولو كان ابوه عداد اصابيعه اعياله بعضهم لخوه اضلال واحجاب وكناني=وعلى كل مسقىٍ عاسره ورد احباله لربعه محل في مكانه ومسكاني=ويفرح بجمعاهم على ما تهياله يعيشون في بيته صغارٍ وشيباني=على ما تيسر في صيانيه وادلاله ترى فى الرجال اللي له لسان واسناني=يعيشون ربعه في ذرا حاله وماله يعز الرفيق ويكرم الضيف والعاني=ومن دور المعروف بالخير يدعى له وترى فى الرجال اللي يسمى كحيلاني=رع المد والمعروف لاقلوا أرجاله وترى فى الرجال اللي يسمى بليهاني=يجي حمل اليفه فوق حمله ويشتاله ولاهوب من كثر العلايق بمتواني=كما أن الحمل لما ثقل تعرف جماله ولايعجبك مسنح بعضهم ولو زاني=لمنه تثيقل روزة الحمل ما شاله خبيث الطبايع فى المواثيق خواني=ولو كان يمسح بيده الوجه وسباله وترى فى الرجال مجرب بارع لساني=وهو ما يفضل بين يمناه وشماله لسانه على غير القدا ماله عناني=ويلا اقبل على اهل المجتمع يكره اقباله وترى فى الرجال ...............اني=يدوج مع الاسواق ويخايل ظلاله يبي له بعض ناس مذاهبهم شياني=يدور هوا مثله ويشريه برياله وترى فى الرجال اللي يسمى ردياني=ردا من الردى والردا فاله يسمى الثعل والا يسمى نويصاني=ردينٍ دنين في مماشيه وافعاله برابيد نقصانٍ عسى جنسهم فاني=ومن فات منذا الجنس صار أنه أشلاله وهل المذهب الطيب تحصلهم اعواني=كما العد طاروقه يدلك على جاله على العز والمعروف وقدرٍ وصفطاني=كما قالوا ان الطير ياقع على اشكاله ورفيقي اليا مني تكلمت حكاني=ومن خلقته ما قال ذالى ولاذاله ربيعي ومصيافي وغرسي وبستاني=وأنا له كما الوسمي اليا حذرب خياله ورفيقين اليا جات المواجيب ما جاني=ما عاده رفيق هو و شرواه وأمثاله رفيقي على الدنيا اليا صار خلاني=ففي الاخره مالي نصيبٍ من اعماله اليا صار مايفرح بعزي ويدراني=فرفيقه على الدنيا بقى كنه الحاله ويلا صرت أنا اعزه وعزه تعداني=فيعرض وأنا بعرض وكلن على فاله بيلقا رفيق له على غير برهاني=رفيق الرخا بيبور لامست حباله وأنا الطيبين ربوع عيني وخلاني=ومن صد من دربي فلانيب في حاله وأنا افضل أكل من كراسيع ذرعاني=والأ انصا الردي الحاجةٍ اترجى له أنا للكلام الزين سيد وسلطاني=اجيبه على كيفي فهيمن العداله أنا اعدله تعديل قسم بميزاني=فطينٍ العداله اليا مال مثقاله كلام عليه اعدل رهون واثاني=ولاني بمن ينقد كلامه اليا قاله وصلوا على سيد البشر عد ماكاني=على محمد المختار وأصحابه وآله
回 النفس تبكي على الدنيا وقد علمت .*.金*. أن السلامة منها ترك مافيها回 回لادار للمرء بعد الموت يسكنها ..*金.* إلا التي كان قبل الموت يبنيها回 回 فإن بناها بخير طاب مسكنها .*.金*. وإن بناها بشر خاب بانيها 回
الشاعر الكبير عبدالهادي بن عبدالله القعيمه 
النمط المتتابع
