الشاعر الكبير مستور العصيمي مهنئا بحلول الشهر الفضيل وتطرق الي( أحد موالات محاوراته ) من تحريف غير مسؤول يتداوله بعض المغرضين عبر البلوتوث في الهواتف الجوالة وهي آخر قصائده التي يجدد فيها الولاء والبيعة ويستنكر على من رماه بالعقوق ظلما وبهتانا ..
[poet font="MS Sans Serif,5,black,normal,normal" bkcolor="transparent" bkimage="" border="double,3,black" type=2 line=200% align=center use=ex length=0 char="" num="0,black" filter=""]
سلام منـي عـد مايطلـع النـور=واعداد ماتمطر من الغيـث غيمـه
سلام من شاعر محنـك ودكتـور=دكتور في بدع اللحـن والوسيمـه
بابور فكري يطرب امواج وبحـور=ويزفنـي بيـن البحـور الطميمـة
يابن فهد يامحكم الـراي والشـور=حكيم من روس الرجـال الحكيمـة
عبدالعزيز بطيـب الفعـل مذكـور=الكل يدعي له عسـى الله يديمـه
عد الروى يصلونه ورود وصـدور=يروي الكبود الضاميـات المحيمـة
له مع رجال المعرفة والكـرم دور=الاصل طيـب والمواقـف عظيمـة
يامير انا في مهجتي قصر معمـور=من دونكم ماشـوف للعمـر قيمـه
واخلاصنا من ماضي الوقت مخبور=مخبور من ماضي العصور القديمه
يامير انا من فعل الانـذال مقهـور=تحريفهم للقـول احسـه جريمـه
سمعت بين الاجهزه علـم منكـور=مايفعله من فيـه غيـرة وشيمـة
محرفين الصدق بالكـذب والـزور=اهـل الحكايـا والحقـد والنميمـة
يقلون شوفوا واسمعوا قول مستور=وهي علي مـن الظلايـم ظليمـه
احلف وانا ماني على الحلف مجبور=اني لكـم مخلـص بنيـه سليمـه
ياعل من خلفك في جنـة الحـور=في جنة الفـردوس ينعـم نعيمـه
مستور العصيمي
[/poet]
لكم مني كل المحبه
مواضيع مشابهة 
>> مستور العصيمي يرد على جبناء البلوتوث << 
النمط المتتابع
