يقول الخلاوي الذي ما يكوده=جديد البنا من عاليات القصايد
قصايد لا بد الملا تستفيدها=لا مسى غريم الروح للروح صايد
لعل الذي يرونها يذكروني=بترحيمة تودع عظامي جدايد
واوصيك يا ولدي وصاة تضمها=الى عاد مالي من مدى العمر زايد
وصية عود ثالثة رجله العصا=وقصرت خطاه اللي من اول بعايد
وصية عود زل حلو شبابه=وعانيه بالدنيا وعانيك واحد
يبديك بالغالي على شف نفسه=كشفيق من ايام الرضا عنك ناشد
لا تاخذ الهزلا علشان مالها=ولا تقتبس من نارها بالوقايد
لا تاخذ الا بنت قوم حميده=عسى ولد منها يجيب الحمايد
يجزي عمل راعي الحسنا بمثلها=ويجزي عمل راعي النكد بالنكايد
ولا تتقي في خصلة ما بها ذرا=ولا تنزل الا عند راعي الوكايد
ولا تسفه المنيوب لا جاك عاني=إياك يا ولدي ومطل الوعايد
أبيك تسوي بي سواتي بوالدي=وانت على غيره بمثلي وزايد
فلي من قديم العمر نفس عزيزه=أعض على عصيانها بالنواجد
قد أوزمتها ماكان خوف الى بقا=على من ايام الردى أن تعاود
ويا طول ما وسدت راسي كتاده=من خوفي يعتاد لين الوسايد
فمن عوّد العين الرقاد تعودت=ومن عود العين المساري تعود
ومن عوّد القوم المناعير مطمع=تلوه بالانضار والجياد العدايد
ومن عوّد الصبيان اكل بيته=عادوه في عسر الليالي الشدايد
ومن عوّد الصبيان ضرب بالقنا=نخوه يوم الكون يابا العوايد
ومن كثر الطلعات للصيد ربما=يوافيه غرات يجي منه صايد
ومن تابع المشراق والكن والذرا=يموت ما حاشت يديه الفوايد
الايام ما باق بها كثر ما مضى=والاعمار ما اللي فات منها بعايد
نعد الليالي والليالي تعدنا=والاعمار تفنى والليالي بزايد
الى دقت الوسطى البهام تذكرت=زمان مضى ما هو لمثلي بعايد
فلا بد ما سحم الليالي تحوفني=بليل ولا لي عن لقاهن بزايد
ويمشعن هبر من الظهر كنه=خبايب افعى بين حديب الجرايد
((الشاعر الخلاوي))
نعد الليالي والليالي تعدنا ((الخلاوي)) 
النمط المتتابع
